اعلان مقابلة شهر نوفمبر 2008

[Karim_Monir]

MedaSam احنا اللي حظنا وحش اننا ما شوفناكش
هشام والله نفسي اشوفوة الواد سيجو ده اللي مخبية مننا ده

يا جماعة الربوة فيها مكان جوة ممكن نقعد فيها
المشكلة في ايا مكان تاني ان الناس حفظت الربوة فعلا
لما نتقابل نتكلم
----------
يا ريت لو في حد جاي من المهندسين وما حولها في اخونا اهم جاي ومعاهوش عربية
يا ريت اي حد يتفق معاه او هنا حتى نقريب على بعض المسافات برضه

اشوفكم على خير يا احسن صحبة

[mazagnge]

يا جدعان انتوا مستقصدينني ........ كل ما اسافر تتقابلوا ...... رمضان اللي فات كنت مسافر و دلوقتي انا مسافر برضه ...... انا بجد متضايق ....... كان نفسي اقابل ناس كتير من المنتدى ...... الواحد لما بيصدق يلاقي ناس محترمه يتعرف عليها في الزمن ده

بص يا كريم ....... لما أرجع عايزكم تعملوا خروجه تانيه ...... مخصوص علشاني ههههههههه ........ ماشي الكلام وللا .......

ياللا ماليش نصيب اشوفكم المره دي ......... المره اللي جايه ان شاء الله

و لا أكثر ولا أقل ............
المرة اللي فاتت كنت في الشرقية و رمضان لا يمكن الهروب من الافطار العائلي .
المرة دى انا لسة مسافر الساحل ، و عيني لسة جية على موضوع المقابلة حظظظظظظظظظظظظظظ

، و اسف لكل اللي اديتهم وعد بانهم يعزمونى علي الغداء و العشاء في المقابلة دي ، أكيد انا اللي خسرت

و مقابلة سعيدة ان شاء الله مع امنية بلقاء قريب مع الجميع

[Nile_Storm]

لو الظروف سمحت هاجي باذن الله

[Hany A Fattah]

نتقابل بكره ان شاء الله

[aratux]

آسف يا جماعة إنى ماقدرتش آجى
حصل لى ظروف رغم إنى كان نفسى أتعرف على أحسن ناس

[omardeneo]

اسف والله كان نفسى اجى بس ولادى و امهم عملوا ثوره علشان عيد ميلادى

والله كان نفسى اتعرف على الناس المحترمه بس ان شاء الله متعوضه

[Hacker5]

الحمد لله المقابلة كانت جميلة بس محدش جيه كتير بس انا مشيت بدرى شوية عشان كنت قربت اتلج :)

بس اتشرفت بمعرفة الاعضاء و احب اشكر استاذ كريم على اهتمامه بيا و استفدت كتير من المهندس سبعاوى

بجد ناس فى قمة الاخلاق دة اقل ما يقال

[Nour_Peugeot]

الحمد لله المقابله كانت لذيذه جدا و ان شاء الله المجاش يجي المره الجيه

[Samir Elshahawy]

الحمد لله كانت مقابلة رائعة رغم حضوري متاخرا ولكن تشرفت بمعرفة ناس محترمة جدا و علي قدر عالي من المعرفة , و ان شاء الله تتكرر تلك المقابلات المفيدة

[aif]

انا اتشرفت بمقابلة الزملاء ...لكن للأسف ما قدرتش اقعد كتير عشان الاولاد كانو معايا والمدام منتظرة في العربية .... بس قولت لازم اروح اسلم علي حبايبي ....
قعدت نص ساعة بس ....
فين الصور يا كريم .... المقابلة لا تكتمل الا بعدسة كريم منير
نيييههههههههههههههههههه

[AHMEDCAR]

بجد بجد انا اتشرفت بمقابله الناس الجميله دى كلها و اعذرونى لو مذاكرتش اسماء علشان مانساش اسم حد بس بجد كان يوم جميل جدا جدا

اضم صوتى الى صوت الاخوه الاشقاء فين الصور

[Karim_Monir]

والله فعلا كانت مقابلة هايلة
والصور اهي مع انها مش كتير
شوفنا ناس جديدة فعلا زي استاذ رزيني وادهم اللي قاعد جنبي
واستاذ رجائي اللي خدت لفة بالتريوس بتاعتة وهاكتبها في موضوع منفصل
والباشا الكبير كلاتاتا اللي جه ومش هو وودة العسل وصورهم موجودة
وساجد باشا ابن هشام الفقي بتاع الطيارة
بجد اللي مجاش هو الخسران

[AHMEDCAR]

ميه ميه هو ده الشغل الجامده بس هو يعنى ياراجل يجميل انت رايح تصورنى و انا مكشر كده الناس هاتقول عليا ايه ربنا يستر

(اقولك انا كنت مكشر ليه احمدباشا ابراهيم كان بيتكلم فى البورصه ) طبعا ملامح و شى باينه مش عايزه كلام

بجد انا اتشرفت بمقابلتك انت و الناس الجميله دى كلها

[hamedo0]

فعلا المقابله كانت جمليه بس انا اسف عشان جيت متاخر شويه بس بجد سعيد بمعرافتي علي الاستاذ نادر وكودك ودكتور احمد وبشمهندس كريم وكبير المهندسين سبعاوى وشوفت بعد غياب صديقي احمد كار
اسف علي الناس لم اذكرها عشان كان فيه ناس مش عرفت اسميهم علي المنتدى
ونتقابل في الخير دايما

[MedaSam]

يا جدعان عارف انني خسران لما مجتش :K14: ......... خسران انني متعرفتش على ناس محترمه قلما تجدها في الزمن الظريف اللي احنا عايشين فبه ........

بس أعمل ايه طيب ...... أنا مسافر خارج مصر ..... كفايه تقطيم فيه يا كريم :k19: ......

يا ريت لو تقول ميين اللي ظاهر في كل صوره ...... أعتقد AHMEDCAR هو اللي في اخر صوره و مكشر و تحس انه هيقوم يطربقها صح و لا ايه؟

و يااااااااااا رب أكون موجود المقابله الجايه