ليه العربيات بره نضيفة وفمصر وحشه

[Delta Force]

انا مش هتكلم على الموديلات و الانواع لاننا بنحارب بعض فى لانوس و نوبيرا و ماتيز
ولا هتكلم فى الاسعار لان سعر العربيات دى برة ممكن يجيب لكزس و الاغرب اننا بنقول على الفولفو وحشه عشان توكيلها و قطع الغيار
انا هتكلم على حاجه تافهه زى عربيات المصريين
ليه العربيات برة الزيرو شكلها العام انضف من نفس العربيه الزيرو فمصر
يعنى تحس ان الصاج اقوى و الرش نضيف و شكلها ماسك نفسه
رغم انها نفس العربيه

[mirra]

ممكن تكون عقده الخواجه مثلا...هههههههههه

[Adnfalcon]

عوامل التعريه ههههه
اصل مصر بلد شمس وتراب

[Omar Mahmoud]

معلش في الكلمة
لأن ده شعب خسارة فيه يركب حاجة نضيفة(مش قصدي الكل طبعا) يعني مثلا تلاقي واحد ماشي بعربية مصدية و مخبطة من كل حتة و شكلها يقرف علشان يبقي اسمها فابريكة و تجيب سعر.
الناس للأسف بتزهق من التوكيلات لأن مصر مفيهاش توكيل نضيف و بتروح لميكانيكية يخلو العربية عجلة في ظرف سنة بالكتير زي مثلا التيرموستات بيسخن العربية.
الناس بتستخسر في عربياتها اللي تلاقيه حاطط زيت درجة اللزوجة و الحرارة مش مناسبين لموتور عربيته علشان مستخسر يقرا الكتالوج.
اللي شايل سائل التبريد(المية الملونة) و حاطط مكانها مياه حنفية علي اساس إن مفيش فرق بينهم.
اللي بيهتم إن عربيته مترشش برة ولا جوة و سايبها الكهرباء تضرب و الموتور يقفش و يزعل اوي لو جابتلوا سعر قليل.
الاسباب كتير و في حاجات الناس ملهاش ذنب فيها
زي المطبات الصناعية و الحفر اللي في الارض و الطرق متسفلتة وحش و طبعا الصنايعية الفتايين.

[monamize4]

معلش في الكلمة
لأن ده شعب خسارة فيه يركب حاجة نضيفة(مش قصدي الكل طبعا) يعني مثلا تلاقي واحد ماشي بعربية مصدية و مخبطة من كل حتة و شكلها يقرف علشان يبقي اسمها فابريكة و تجيب سعر.
الناس للأسف بتزهق من التوكيلات لأن مصر مفيهاش توكيل نضيف و بتروح لميكانيكية يخلو العربية عجلة في ظرف سنة بالكتير زي مثلا التيرموستات بيسخن العربية.
الناس بتستخسر في عربياتها اللي تلاقيه حاطط زيت درجة اللزوجة و الحرارة مش مناسبين لموتور عربيته علشان مستخسر يقرا الكتالوج.
اللي شايل سائل التبريد(المية الملونة) و حاطط مكانها مياه حنفية علي اساس إن مفيش فرق بينهم.
اللي بيهتم إن عربيته مترشش برة ولا جوة و سايبها الكهرباء تضرب و الموتور يقفش و يزعل اوي لو جابتلوا سعر قليل.
الاسباب كتير و في حاجات الناس ملهاش ذنب فيها
زي المطبات الصناعية و الحفر اللي في الارض و الطرق متسفلتة وحش و طبعا الصنايعية الفتايين.

[elpasha1]

وكيل العربية هو المسئول عن مواصفات العربية
وطبعا علشان اوسخ (اسف في اللفظ) حاجة بتنزل لينا فلازم تبقي كدةا
الوكيل بيستخسر

[grumby78]

