الفحص في مرور السلام .. تجربتي وتنبيه

[أبو صلاح]

السلام عليكم
انا والحمد لله مرور السلام
كنت رايح افحص عربيتي علشان التجديد
رحت الصبح بدري لمرور السلام
طبعا كعادتي دائما مابعبرش اي حد يبيع لي ورق او يعرض على خدمات لان من الاخر كلهم نصابين ودائما الناس بتقع معاهم في مشاكل والقانون لا يحمي المغفلين
دخلت منطقة الفحص ناس كتيرة جتلي وانا نفضلتهم وقلتلهم مش عايز حاجة
حاولت اوصل مباشرة لمهندس الفحص ولاول مرة معرفتوش ومحدش عايز يجاوبني حتى الفني اللي بيرفع البصمة (زمان كان المهندس بنفسه هو اللي بيعاين العربية اول لما تقف وبياخد بصمة الماتور)
المهم جالي واحد وقالي ورقك جاهز ومعاك النكاذج قلتله آه راح منادي على الفني اللي بيرفع البصمة وخلاه يرفع البصمة فانا افتكرت ان هو المهندس
شوية لقيته بيرخم على الطفاية علشان مش جديدة وقالي لازم تطابق بصمة في مرور حلوان (لاني نقل ملكية) والزجاج الامامي مشروخ ودخلني في حوارات قلتله خلص يا هندسة واللي انت عايزه مفيش مشكلة
اتفاجأت انه مخلصاتي والمهندس قاعد متداري على جنب ومش بسهولة حد يعرفه او يوصله
طبعا كنت اتورطت معاه وطلب مني 120 ج علشان اخلص
خدت الورق منه ورحت للمهندس لقيته بيعقد الدنيا اكتر وقالي لازم طفاية جديدة وشنطة اسعافات ومثلث وتصلح الزجاج الامامي (المهندسين مظبطين مع المخلصاتية وقسما بالله في اتنين ظباط على بعد 15 متر من مكان المهندسين وعاملين نفسهم مش شايفين حاجة)
رحت رجعت للمخلصاتي تاني وطبعا زي الباشا دفعتله اللي هو طلبه بعد فصال ووجع قلب

ومشيت وانا محروق دمي
دي مافيا اقسم بالله

على العموم نصيحتي لاي حد حاول توصل باي طريقة لمهندس الفحص هتلاقي مكاني متدراي ورا كشك فحص الطفايات واتعامل معاه بنفسك على الاقل هيبقى ارحم من المخلصاتية

حسبي الله ونعم الوكيل

[Elawany13]

حسبنا الله ونعم الوكيل فى كل فاسد وحرامى ومرتشى
وحسبنا الله ونعم الوكيل فى اللى ساكتين عليهم وبيساعدوهم

[moumen_hs]

طول عمر المرور كدة فى مصر أن مخدش منك فلوس يخليك تجبلة نموذج فاضى وبعدين يرجعة للخزنة بالاتفاق ودة أضعف الايمان

[طارق _عبد السلام]

اسوء تجربه فى تعامل مع مرور فى حياتى كان مرور السلام الله يحرقه ...مع انى مش من القاهره ورجعونى المحله اربع مرات ياااااااااااااااساااااااااااااتر

[chicobon]

طب الكلام ده ليه مش بيتقال في البرامج التوك شو عشان يركزو عليها امال فين التغير

[أبو يوسف]

المرور هو اساس الرشاوى فى مصر
ربنا يرحمنا

[ahmed2801]

