استفسارعن مدرسة لتعليم القيادة الأتوماتيك في القاهرة

[amr011111]

لو عاوزه تتعلمى اتوماتيك يبقى مختاجه حصه واحده بس وخلاص
ومن غير حصه برضه عادى جداًَ

ولما تستلمى العربيه خليها فى يوم جمعه قبل الصلاه وبالتوفيق
بالنسبه للسواقه الاتوماتيك كالتالى
او لما تستلمى العربيه هتلاقى الفتيس على الوضع P
هتدورى العربيه وتدوسى فرامل وتجيبى الفتيس على الوضع D وبعدين تشيلى رجلك من على الفرامل بالراحه هتلاقى العربيه مشيت تقومى تدوسى بنزين وطول ما انتى ماشيه عاوزه تزودى سرعه يبقى بالبنزين تهدى يبقى بالفرامل

لو وقفتى فى اشاره طبعاً هتكونى دوستى فرامل ووقفتى العربيه وساعاتها ياما تخليكى دايسه فرامل ياما تنقلى الفتيس للوضع N وتشلى رجلك من على الفرامل أو تشدى فرامل اليد وبعدين تنقلى الفتيس للوضع p
بالنسبه للرجوع للخلف بتجيبى الفتيس على الوضع R وبعدين تشيلى رجلك من على الفرامل واحده واحده

للنقل بين الاوضاع تدوسى على الزر الجانبى فى الفتيس ان كان يوجد به زر لو كان زجزاج هتلاقى بيمشى فى حارته عادى

وكل الحاجات ديه ممكن حد من المعرض يقولها ليكى فى خمس دقايق
وبالتوفيق

[darkangel345]

طبعا الأفضل لحضرتك تتعلمي علي اوتوماتيك علشان تعرفي تتعاملي معاه و هتلاقي كتير معترضين علي الحكاية دي و ده اللي حصل في 2010 لما اخويا اشتري عربيته
في مدارس كتير بيكون عندها عربيات مانيوال زي 128 و سوزوكي ماروتي و دايو لانوس و هيونداي فيرنا و في نفس الوقت عندهم اوتوماتيك زي حسام كار و حمادة كار بس دول في جامعة الدول كان عندهم لانسر بومة اوتوماتيك معرفش لسة عندهم ولا لأممكن حضرتك لو شفتي مدرسة تعليم تسأليهم لان وقتها سمعنا إن مفيش اوتوماتيك و اكتشفنا بالصدفة بس المهم تعرفيهم إن حضرتك بتسوقي مانيوال من فترة كبيرة علشان ميتعاملش معاكي علي إنك لسة بتتعلمي السواقة جديد.

شكرا لحضرتك طبعا افضل عشان اتجنب اي خسائر في العربية من اولها وخصوصا اني متعوده علي المانيوال لدرجة اني فكرت اشتري مانيوال بالنسبالي حتبقي افضل منالاوتوماتيك بس للاسف العربية مبينزلش منها مانيوال , حسام كار و حمادة كار في جامعة الدول ان شاء الله حعدي عليهم

[darkangel345]

https://www.facebook.com/pages/%d9%8a%d9%88%d8%b3%d9%81-%d9%83%d8%a7%d8%b1/229368503931978

https://www.facebook.com/khairy.car

دول مدرستين لتعليم القيادة
يوسف كار و خيرى كار
ممكن حضرتك تتصلى بيهم و تشوفى المناسب
خيرى كار فيه أوتوماتيك
ما أعرفش هل موجود فى يوسف كار و ألا لا
ربنا يوفقك إن شاء الله

شكرا جدااااا جداااااا لحضرتك
ربنا يخليك

[darkangel345]

المواصفات بتعتك دى والله الموضوع مش مستاهل وفلوس بترميها على الفاضى انتى اول متستلمى العربيه اخوكى او باباكى يكونوا معاكى 5 دقايق والموضوع انتهى وفى نقطه تانيه انك بتلغى رجلك الشمال خالص لانها ملهاش اى استخدام فى الاوتوماتيك. مجرد رأى

حضرتك عندك حق هي فعلا فلوس علي الفاضي بس يعني احسن لا قدر الله ما تيجي في الفتيس وبعدين انا عايزه بس حصه او 2 , ومن وجهة نظري المتواضعة (جدااااا) انا بسوق احسن من اخويا و بابا دلوقتي ملوش في السواقة خاااااااالص , ورأيك علي راسي

[darkangel345]

اللي بيعرف يسوق مانيوال مش محتاج مدرسه تعلمه يسوق اتوماتيك ... هو محتاج ٥ دقايق بس يعرف النقلات علي الفتيس الاتوماتيك و خلاص بيطلع يسوق عادي جدا

لكن اللي بيتعلم علي اتوماتيك مش بيعرف يسوق المانيوال

كلام سليم 100% بس المشكلة ان الفتيس عند الD فيه تكه شمال وبيتحرك لفوق و علامة + ولتحت وعلامة -

