شفتو اهمال المصري وصل لايه؟؟؟؟؟؟!!!!!!!!!

[hazem_khidr]

من حوالي تلات اسابيع واحد قريبي اشتري عربيه سبرانزا و كان معجب بيها اوي .
المهم ماشي بيها جوه البلد و هيا ما عملتش جوالي 700 كيلو يعني لسه زيرو و فجأه العربيه ما تقبلش الحركه!!!!!!!
يدوس بنزين ما بتمشي ينقل برضه ما تمشيش؟؟
ايه دا ايه اللي حصل؟؟ما يعرفش المهم كلمني و جبنا عربيه جريناها بيها لحد بيته و لما شفتها قولتله دا كوبلن فرط او عمود كوبلن اتكسر علشان تقبل النقلات و كل حاجه بس ما بتتحرك.
اتصلنا بالصيانه و الصيانه جات تاني يوم الساعه 7 المغرب و انا كنت معاه و شايط من الموقف
لقيتهم بيقولو احنا اسفين كان في تيله المفروض بتركب في الكوبلن نسيو يركبوها!!!!!!!
طب ايه الحل بقي لو الكوبلن عمل الحركه دي علي طريق؟؟ مش كان ممكن العربيه تتقلب
ما اقدرش اقول غير حسبي الله و نعم الوكيل في الناس اللي بتاخد فلوسنا و بتغشنا و بتستهتر بارواحنا ...

[م/محمد]

لا حول ولا قوه الا بالله

[Karim_Monir]

لا حول ولا قوة الا بالله
ده ناتج عن ان مفيش رقابة جودة بضمير
الكواليتي كنترول هو سر نجاح اي صناعة
شوفو القميص الصيني ابو 15 جنية تقفيلة انضف 100 مرة من القميص المصري ابو 90 و 120 جنية
ماتلاقيش فتلة ولا خياطة متعاد عليها ولا عروة معرفش ايه
طب ده في قمصان مش ارواح ناس

[Abdallah]

للاسف هيا دى مشكلة الصناعة المصرية الاولى, يعنى احنا بنستعمل خامات جيدة ونطلع منتج زى الزفت, طبعا دة بسبب عدم وجود رقابة حقيقية على جودة المنتج ومفيش ضمير من العامل ومفيش متابعة من المدير المسؤل و... الخ لحد ما نصل الى صاحب المصنع نفسه...
فى نظرى كلهم مقصرين مش العامل بس لان لو كل واحد عمل شغله صح لاظم الى وراه برضة هيكمل صح وهكذا دواليك.

[h_hezzah]

ماهو برضه فيه مشكلة تانية
نه مافيش قانون يحمى المستهلك، ولو فيه يطلع عينك علشان تاخد حقك.
فى اى دولة الواحد واخد حقه فيها من حقك ترفع قضية على الشركة وتشهر بيهم وتاخد حقك وفوقه تعويض كمان.

علشان كده كله شايف شغله لأنه عارف انه لنا يغلط بيتحاسب. اما هنا فمش فارقة.
اكتر حاجه ايه يعنى؟ الكوبلن فرط، هانغيرهولك وتتعطل شوية وتستلم العربية وتبقى سعيد جدا انهم ماطلعوكش انت الغلطان لأنك مابتعرفش تسوق :roll:

[P_R_I_N_C_E]

الحمد لله انهم مانسيوش تيل فرامل او حاجة خطيرة

[hazem_khidr]

الحمد لله انهم مانسيوش تيل فرامل او حاجة خطيرة

طب تيل الفرامل امره سهل شويه علي الاقل و انت بتتحرك بالعربيه حتعرف انما حاجه مرتبطه بالعفشه والات الجر الخطر فيها مضاعف ممكن يؤدي الي انقلاب العربيه لو ماشي علي طريق و بالتالي دمااااااار
اللي بيربط العربيه مهما كانت تجهيزاتها و مكوناتها و التكنولوجيا اللي فيها بالارض هو ال 4 نقط اللي الكاوتش بينزل بيهم علي الارض ف بالتالي اي خطأ ولو بسيط واقبه بتبقي صعبه جدا.
انا اسوق عربيه من غير فرامل انما عربيه دركسيونها مبوش او فيه مشاكل لااااااااااااا

[جندى مجند]

المصيبة بقى يا ترى نسوا ايه تانى فى العربية؟؟؟ ممكن يكون تيل الكوبلن مش نهاية المطاف و ربنا يستر

[fahd_628]

ربنا يستر و الصراحة الأصول يبقى فية رقابه على الجودة

[bassam nagy]

ضاع الضمير من العامل المصرى ولايوجد رقابة على الصناعة المصرية مما ادى الى وقوع الصناعة المصرية خارجيا اللة يكون فى عونك وربنا معاك

[sasasony]

الحقيقة ياجماعة ان العيب مش في العامل المصري العيب في الشركة لأن العربية مفروض تعدي علي كذا واحد قبل ماتطلع مش معقول ان كلهم ماعندهمش ضمير
ثاني حاجه ان العيب في الرايح يشتري حاجه مجمعة في مصر ومن وكيل مش تمام وسايب شركات كتيرة انضف بكتيييير وتوكيلات محترمةامثال تويوتا ودايهاتسو مع انهم في نفس اثمن تقريبا
يعني مثل اسبرانزا دي في ثمن السريون والفيرنا فيفا والافيو[/img]

[Sharky]

بصراحة هو دا عيب الصناعة المصرية
التقفيل السئ و إنعدام الضمير

[tarek2]

ضاع الضمير من العامل المصرى ولايوجد رقابة على الصناعة المصرية

بصراحة هو دا عيب الصناعة المصرية ، التقفيل السئ و إنعدام الضمير

هــو ده السـبب الرئيسـى العامل و الرقــــــابة -
اللهـم أرحمـنــــــا برحمتـك

[PAYOO]

الكلام ده بيأكد وجهة نظري في أن من ظلم السيارة الأسبرنزا هو التقفيل المصري بدليل أن السيارات الصينيه المصنعة والمجمعة في الصين لم نسمع عنها هذا الكم الهائل من المشكلات التي تتنوع كل يوم من سيارة لأخرى والمجمعه في نفس المصنع ونفس العماله الموجوده لدى أبو الفتوح
بجانب أن السيارة خامتها اساسا ليست على درجة عاليه من الجوده إلا أن ما زاد الأمر أحتقانا هو تدخل العامل المصري بفهلوته وطريقته العالميه في التقفيل وهو ما قضى على البقية الباقية في هذه السيارة

[faron525]

لا تعليق هذا هو حال بلدنا المهروسة قصدي المحروسة