حادث قدام عيني على 120 ...الدائري الملعون...احذروا

[ahmad--ezzat]

السلام علكيم ورحمه الله وبركاته

قدر الله وما شاء فعل....امبارح حصل موقف شديد الرعب قدام عيني على الدائري بعد النفق اللى قبل مول كايرو فستيفال وانت رايح على مصر الجديده وطريق السويس
للاسف قمه الاهمال وعدم الادميه ....بعد طالعه النفق وانا ماشي على 110 بالظبط..الاقي حوالي 4 عربيات بيتزحلقوا قدامي على سرعه 120 130 تقريبا زي عربيات الملاهي 180 درجه....جين 2 وافيو ويارس وكان في bmw 116
بعد الحادث وبعد ما ربنا قدرني انى اقف بعربيتى بدون حادث...الخساير مش قليله خالص...بتاع الجين 2 اترزع فى السور الخرساني وعربيته شيست من الاخر وكذا عربيه مخبطين وواحده ست منهاره وبتعيط وبتقول معرفتش اتحكم فى العربيه ....بنبص على الارض

الارض عليها زيت والاسفلت بيلمع منه

دة ايه اللى بيحصل دة...اسفلت عليه زيت بيخلي العربيات تطير من الارض...يعنى انا لو معايا اسرتي ومعايا رضيع...هيبقى ايه الوضع !!!!

ياما هنشوف من البلد دى....خلو بالكو يا جماعه وربنا يستر طريقنا

[ahmed.teawater]

حمد الله على سلامتك والحمد الله انك بخير
هو ده الى بنقوله للناس جوه البلد ع الدائرى بقى محور اى حاجه متعديش
ال 80 باى حال من الاحوال عشان الطرق عندنا طرق وسسسسسسسسخه
وربنا يسترها ع الناس الى عملت الحادثه

[hossam_elwani]

ده انا كنت ماشى 60 عليه وخايف


كان الله فى هون اهل مصر والقاهره حصوصا


نحن نعيش ونترعرع فى مزبله كبرى

[aly_hosny]

حصلت معايا مرة من شهرين تلاتة كدا على الكورنيش و ربنا سترها

#bey2ollak

نقلاً عن: Ahmed zakaria

الحمد لله قدر ولطف ...
امبارح وانا رايح الشغل الساعه 9 الصبح علي الدائري قبل كايرو فيستيفال لقيت العربيات اللي سبقاني عماله تلف وتتخبط يمين وشمال وناس على جنب الطريق عماله تشاور بايديها علشان الناس اللي جايه تهدي
هديت العربية خالص ضغطت انتظار وهمسك يمين الطريق لكن العربيات اللي جايه من ورا كانت سريعه جدا دخلت المنطقة اللي فيها الزيت وفقدت السيطره علي العربية وواحده منهم خبطت العربية من ورا!
كم عربيات اتخبط كتير جدا وناس كتير جدا اتصابت ولولا ستر ربنا كانت ناس كتير ماتت.. نزلت من العربيه بعد ما الطريق هدي، لقيت أن دي مش بقعة زيت ف الطريق! لا، دة زيت في علب بلاستيك كتييير متوزع يمين وشمال الطريق!!
مش ممكن ؟؟ مين اللي عمل كده ؟؟ وليه ؟؟ مش ممكن يكون اللي بيعمل كده دا مصري!!
الشرطة جت تعاين الحادث وجابوا جرارات علشان يوزعوا رمل علي الزيت اللي كان ف الطريق كله وكان فيه عربيات إنقاذ وسألت واحد من أفراد الشرطة علي الموضوع قالي دي مش اول مرة!
الاسبوع اللي فات في الطريق المقابل كان فيه نفس الموضوع بس الحادث كان أكبر لأن فيه عربية نقل في الموضوع ... ونفس الموضوع قبلها عند مدخل المعادي ... بقوله طيب حضرتك مش المفروض يكون فيه كاميرات مراقبة علي الطريق دوريات مستمره طالما هو مسلسل ومستمر؟؟ قالي احنا بنحاول وان شاء الله هنمسكهم.. طبعا اتمني من ربنا انهم يمسكوهم
ربنا يحفظكم من كل سوء لأن الموضوع منتشر.

[تامر.محمد]

يا نهار ابيض !!!!
ده كان واقع من ايه ده ؟؟؟

ده كده الواحد بقى ما يعديش 60 حتى لو الطريق فاضي !!!

[J A G U A R]

لا حول ولا قوه الا بالله
هما معرفوش ياخدو بالهم من الزيت ده ولا ايه ..

[pharonicking]

دى بفعل فاعل "" وطبعا الفاعل معروف ""

[محمد ابراهيم 1]

الله ينتقم من من فعل ذلك

[amoor89]

لا حول ولا قوه الا بالله
هما معرفوش ياخدو بالهم من الزيت ده ولا ايه ..

صعب تقدر تاخد بالك من بقعة زيت وانت ماشى 120 والاصعب انك تحاول تقف او تعمل مناورة على السرعة دى يعنى لابس لابس
حصلت مرة من سنتين على الطريق الزراعى عند بنها واخدت بالى من بقعة الزيت وهى على بعد 30 متر وكنت ماشى 90 يدوب لمست فرامل قبلها وقبل مدخل على الزيت كنت سايب فرامل وبنزين ومكلبش فى الطارة وبحاول اوازن العربية والحمد لله عدت بسلام

[exelence]

ده يخلى الواحد فعلا" لازم يمشى بسرعه قليله حتى لو الطريق سريع لأن التحكم فى العربية هيكون مستحيل لو ماشى على سرعة عاليه
و ربنا ينتقم من كل واحد عمل كده متعمد و حتى اللى مش متعمد كان لازم يغطى المنطقة دى بالرمل لأن دى ارواح ناس مش لعبة

[ahmedelrayan]

حسبى الله ونعم الوكيل نفسى يكون فيه عندنا عربيات شرطة مهمتها انها تتابع الطريق بصورة دورية

[ashouhdy]

ربنا ينتقم من اللي بيرمي زيت ويقتل الناس وهدد بكدة وبينفذ تهديداتة

[طارق محمد نبيل]

ربنا يسترها مع الناس

[horas3000]

ربنا ينتقم من اللي عمل كده
بس الكلام ده كان امتي
انا عديت من نفس الطريق الساعه 5:30 كده بس الاتجاه المعاكس

[kar!m]

للأسف ناس كتير عربياتها بتعطل و ينزل يصلحها و يحط طوبه أو يقع منه زيت أو فردة كاوتش تتقطع و لما العربية بتتصلح بيمشي و بيسيب الحاجات مكانها و يسبب حوادث لناس تانيه.

أنا مره الرادياتير عندي اتكسر من حد سايب طوبه في الطريق.