شوف ياسيدي انا لما بروح شرم الشيخ بلاقي عربياتها افضل شكلا من عربيات اسكندرية والقاهرة . عشان شرم الشيخ مافيهاش عيال بتطلع من المدارس تعمل لوحات فنية على العربيات ولا عربيات كارو وتكانك وتروسيكلات وكثافة عددية وشباب بيقعدوا على عربيتك يتسامروا !!بالاضافة ان الزحمة بتزود نسبة وقوع حوادث .. مش حنروح بعيد يعني ..
كل دي عوامل بتبهدل العربيات . في داخل المدينة الواحدة او الشارع الواحد تلاقي العربيات اللي بتركن في جراج بعيد عن الشمس وحركة الناس والعربيات في الشارع حالتها اجمالا افضل . كل الكلام ده مش موجود بره ضيف لكده مفيش ناس حاقدة باصالك في العربية ومفكراك سارق فلوسها من جيبهم . دمت بصحة

[monamize4]

العربية ف مصر اخرها 3-5 سنين و تحس انها عمرها بقى 20 سنه

[AlGazar2]

بره معندهمش شمس زى هنا معندهمش تراب زى هنا
معندهمش شارع لو الدنيا مطرت فيه 5 دقايق يتحول لطينه زى هنا

دى عوامل كفيله تخلى العربية بعد 20 سنة نضيفه زى ما جت

لكن هنا الشمس و التراب و الطينة يخلولك العربية الزيرو بعد اول شهر كانها ماشيه من قرن فى البلد

[ashrafwolf]

علشان انت ماسفرتش بره مصر فمش قادر تفهم
اللي قال جو مصر معتدل كداااااااااااااب الجو في اوروبا احسن مليون مره
بره مصر ممكن تلبس نفس القميص اسبوع من غير ما الياقه تتوسخ
بره مصر بتخرج بالجزمه نضيفه و بترجع بيها برضه نضيفه
اول لما تنزل من الطياره بتحس انك اول مره بتتنفس من نقاء الهواء
مفيش تخريب متعمد من حد
مفيش فهلوه في الاصلاحات (علشان اللي بيخرب بيتحاسب و بيتخرب بيته)
و تحيا مصر

[Ahmed Saad]

علشان هما ناس بتفهم وبتفكر العربيه تبوظ يجيب القطعةالاصليه العربيه تترش عادي بس بتترش صح ده غير اأنهم بينفذوا كلام الصانع مظبوط لأنه الصانع ادري بصناعته فمش هييجوا يفتوا هما وده المتبع في مصر الفتى وده سبب بوظان شكل العربيات في مصر وسبحان الله الفتى في الميكانيكية والتوكيلات معا ده غير المعتقدات الخاطئه عند المصريين زي اللي بيمشي بصفيحه مصديه ويقوللك فابريقه بره وجوه علشان يبيع لو المعتقدات والفتي خلص من مصر هتلاقى العربيات زي بره

[mr_vampire]

بره معندهمش شمس زى هنا معندهمش تراب زى هنا
معندهمش شارع لو الدنيا مطرت فيه 5 دقايق يتحول لطينه زى هنا

دى عوامل كفيله تخلى العربية بعد 20 سنة نضيفه زى ما جت

لكن هنا الشمس و التراب و الطينة يخلولك العربية الزيرو بعد اول شهر كانها ماشيه من قرن فى البلد

شمش وتراب مصر لا يعتبرو شيء بالنسبة لشمس وتراب الخليج وعربياتهم انضف.

الاصل. مواصفات العربيات اللي بينزلها المنشا للبلد. واللي عايش فالخليح هيعرف ان حتي الصيني اللي فالخليج ممكن يبقي انضف من الماركات العالمية اللي بتنزل مصر.

امال الناس بتفضل العربيات الخليجي ليه مادام كدة كدة هتمشي في مصر وهتتعرض لنفس العوامل مايجيب العادية ويوفر فرق الفلوس ....

علي اد فلوس هنزلك المنتج ...

[demonarundo]

انت فى مصر اول ما بتشوف عربية من برا مصر لو جمرك الخليج او ليبيا , بتعرفها اول ما تشوفها من غير ما تشوف النمر , مجرد نظرتك للعربية بتحس ان فى حاجة مختلفة

[mcomics]

يا ريت علي العربيات بس،
انت اي منتج بتجيبه في مصر يا مغشوش، يا دنيئ المواصفات وفوق كل ده غالي
جرب تجيب اكسسوارات من برة وهتشوف فرق السما من الارض لو قارنتها باللي بيتباع هنا

[J A G U A R]

مصر لازم تبقى مميزه عن غيرها