فيديو : سرقة كيا سيراتو

[Samah AbdAllah]

https://www.facebook.com/video.php?v...type=2&theater

تناولنا على صفحة الفيس بوك الخاصة بنايل موتورز فيديو سرقة سيارة كيا سيراتو والذى تناقله آلاف النشطاء والعديد من الجرائد الاخبارية
في محاولة لتوصيل الرسالة لكل مسئول
حيث يظهر الفيديو وجوه السارقين
ووفقا لرواية مالك السيارة
فقد قام مالك السيارة بتقديم الفيديو للشرطة ولم يجد اى استجابة
بينما تواصل معه السارقين وقام بدفع مبلغ 30 الف جنيه واسترداد السيارة
الى متى يستمر الانفلات الامنى والسرقة وابتزاز المواطنين !!!

[hesham fawzy h]

ربنا يستر

[Sout_Sout]

والعربية دارت ازاى وهي فيها ايمبولايزر؟؟؟؟؟
حاجة غريبة

[Super_Star_h]

ربنا يصلح الحال
السيراتو والحراميه , قصة عشق لا تنتهى !

[john55]

ممكن مفهاش مانع السرقه الخليجي اللي فيه

[yasser100]

مش فاهم ايه قصة السرقه مع السيراتو دى و ﻻ الكورى كله كده ؟؟؟

[2CODE]

دي اكيد الفئة القديمة اللي مفيهاش ايموبلايزر وقلنا مليون مره محدش يشتري الفئات اللي فيها ايموبلايزر

لغاية ما التوكيل دلوقتي بقى بيجيب كل الفئات فيها ايموبلايزر علشان شويه الحرامية االواحد مش عايز يقول الفاظ بس !!!!!

[J A G U A R]

عمرها ما تدور بالسهوله دى لو فيها ايمبولايزر
مكنش حد غلب

[hugan]

بس فتح الزجاج ازاي مش المفترض ان الزجاج معشق في المجري بتاعته
بس شعور مؤلم
ربنا يعافينا
لما صاحبها خارج في امان الله مايلاقيش عربيته

[2CODE]

عمرها ما تدور بالسهوله دى لو فيها ايمبولايزر
مكنش حد غلب

ماهي دي النسخة القديمة مش اللي فيها ايموبلايزر

لو كانت فيها ايموبلايزر كان يتشقلب وأخره هيشغل الكهربا بس انما الموتور لو جاب له الطبل البلدي جنبه مش هيشتغل الا لما تديله نفس الشفرة اللي معاه يقارنها باللي موجوده في مفتاحك

انما العربية اللي من غير ايموبلايزر كأنها سلكايتين وخلاص

[Wasteland]

يا ولاد الكلب، المشكلة ان الشرطة شغالة مع حرامية العريات وبيقسموا مع بعض، تفوا عليهم جهاز شرطة زبالة وفاسد

[S O P H O S]

باين انها الشكل القديم كيا فالجديد حلت الحكاية دي
ربنا يرجعها لصحابها

[adelghanem]

انا مش عارف ازاى الشرطه معرفتش
الاشكال دى ..دول تلاته مش واحد!!!!
دول شويه يكتبوا اساميهم على التيشرتات
اللى لابسينها!!!!!!
عجبى....

[م أحمد]

مش وقت الكلام دا عن إعتمادية الكورى

بس هقول لحضرتك على حاجة
اتسرقت مننا عربية و الاستاذ المحترم الى كان بيكتب المحضر فى القسم كتب رقم تليفونه اللى بيتصل بيه علينا غلط
الكلام دا عرفته بعد ما روحت شفت المحضر فى النيابة ، هيتعمل مراقبة لخط التليفون ازاااااااى على رقم غلط و يتابعو ازاى

بالمناسبة فى مكالمة منهم اتكلمتها فى القسم مع الحرامى

يمكن سهو.....؟؟؟ طيب ماهو اصل انا قابلت واحدة مسروق منها سوزوكى طلبو منها 15 دفعتهم فوجئت فى المحضر ان الرقم المثبت 10 آلاف

و حسبنا الله و نعم الوكيل

[akmm]

الموضوع ده زاد جدا ................ وبصراحه هناك تقصير من الشرطه حتى ولو تكون مشغوله بمقاومه الارهاب .