كيفية اضافة الفيمية على الرخصة لو العربية زيرووو

[hesham fawzy h]

اللهم صل على محمد وعلى آله وصحبه أجمعين
سبحانك اللهم وبحمدك ، أشهد أن لا إله إلا أنت أستغفرك وأتوب إليك


السيارة فيرنا


ناوى اجييييب عربية جديدة ان شاء الله و عايز اضيف الفيمية على الرخصة اعمل اية

مع العلم انى مرووور مدينة نصر



لو العربية نازلة ب سبويلر ،،، هيتكتب فى الرخصة سبويلر ولا اية ؟



و يا سلام لو اى نصيحة اتبعها عند استخراج رخصة السيارة

[Ros]

بص ياباشا فى فئه فى الفرنا باسبويلر و فاميه خلفى وجانبى دى اعلى فئه تقريبا فى الاوتوماتك بتعمل 90000 تقريبا مش متذكر و الفاميه هيضاف لوحده هتلاقيه فى الافراج الجمركى و المهندس وهو بيفحص بيكتب فاميه لانه المفروض عارف انه نازل فيها

[Mido Casper]

بص لو مش مثبت حاول تخليهم يثبتوهالك او تسالهم ف الاجنس اللي بتشتري منه ازاي بتثبتها لانهم ليهم شغل كتير ف الحاجات دي ويعرف يخلصهالك .. لو معملتهاش بتكون يا بواسطه شديده يا اما سامحني في الكلمه بتزبط كل اللي ف الاداره عشان تثبت ف الرخصه

[hesham fawzy h]

بص ياباشا فى فئه فى الفرنا باسبويلر و فاميه خلفى وجانبى دى اعلى فئه تقريبا فى الاوتوماتك بتعمل 90000 تقريبا مش متذكر و الفاميه هيضاف لوحده هتلاقيه فى الافراج الجمركى و المهندس وهو بيفحص بيكتب فاميه لانه المفروض عارف انه نازل فيها

هى لو مفيهاش فيمية اكتبة على الرخصة ازاى ؟

[2CODE]

شوف اولاً الفيرنا مش بيبقى معاك افراج جمركي بيبقى معاك ورق تصنيع سيارة لانها بتتعمل في مصر هنا في مصانع غبور ده اولاً

ثانياً الفيرنا الفئة اللي نازلة بفامية هيتكتب اجباري فامية في الرخصة لانه هتلاقيه موجود في ورق تصنيع السيارة اللي هتقدمه للمرور

طيب ايه كمان ؟؟؟؟ لو العربية مش نازلة بفامية مش هتقدر تكتبه على الرخصة انما لو نازلة بفامية هتقدر تكتبه على الرخصة

ده خلاصة القول بأذن الله :)

[midooo_119]

ماينفعش تثبته الا لو هى نازله بفاميه و بيبقى مكتوب فورقها كده

[hesham fawzy h]

متشكرييييين يا رجالة

بس التفيييييم نازل زجاج ورا بس ينفع اخلية يكتب فى الرخصة زجاج فامية كامل يعنى كل الزجاج بتاع العربية

[Ros]

هى دى اللعبه ... انت مرور ايه ؟؟؟؟

[midooo_119]

متشكرييييين يا رجالة

بس التفيييييم نازل زجاج ورا بس ينفع اخلية يكتب فى الرخصة زجاج فامية كامل يعنى كل الزجاج بتاع العربية

اه هيكتب فاميه فابريقه بس برضه لو فيمت قدام هتتاخد مخالفه لانهم عارفين مفيش عربيه بتنزل فاميه قدام و لو ضابط رخم هيجيب مفتاح و يخدشلك الفاميه و يكشفك