جار يسد الجراج اللى بركن فيه تحت العماره

[ahmedtalat]

الساده اعضاء المنتدى

عندى مشكله عويصه ارجو مساعدتى فى حلها

انا عندى جار اعوز بألله بلطجى و غلاط و كل شويه يسد الجراج اللى بركن فيه تحت العماره

بعربيته و فين و فين لما ينزل يحركها

يا ترى ممكن اقدم فيه شكوى او اعمل فيه ايه بألظبط

حسبنا الله و نعم الوكيل فيه

[midooo_119]

اعمل عواميد بقفل

[Omar Mahmoud]

هتقدم شكوي يبقي معملتش حاجة
الحل اعمودين بقفل زي midooo_119 قال

[Adnfalcon]

ابعتلك شويه صعايده يربوه ويعرفوه غلطه ؟

[mr.moustafa]

العواميد ممكن الشرطة تشيلها ، حط بلوكات من بتاعت الرصيف و ثبتها في الأرض او هات ليه العجل على الأرض و هو مش هايعرف يعمل في عربيتك حاجة لأنها في الجراج
لو احنا في دولة عندها بـ 10 جنيه احترام كنت قولتلك بلغ الشرطة

[J A G U A R]

للأسف الاشكال الوسخه دى مينفعش معاها غير الصياعه وقله الادب
الاول كلمه بذوق واحترام ولو متغيرش هاتله واحد بلطجى زيه يعرف يتعامل معاه واديله قرشين حلوين والبلطجيه دول الصراحه بيفهمو فى الاصول كويس بس ممكن يبيعك فى لحظه لو فى مصلحه ليه

[midooo_119]

العواميد ممكن الشرطة تشيلها ، حط بلوكات من بتاعت الرصيف و ثبتها في الأرض او هات ليه العجل على الأرض و هو مش هايعرف يعمل في عربيتك حاجة لأنها في الجراج
لو احنا في دولة عندها بـ 10 جنيه احترام كنت قولتلك بلغ الشرطة

ياراجل قول كلام غير ده

[mshmshm3]

بص كلمه بالزوق و بصيغة طلب مش بصيغة امر
والله نفذ كلامك يبقي تمام
عمل فيها عم الجن في حلول كتير
لو ليك واسطة في القسم ولازم واسطة شدو كل شوية علي القسم يتروق والله مرة واحدة و بعدها لو شافك هايمشي من شارع تاني ولو ليك حد تقيل في المرور تجيب الونش ياخدها او يكلبشها
او زي ما الاعضاء قالو قفل بجنزير و حديدتين
او لما تيجي طالع تجيب عربية تانية تركنها قدام الجراج (حل مش عملي اوي )
او تجيبله بلطجي مش باقي علي حاجة و غشيم يعني لو اتسجن باقي حياته مش فارقة معاه و لو ضيعه برضو مش فارقة معاه و الحل ده مش حلو حرام ممكن يموت ولا حاجة تبقي اشتركت في قتل نفس بسبب حاجة ماتستاهلش
و في حاجات تانية شيطانية
زيت باكم علي السقف و الكبوت و الشنطة
خشبة بمسامير تحت اي عجلة
اربط العربية بحجر كبير بجنزير
مسمار و اكتبله شتيمة علي الكبوت
يوم تاني و اكسرله فانوس
لو عرفت تفتح تانك البنزين فولو التانك (حط اي حاجة ربنا يقدرك عليها )
الشر مفيش اسهل منه

[Ahmed_lol2007]

بص كلمه بالزوق و بصيغة طلب مش بصيغة امر
والله نفذ كلامك يبقي تمام
عمل فيها عم الجن في حلول كتير
لو ليك واسطة في القسم ولازم واسطة شدو كل شوية علي القسم يتروق والله مرة واحدة و بعدها لو شافك هايمشي من شارع تاني ولو ليك حد تقيل في المرور تجيب الونش ياخدها او يكلبشها
او زي ما الاعضاء قالو قفل بجنزير و حديدتين
او لما تيجي طالع تجيب عربية تانية تركنها قدام الجراج (حل مش عملي اوي )
او تجيبله بلطجي مش باقي علي حاجة و غشيم يعني لو اتسجن باقي حياته مش فارقة معاه و لو ضيعه برضو مش فارقة معاه و الحل ده مش حلو حرام ممكن يموت ولا حاجة تبقي اشتركت في قتل نفس بسبب حاجة ماتستاهلش
و في حاجات تانية شيطانية
زيت باكم علي السقف و الكبوت و الشنطة
خشبة بمسامير تحت اي عجلة
اربط العربية بحجر كبير بجنزير
مسمار و اكتبله شتيمة علي الكبوت
يوم تاني و اكسرله فانوس
لو عرفت تفتح تانك البنزين فولو التانك (حط اي حاجة ربنا يقدرك عليها )
الشر مفيش اسهل منه

أستاذ ورئيس قسم

[ashrafwolf]

اولا ماتكلموش خالص
هاتلو فرده واحده علي الارض
بس تخرمها من جنبها 6 او 7 اخرام علشان ماتنفعش تاني
هو الرجل بتاع الكاوتش هايفهمه غلطه

[Omar Mahmoud]

معلش انا عندي إعتراض علي كلام من اللي اتقال هنا
لو فضالوا العجل او خرملوا العجل هو كدة عمل مشكلة كبيرة لنفسه لإن صاحب الموضوع قايل إنه بلطجي.

[kaza]

اية البلطجة دي كلها واضح ان البلد كلها بلطجية حضرتك ماقولتلناش الجراج دة خاص بيك وببيتك ولا لا ولو هو ملكيتك يبقي بمنتهي السهولة بلغوا الاول بان دى ملكيتك ولايجوز انة يقفل عليك مخرج السيارة في ملكك بعد كدة محضر اثبات حالة وتثبت فية تعمدة تعطيل خروجك وياسلام لو بلاغ للنجدة علشان التثبات والمحضر يهتموا بية بعدها محضر تاني بتعمدة ايذائك بالسب وشهادة من مستشفي باصابات وكدمات تحتاج علاج اكتر من 21يوم وهيتحول للنيابة وترفع قضية وتطالب بتعويض لو عايز ولو انت طيب اكتفي بتعهد بعدم التعرض ليك في النيابة مش القسم صدقني الاعيب المحامين بلا حدود وتشيب راسة وعيلتة كلها وبلاش امور تاخد حقك بدراعك دى لانها بتخسر كتير وبتقلل من احترامك لذاتك ونظرة الجيران ليك بتبقي وحشة وفي الاخر بقيت زيه مافيش فرق تحياتي وخلي نفسك طويل مع الاشكال دى هتكسب كتير

[cvt2008]

مش هعرف اوضحلك ازاى تتعامل مع الموقف دة
بس انا لو مكان حضرتك هعرف اتعامل معاة كويس
سيبك من المحاضر لأنة ممكن يتبلى عليك ويعملك محضر وحش وانت مش وش كدة
حاول تستخدم معاة لغة التهديد باصحابك ومعارفك الواصلين وانك ممكن تعمل الغلط بس ميخلصكش لأنة جارك
وطبعا اللى احسن من كدة خالص وتقلب العداوة محبة لو عملت معاة واجب تمام واجب جدعنة مش تروح تجبلة حشيش


طبعا كل اللى الكلام اللى انا قولتة دة مش هو اللى لو انا فمكانك كنت هعملة
انا ممكن اعمل حاجات اخلية يعزل من المنطقة كلها

[MOODEE_848]

متابع

[MOODEE_848]

+1×1