مرور القليوبية بالنسبة لمرور النزهة مراحيض عامة

[أبو يوسف]

النهاردة كنت فى مرور القليوبية ( اللى انا تابع ليه ) وكنت بنقل ملكية عربية من مرور النزهة
فروحت اول حاجة رفعت بصمة وبعدين المهندس قالى روح لمرور النزهة طابق البصمة من الملف
وفعلاً روحت مرور النزهة وكان مشوار علقة من شبرا الخيمة حتى النزهة واول ما دخلت المرور نسيت المشوار
واول ماشفت الورد والجنينة اللى داخل المرور تحس انك داخل نادى , وعندنا الزهور الوحيدة اللى فى مرور القلوبية الست اللى نبيع جرير قدام المرو ر
وبعدين دخلت المبنى لاقيت ماكينة سحب ارقام زى اللى فى البنوك بالظبط , لأ وأية فى مكاتب مخصصة لكبار السن وذوى الاحتياجات الخصة مش زى مرور القلوبية البقاء لاقوى وطبعاً كبار السن وذوى الاحتياجات الخاصة واقفين بيتفرجوا
الهم فى الاخر معملتش الرخصة ورجعت البيت ايد ورا وايد فيها الدوسية
أبو يوسف

[sakr_skoda]

يعنى حضرتك روحت قضيت يوم جميل فى مرور النزهة ومصلحتك مقضيتش طيب ايه فايدة الشياكة والنظام انتا بتفكرنى بالراجل اللى كان عاوز يشتر كتاب وكل لما يطلع دور يستقبلوه بالورد ويرشدة الى الصعود للدور الاعلى فضل طالع 20 دور وفى الاخر قالو للاسف اخر نسخة لسة متباعه نزل يتخانق مع الادارة قالو له بس ايه رئيك فى النظام***

[Omar Mahmoud]

في كلام غلط
المؤسسات الحكومية لا ترقي لمنافسة المراحيض العامة

[أبو يوسف]

يعنى حضرتك روحت قضيت يوم جميل فى مرور النزهة ومصلحتك مقضيتش طيب ايه فايدة الشياكة والنظام انتا بتفكرنى بالراجل اللى كان عاوز يشتر كتاب وكل لما يطلع دور يستقبلوه بالورد ويرشدة الى الصعود للدور الاعلى فضل طالع 20 دور وفى الاخر قالو للاسف اخر نسخة لسة متباعه نزل يتخانق مع الادارة قالو له بس ايه رئيك فى النظام***

لأ أنا خلصت فى مرور النزهة مطابقة البصمة
بس ملحقتش ارجع المراحيض قصدى مرور القليوبية

[amr011111]

واحد زميلى تبع مرور النزهه
ما شاء الله بيخلص كل الموضوع بتاع الترخيص فى نص ساعه

[mona_881]

طيب أمال بالنسبة لمرور القوات المسلحة الجديد يبقي إيه ؟ المجمع فخم وشيك ونضيفجدا وأهم حاجة سرييييييع

أنا لما روحت أجدد رخصة عربيتي أخدتها في ساعة إلا ربع بالضبط والله بدون مبالغة نص ساعة مخالفات وتأمين وضريبة وكله وربع ساعة تقريبا قعدت أفطر في الكافيتريا علي ما تم تغليف الرخصة والرقم بيظهر علي الشاشة وروحت علي الشباك استلمتها ومبقتش مصدقة من سرعة الإجراءات ورغم إنه كان يوم سبت

علي العموم ربنا يقويك بس مرور القليوبية بتاع حضرتك أكيد أكيد مش هيبقي أبشع من مرور البساتين - أنا نقلت عربيتي منه وكنت مسمياه مرور البساطين ههههه وكان زي ماحضرتك قولت كده بالظبط

[Elawany13]

حسبنا الله ونعم الوكيل فى وحدة مرور طنطا
كانت مزرعة خنازير

[ahmedfathi]

نفس الكلام بالضبط ينطبق على مرور السلام .