[darkangel345]

فعلا عندك حق بس الحاجات المختلفة في الاوتوماتيك سهلة و ممكن تتعرفي عليها مش تتعلمها
1- تثبيت الرجل اليسرى على المكان العالي الفاضي يسار مكان الدواسات و الرجل ماتتحركش خالص لحد ما تتعود ان مافيش دبرياج و الحركة بالرجل اليمين فقط
2- التعود على ان شيل الرجل من على الفرامل العربية هاتتحرك
* اول نقطتين دول اللغبطة فيهم تعمل حوداث لا قدر الله
3- الفتيس فيه امان بحيث النقلة مش هاتتغير غير لما تكون العربية واقفة فمافيش قلق خالص من موضوع اللغبطة في النقلات
4- اللي ممكن يبوظ الفتيس فعلا النقلة p و ديه لازم تكون فرامل اليد مشددودة في النقلة ديه او الضغط على دواسة الفرامل باستمرار طول ما العربية على الوضع p

بس كده !!

شكرا لحضرتك شرح مبسط ومفهوم جداااا بس ممكن العملي يختلف عن النظري فيعني محتاجه تجربة عملي بسيطة يعني حصة او 2 ان شاء الله مش اكتر عشان متبقاش فلوس علي الفاضي

[darkangel345]

لو عاوزه تتعلمى اتوماتيك يبقى مختاجه حصه واحده بس وخلاص
ومن غير حصه برضه عادى جداًَ

ولما تستلمى العربيه خليها فى يوم جمعه قبل الصلاه وبالتوفيق
بالنسبه للسواقه الاتوماتيك كالتالى
او لما تستلمى العربيه هتلاقى الفتيس على الوضع P
هتدورى العربيه وتدوسى فرامل وتجيبى الفتيس على الوضع D وبعدين تشيلى رجلك من على الفرامل بالراحه هتلاقى العربيه مشيت تقومى تدوسى بنزين وطول ما انتى ماشيه عاوزه تزودى سرعه يبقى بالبنزين تهدى يبقى بالفرامل

لو وقفتى فى اشاره طبعاً هتكونى دوستى فرامل ووقفتى العربيه وساعاتها ياما تخليكى دايسه فرامل ياما تنقلى الفتيس للوضع N وتشلى رجلك من على الفرامل أو تشدى فرامل اليد وبعدين تنقلى الفتيس للوضع p
بالنسبه للرجوع للخلف بتجيبى الفتيس على الوضع R وبعدين تشيلى رجلك من على الفرامل واحده واحده

للنقل بين الاوضاع تدوسى على الزر الجانبى فى الفتيس ان كان يوجد به زر لو كان زجزاج هتلاقى بيمشى فى حارته عادى

وكل الحاجات ديه ممكن حد من المعرض يقولها ليكى فى خمس دقايق
وبالتوفيق

شكرا لحضرتك علي الشرح الوافي والنصائح الهامة وان شاء الله هي حصةواحدة او 2 بالكتير

[mr.moustafa]

الفتيس عندك تبترونيك . يعني ممكن تلغي النقل الاوتوماتيك و تنقلي بالفتيس مباشرة بدون دبرياج بانك من الوضع d تحركي الفتيس يمين و تنقلي لفوق + للنقلة الاعلى و - للنقلة الاقل مع ملاحظة انك لو مانقلتيش و rpm زاد لحد خطر هاينقل لوحده

[Tmhami]

رأيى المتواضع أن الموضوع مش محتاج كل ده
هاتى الفتيس على ال d , و خلى رجليكى الشمال بعيد و سوقى عادى
و سيبك من الستيب ترونيك , خليه يعدين
أنا عملت كده لما أول مره سوقت أوتو , الموضوع بسيط جدا
و مفهوش خطر على الفتيس أطلاقا ,
الخطر الوحيد أنك تجيبى r , و أنت ماشيه بالعربيه , لازم تكون العربيه واقفت خالص قبل متجيبى ال r

يعنى أستلمى العربيه من المعرض و هاتى ال d و سوقى عادى جدا

[S O P H O S]

رأيى المتواضع أن الموضوع مش محتاج كل ده
هاتى الفتيس على ال d , و خلى رجليكى الشمال بعيد و سوقى عادى
و سيبك من الستيب ترونيك , خليه يعدين
أنا عملت كده لما أول مره سوقت أوتو , الموضوع بسيط جدا
و مفهوش خطر على الفتيس أطلاقا ,
الخطر الوحيد أنك تجيبى r , و أنت ماشيه بالعربيه , لازم تكون العربيه واقفت خالص قبل متجيبى ال r

يعنى أستلمى العربيه من المعرض و هاتى ال d و سوقى عادى جدا

ده اسلم الحلول
وطالما حضرتك بتسوقي مانيوال
هيبقي الاوتو اسهل