هي اللانسر كلها كده ؟ و لا اللي معايا بس هي اللي كده ؟

[Samir Elshahawy]

انا اصلا معايا عربية لانوس 2006 مهتم بيها جدا و مريحاني خاصة في السفر, لكن اليومين دول استلمت من الشغل عربية لانسر 1300 موديل 2006 اوتوماتيك علشان بنسافر كتير لكن لاقيت العربية بطيئة جدا في الطلعة الاولي و المطالع مقارنة باللانوس و كمان امبارح جربت امشي بيها بسرعات عالية علي طريق الاسكندرية الصحراوي لاحظت انها عند ال120 فما فوق مش ثابته و بتعوم

مش عارف هي اللانسر كلها كده و لا العربية دي بس ؟؟

[KoDaK_Gti]

ثباتها كويس الى حد ما
لكن طلعتها بطيئة فعلا علشان اتوماتيك وكمان 1300

[solycar]

منتساش انها 1300 و اتوماتيك
عشان كدة سحب مش اد كدة


بالنسبة للثبات هيا فعلا ثباتها هيبان انو مش حلو على السرعات العالية

[Samir Elshahawy]

انا كنت بفكر اجيب لانسر 1600 اوتوماتيك بعد مابيع اللانوس بس خايف من موضوع الثبات ده خصوصا اني بسافر كتير و باحتاج السرعة العالية علشان مش عاوز أقضي يومي كله علي الطريق , ايه رايكوا و لا أفكر في حاجة تانية غير اللانسر

[Nour_Peugeot]

هات نيسان صني او بلوبيرد الجديده او برسونا عربيات كويسة و ثابتا