تغور من وش غبور....حقيقة أم خيال ( أحكم بنفسك )

[toty_305]

بسم الله الرحمن الرحيم

-بدأت الحكاية في شهر رمضان الكريم قبل العيد و تجهيزا للسفر في العيد , قلت أعمل Check على العربية و أعمل صيانة ال 25 ألف في أكتر مكان ممكن أثق فيه للكشف على سيارتي التوكيل

-للعلم صيانة ال 25 الف يتم فيها تربيط عفشة و رجلاش فرامل و تنظيف فلتر هواء فقط لا غير و تكلفك 200 جنية ( أنا كنت شايف العربية كويس من خلف الزجاج في الاستراحة ) و تستغرق 3 ساعات الصيانة :D

-سافرت بالسيارة و مليان ثقة بماركة هيونداي و التوكيل الجميل لكن الثقة ذهبت و لن تعود

-الساعة 4 الفجر في الطريق الساحلي ينفجر الاطار ..عادي الناس كلها بيحصل لها كده وقفت و سيبت العربية تهدأ خصوصا أني كنت عند بنزينة وطنية اللي بعد مارينا 7

-وكانت المفاجأه تم ربط المسامير بمسدس الهواء بعزم قوي و طريقة خاطئة المسامير فوتت من الشرشرة اللي ماسكة المسمار في الطنبورة...أتبهدلت في الشارع و ملقتش اي حد يساعدني و من 4 الفجر لتاني يوم العصر لحد ملقيت حد يكسرهم و دفعت فلوس زيادة قوي عشان الناس اللي بتستغل مشاكل الناس و تنهب فلوس كل ده أسنعوضت ربنا فيه

-رحت توكيل غبور العبور المحترم المخضرم و حكيت القصة...طلبت حقي و تغييير المسامير و الصواميل و العجل و الطاسة بتاعتي اللي باظت بسببهم

-دخلت السيارة فطوا الاربع فرد و خرجت دون تغيير شئ ..أبتديت أزعل رحت لأكبر مهندس في المكان أملا أنه يكون أكثر حنكة من الشباب لكني صعقت.....النقاش كالأتي

أنا:-حضرتك كذا كذا و حكيت
-المهندس المحترم:-عادي حضرتك مسامير العجل قطع استهلاكية (قال أيه بيشبهم بالتيل و الطنابير )

أنا:-قطع هيونداي الأصلية بعد 25 ألف تبوظ
-المهندس المحترم:-عادي حضرتك و ده مش غلط مننا

-أنا:-تعالا حضرتك شوف التالف و تأكد

شاف التألف و طبعا رمى عليا اني انا السبب في تبويظ الطاسة عشان يهرب من المسئولية بس دي مش مفاجئة غبور النهائية

المهندس المحترم بيقول لي أحنا هندفع المسامير و أنت تتحمل الصواميل


-فقلت كلام وحش في سري و لعنت هيونداي على اليوم اللي شوفتها فيه و كرهت العربية و الراجل و التوكيل

-الملخص: تغور من وش غبور حقيقة

[aymanshebl]

عادى جدا انت اكيد فى مصر و مش غبور بس كل التوكيلات بتهرب من المسئولية بطريقة ما او اخرى

[ENG.MaRk]

لا غبور و لا منصور ... بصراحة بعد البافارية ماشفتش غير توكيل رينو ... حتي توكيل كيا طلعوا حرامية و عايزين يغيرولي مراية جانبية بيكانتو ب 480 جنيه و ماينفعش تغير واحدة بس لازم تغير الاتنين مع بعض ب 960 جنيه لا و كمان من غير مصنعية

[toty_305]

-أه أكيد....بس أنا عجبني شكله و هو مهندس محترم و بيقنعني أن مسامير العجل المصنعة لتحمل ضغوط و اجهادات عالية تبوظ من الفك و الربط بعد 25 الف كيلو و خمس مرات فك وربط ...أكل العيش صعب

[toty_305]

لا غبور و لا منصور ... بصراحة بعد البافارية ماشفتش غير توكيل رينو ... حتي توكيل كيا طلعوا حرامية و عايزين يغيرولي مراية جانبية بيكانتو ب 480 جنيه و ماينفعش تغير واحدة بس لازم تغير الاتنين مع بعض ب 960 جنيه لا و كمان من غير مصنعية

-ليه مع بعض واحد عنده مرايه بايظه يغير الأتنين ليه ؟! ___ناس غريبة و نصابة قوي

[Omar Mahmoud]

الحمد لله إنها جت علي قد كدة
في موضوع في قسم شيفروليه تقريبا واحد معاه عربية كروز خرج من عندهم العجلة اللي قدام اتفكت و هو ماشي و سير الكاتينة كمان اتقطع
منصور ده افشل صيانات و خدمة عملاء و كل حاجة فاشل فيها.

