غلطة في لون العربية في الرخصة بعد التجديد

[mabdelmageid]

السلام عليكم

معلش هوا استفسار بسيط كدا ويارب ألاقي رد من رجالة المنتدي


أنا رخصت عربيتي انتهت ورحت جددتها- الرخصة القديمة كان مكتوب فيها إن لون العربية "أبيض / فضي" والرخصة الجديدة طلعت "أبيض" بس ... مع العلم إن في حزام فضي ف العربية داير ما يدور كدا


السؤال هل في مشكلة في الكلام دا ولا عادي مش فارقة وأروح أعدلها ولا أطنش وأمشي بيها كدا ولا ايه


أفيدوني أفادكم الله

[amagroup]

ارجع للمرور لان سعات الحاجات دي بتتحط حسب النيه مش لجان فنيه او قواعد ونظام محدد

ارجع للمرور احسن واتأكد عشان متخدش مخالفه عشان الحزام الفضي ده بعد كده

والله اعلم

[S O P H O S]

هيرخموا عليك الافضل ترجع المرور

[MAMDOH111]

سهله ياباشا ان شاء الله

ارجع المرور والموظف بيطلع الملف تانى وبيطابق لون السياره على أورنيك الفحص الموجود والرخصة السابقه واذا ثبت أن هناك خطأ بتدفع المبلغ المخصص لتكلفة الرخصة وعلى ما أعتقد والله أعلم لا يتعدى 5 جنيه ويتم تسليم الرخصة التى بها الخطأ على الشباك عند استلام الرخصة التى تعديل اللون
وأهم شىء عند استلامها ان شاء الله تطابق جميع البيانات على صورة الرخصة التى سوف تسلمها حتى لاتقوم بتعديل اللون ثم تكتشف أن البيانات الآخرى بها خطأ .

وبالتوفيق ان شاء الله