السلام عليكم
انا والحمد لله مرور السلام
كنت رايح افحص عربيتي علشان التجديد
رحت الصبح بدري لمرور السلام
طبعا كعادتي دائما مابعبرش اي حد يبيع لي ورق او يعرض على خدمات لان من الاخر كلهم نصابين ودائما الناس بتقع معاهم في مشاكل والقانون لا يحمي المغفلين
دخلت منطقة الفحص ناس كتيرة جتلي وانا نفضلتهم وقلتلهم مش عايز حاجة
حاولت اوصل مباشرة لمهندس الفحص ولاول مرة معرفتوش ومحدش عايز يجاوبني حتى الفني اللي بيرفع البصمة (زمان كان المهندس بنفسه هو اللي بيعاين العربية اول لما تقف وبياخد بصمة الماتور)
المهم جالي واحد وقالي ورقك جاهز ومعاك النكاذج قلتله آه راح منادي على الفني اللي بيرفع البصمة وخلاه يرفع البصمة فانا افتكرت ان هو المهندس
شوية لقيته بيرخم على الطفاية علشان مش جديدة وقالي لازم تطابق بصمة في مرور حلوان (لاني نقل ملكية) والزجاج الامامي مشروخ ودخلني في حوارات قلتله خلص يا هندسة واللي انت عايزه مفيش مشكلة
اتفاجأت انه مخلصاتي والمهندس قاعد متداري على جنب ومش بسهولة حد يعرفه او يوصله
طبعا كنت اتورطت معاه وطلب مني 120 ج علشان اخلص
خدت الورق منه ورحت للمهندس لقيته بيعقد الدنيا اكتر وقالي لازم طفاية جديدة وشنطة اسعافات ومثلث وتصلح الزجاج الامامي (المهندسين مظبطين مع المخلصاتية وقسما بالله في اتنين ظباط على بعد 15 متر من مكان المهندسين وعاملين نفسهم مش شايفين حاجة)
رحت رجعت للمخلصاتي تاني وطبعا زي الباشا دفعتله اللي هو طلبه بعد فصال ووجع قلب

ومشيت وانا محروق دمي
دي مافيا اقسم بالله

على العموم نصيحتي لاي حد حاول توصل باي طريقة لمهندس الفحص هتلاقي مكاني متدراي ورا كشك فحص الطفايات واتعامل معاه بنفسك على الاقل هيبقى ارحم من المخلصاتية

حسبي الله ونعم الوكيل

يعنى حضرتك رايح تجدد بزجاج مشروخ وطفاية منتهية ونقل ملكية ومش عايز تدفع؟؟؟
ده كان ممكن يبعتك مشاوير ومش ح ترخص قبل شهر.
بس حضرتك كان لازم تدور على المهندس وتتفاهم معاه رأسا ح يكون ارخص.
إحمد ربنا انه انقذك من مافيا مرور السلام بأقل خساير ممكنه... واديك اتعلمت وأخدت فكرة عن مرور السلام والعياذ بالله.
أهلا بيك فى مرور السلام!!!
انا بجدد ف المرور المذكور على تلات ايام وبالرشاوى مش حاف.

[أبو صلاح]

يعنى حضرتك رايح تجدد بزجاج مشروخ وطفاية منتهية ونقل ملكية ومش عايز تدفع؟؟؟
ده كان ممكن يبعتك مشاوير ومش ح ترخص قبل شهر.
بس حضرتك كان لازم تدور على المهندس وتتفاهم معاه رأسا ح يكون ارخص.
إحمد ربنا انه انقذك من مافيا مرور السلام بأقل خساير ممكنه... واديك اتعلمت وأخدت فكرة عن مرور السلام والعياذ بالله.
أهلا بيك فى مرور السلام!!!
انا بجدد ف المرور المذكور على تلات ايام وبالرشاوى مش حاف.

ياباشا انا معترف ان في اخطاء عندي
بس الطفاية مكانتش منتهية الطفاية صالحة بس البهوات بيتشرط عايز يشوف الفاتورة
والزجاج مش قصة يعني ممكن يعدي
ومبدأ الرشوة موجودة بمزاجي او غصب عني
بس المهم الفلوس دي جزء كبير منها رايح للمخلصاتية مش كلها للمهندس
يعني كنت ممكن اوفر النص على الاقل لو اتعامل مع المهندس اللي هو اصلا خافي نفسه ومش ظاهر تماما وسايبنا للمخلصاتية بالاكراه
اصلا المخلصاتي لما دخل علي اداني انطباع ان هو المهندس

[hugan]

ربنا يرزق مرور السلام بقنبله و10 انابيب غاز زهيدروجين تنفجر فيه وتخلص الناس منه
بس مش المفترض ان الدنيا هناك خفت شويه بعد نقل المطريه وعين شمس

[د.محمود صلاح]

في مرور المنيا كنت بدور على اي حد مخلصاتي ومافيش خالص ..

بس زحام فوق الوصف لكن كله بنظام الحقيقة .