ازبل مرور فى مصر بلا منافس

[semi]

للاسف المشكلة مبقتش مشكلة مرور بس بقت مشكلة اي حاجه حكومية
بقت عباره واسف في اللفظ مرتع للقذارة والارف وازبل الشخصيات بتلاقيهم في صورة موظفين هناك
عندك الشهر العقاري بعد ما كان كويس المكاتب كلها في النازل
تجديد البطاقة او اصدارها زبالة وعدم تنظيم نهائي طيب عملتم ليه تجديد وانتوا مش اد الموضوع
اما المرور فحدث ولا حرج هناك بذات فن في استفزاز الناس والسماجة وقلة الذوق تخليك تكره البلد ونفسك واليوم اللي اتولدت فيه في البلد دي
لدرجة اني بعت عربيتي الاولى بسبب مرور السلام تصور يامؤمن اروح اسكندرية 3 مرات وادفع ضريبة عربيتي مرتين
عشان حتة موظفة حسبي الله ونعم الوكيل مش عارفه شغلها هي والظابط المتخلف رئيس اللجنة
اروح المرور التاني يقولي هي بتمشي كده ويعملي بقلم حبر احمر معفن بتوقيعه اللي ملهوش اي لازمه
الدنيا كلها تمشي

نفس الكلام بالضبط ينطبق على مرور السلام .

ازبل مرور فى مصر بلا منافس

للعلم المرور اتنقل للأميرية ويقال عنه انه بقى منظم وحاجه تانية خالص

[أبو يوسف]

الغريب بقى انى اشتريت ورق الفحص من شباك المرور بـ 25 جنيه
وواحد تانى شارى نفس الورق بـ 15 جنيه
ولا الرشوة هناك عينى عينك والله العظيم قصاد عينى الموظفة منزله حبل فى شنطه
من الدور الثانى فى المرور وواحد بيحطلها الورق وهى بيتقوله حط مع الورق 50 جنيه
قالها مش كتير قالتله لأ مش كتير لو كتير روح اقف على الشباك
ودفع الراجل الـ 50 جنيه

[AHMED12345678]

الغريب بقى انى اشتريت ورق الفحص من شباك المرور بـ 25 جنيه
وواحد تانى شارى نفس الورق بـ 15 جنيه
ولا الرشوة هناك عينى عينك والله العظيم قصاد عينى الموظفة منزله حبل فى شنطه
من الدور الثانى فى المرور وواحد بيحطلها الورق وهى بيتقوله حط مع الورق 50 جنيه
قالها مش كتير قالتله لأ مش كتير لو كتير روح اقف على الشباك
ودفع الراجل الـ 50 جنيه

حسبنا الله ونعم الوكيل فى من يستحل أموال الناس بالباطل والحرام والسرقة والرشوة
هى النوعيات دى مبتخافش من الاخرة وحساب ربنا
معندهومش عيال خايفين عليهم من المال الحرام
الله عز وجل هو المنتقم الجبار يمهل ولا يهمل

[AHMED12345678]

على فكرة عندنا فى قسم مرور منيا القمح بمحافظة الشرقية عاملين تجديدات وحاجات فخمة وتكييفات ومراوح
وحبشتكانات وسماعات وكمبيوترات ومعرفش أية وأبصر أيه
وفى الاخر الخدمة برده زى الزفت والناس برده بيلطعوها على الشبابيك والخزنه
والاسم بس مرور مطور
ومطور شكليا فقط دون اى تقدم فى الخدمة المقدمة للناس
عامل كده زى المدرسة النموذجية والشهر العقارى النموذجى وكل حاجة نموذجية فى البلد والخدمه لا علاقه لها بالاخت نموذجية

[gade2]

امتى بقى كل حاجه تبقى اليكترونى يعنى اروح افحص بس وكل قرش يبقى من خلال ماكينه او الانترنت

[S O P H O S]

فرق مرور يا باشا طبعا
وفي الاحسن من النزهة كمان

[exelence]

انا ان شاء الل هاعمل المشوار ده يا ابو يوسف بالظبط لانى هانقل ملكية عربية من النزهة لشبرا الخيمة بردوا ربنا معايا بس هو ما ينفعش اعمل اى طريقة و تفضل تابعة لمرور النزهة