التعايش مع المشكله مهما كانت -سيراتو 2010

[Omar2017]

السلام عليكم
طبعا مستغربين من عنوان الموضوع اكيد


تم تعديل العنوان بما يتناسب مع المحتوى
يرجى مراعاه الاداب العامه ومراجعه قواعد المنتدى
م.ع 5
15/09/2014
12:26pm
احكيلكم القصة
عندي واحد زميلي في الشغل اشترى سيراتو 2010 ب110 الف من 6 شهور و كان معاة 50 الف تانيين بس كان شايلهم للظروف وانا قلتلة هات زيرو مرضاش
شنطتتها فابريكة بس محتاجة تترش هي و الكصدام اللي قدام
المهم روحت انا و هو لبتاع الدوكو اللي بنتعامل معاة من سنوات طويلة راح يرشهم بتاع الدوكو قالة العربية دية منصصة
قام زميلي جاتلة حالة اكتئاب شديدة لدرجة انة مجاش الشغل يومين زورتة و كدة بعديها خد اجازة 5 شهور
الاقيهولك راجع النهاردة ازاي؟
مجنط العربية جنوط مقاس BBS مقاس 17 و ركب سبويلر ورة و رش السقف بانوراما (رشة اسود)
وركب كاميرا بشاشة ورة وركب عفشة سبور و عدل الفوانيس خلاهم شبة البي ام طبعا كل دة زينون محترم جايلة من الامارات و ركب ديفيل (علبة بس) و شوية شغل في الصاج عتب و كساحات
وسقط مكنة 2000 cc زي بتاعت الخليجي تقريبا و ادي صور لمكنة زيها بظبط لقيتها على النت


وركب ليها ريداتير سبور و فلتر سبور
وجة النهاردة عملها مفاجأة لية قعد يخمس وانا في نفسي قولت صاحبي اتجن و الحمد لله
قولتلة انت اتهبلت؟
قالي الخازوق اللي متعرفش تفادية خدة و اتمتع بية
و شكرا

[ARKOON]

صاحبك دا برنس ودماغه عالية ^

[A7medelfe2y]

صاحبك دا فله

[amr_8800]

والله دمااااااااااااااااغ

[أبو يوسف]

والله حرام عليه

[Omar Mahmoud]

بصراحة صاحبك بيفكر صح
حاجة حصلت و خلاص قدر الله و ما شاء فعل مش هيفضل زعلان علي طول مع إن هي حاجة تضايق اللي حصل مع صاحبك لما اشتري

[adelghanem]

فعلا صاحبك فكر بالعقل
ايه اللى حيستفيده من
الزعل..قال استمتع بيها
اللى حصل حصل

[إبراهيم المصرى]

هههههههههه والله موتني ضحك اضحك الله سنك

[J A G U A R]

متجيب رقمه :))

[ENG.MaRk]

صاحبك راجل عملي و بيفكر و ده تاخد برأيه بعد كدة لأن الناس المطرقعة ديه دماغها بتبقي عالية

[amoor89]

الراجل ده برنس وده الصح
بس ليا تعليق صغير بالنسبة لعنوان الموضوع شايف انه محتاج يتغير عشان فى زميلات معانا فى المنتدى
تحياتى

[hany63]

و انا بضم صوتي لتغيير عنوان الموضوع و ياريت تستبدل كلمة خازوق بخابور

[yasser100]

معلم بصراحه . هههههه . ده لو انا كنت ولعت فيها بال 110 الف و ﻻ اشوفها قدامى كل شويه

[yasser100]

الراجل ده برنس وده الصح
بس ليا تعليق صغير بالنسبة لعنوان الموضوع شايف انه محتاج يتغير عشان فى زميلات معانا فى المنتدى
تحياتى

الخازوق كلمه عربيه فصحى يا باشا هههههه . هانهرب من لغتنا .

[amrelsaqqa]

ههههههههههههههههه برنس والله

بس العقل يقول طالما صرف اوى كدة كان باعها بما يرضى الله وخسر اللى خسره وجاب عربية تانية سليمة


كدة الواحد يحس وكانه صرف على حاجة مش بتاعته او حاجة ما تستاهلش "يا بانى في غير ملكك"

بس فعلا كدة كدة خاذوق ، وحتى لو اتمتعت بيه ، ماهو خاذوق بردو :d
بس سيبك انت اهم حاجة الصحة والله (بجد) :)