[hany63]

طبعا انت ليك حق بس خلينا نفكر بطريقه تانيه رسميه شويه
هل فيه حاجه تمنع مثلا انك تكون فكيت العجله عند بتاع كاوتش عشان تلحم خرم مثلا و الصنايعي مش التوكيل هوا اللي قرص عليها ؟
انا عارف ان ده محصلش بس هل فيه حاجه تثبت ان العجله دي متفكتش قبل ما تضرب ؟

[Hacker5]

عشان كدة انا مابروحش توكيلات خالص
فيه صنايعية و وورش احسن من 100 توكيل فى الامانة و الحرفة و الشغل المظبوط
انا ممكن اروح التوكيل فقط لو هاكشف على عربية بتشريها
لكن صيانة لاء ماعنديش استعداد ادفع تمن غلطة صنايعى و مصنعية مبالغ فيها و واسعار قطع غيار غالية

[toty_305]

الحمد لله إنها جت علي قد كدة
في موضوع في قسم شيفروليه تقريبا واحد معاه عربية كروز خرج من عندهم العجلة اللي قدام اتفكت و هو ماشي و سير الكاتينة كمان اتقطع
منصور ده افشل صيانات و خدمة عملاء و كل حاجة فاشل فيها.

-ده لو في بلد تانية كان هيبقى فيه كلام تاني دي أرواح ناس.

[kar!m]

لسه من كام يوم برضه كنت بفك العجله و المسمار اتكسر .. و الراجل قال لي التوكيل كان مقرط عليها جامد .. و حاليا ماشي ب 3 مسامير.
أنا اشتريت مسمار بصامولة .. كويس انك فكرتني عشان أركب المسمار.

[gade2]

ود دا العادى فى المحروسه تدفع علشان تضمن نفسك وحاجتك واتاريك بتدفع علشان بيتضحك علينا

[toty_305]

طبعا انت ليك حق بس خلينا نفكر بطريقه تانيه رسميه شويه
هل فيه حاجه تمنع مثلا انك تكون فكيت العجله عند بتاع كاوتش عشان تلحم خرم مثلا و الصنايعي مش التوكيل هوا اللي قرص عليها ؟
انا عارف ان ده محصلش بس هل فيه حاجه تثبت ان العجله دي متفكتش قبل ما تضرب ؟

-طبعا بس فكر حضرتك الراجل اللي كان بيكلمني مجاش في دماغه الفكرة دي :) بس هو عارف أن الحوار دي بيتكرر كتير جدا عندهم فمحبش يفاصل كتيير و قال أدفع الزبون أي حاجة.

-بعد كده عايز يشتغلني و يبيع لي الطاسة ب 260 جنية

[toty_305]

عشان كدة انا مابروحش توكيلات خالص
فيه صنايعية و وورش احسن من 100 توكيل فى الامانة و الحرفة و الشغل المظبوط
انا ممكن اروح التوكيل فقط لو هاكشف على عربية بتشريها
لكن صيانة لاء ماعنديش استعداد ادفع تمن غلطة صنايعى و مصنعية مبالغ فيها و واسعار قطع غيار غالية

-يوم بعد يوم هسيب التوكيل..ﻷن الكلفتة عندهم أصبحت لا تطاق :(

[toty_305]

لسه من كام يوم برضه كنت بفك العجله و المسمار اتكسر .. و الراجل قال لي التوكيل كان مقرط عليها جامد .. و حاليا ماشي ب 3 مسامير.
أنا اشتريت مسمار بصامولة .. كويس انك فكرتني عشان أركب المسمار.

-الفنيين اللي شغالين في العربيات قمة اﻹهمال و الرعونة...غيرهم بسرعة و أتأكد أن الباقي سليم

[toty_305]

ود دا العادى فى المحروسه تدفع علشان تضمن نفسك وحاجتك واتاريك بتدفع علشان بيتضحك علينا

-احنا فعلا زباين قوي في البلد دي..بنتسرق ونسقف :)