من فضلكم سؤال محيرنى

[MACATHIUS]

من فضلكم سؤال محيرنى : هل الرادار اللى على الدائرى دا شغال. (المعادى و التجمع لغاية السلام).. و لو شغال يبقى كل العربيات اللى ماشية عليه مخالفة لأن كله معدى التسعين و قليل اوى ما تلاقى عربية ماشية بالسرعة المظبوط. و لو كان شغال ازاى بيلحق يصور كل كميات العربيات دى و بيلقط كمان نمرها ... مش متخيل دقة الكاميرا ... الرادار مفروض بيتتبع جسم لكن بيصور نمر و قدامه كل لبشة العربيات دى ... هيصور ايه و لا ايه ... و بعدين resolution الكاميرا دى و دقتها مش قادر اتخيلها ... عربيات بسرعات متفاوتة مع مناورات و اجسام متحركة... ازاى الكاميرا بتصور يعنى.. و لو الكاميرا بتاخد لقطة للطريق ككل ف مستحيل تجيب صف العربيات كل و نمرها فى 5 حارات ل 20 عربية مثلاً عند نفس الثانية... اى ريسوليوشن دا اللى هيصور النمر الصغيرة بالدقة دى .. مش فاهم... انا ممكن اتخيل ان الكاميرات تصور عند الاشارة لأن العربيات معظمها بتكون واقفة و المخالف يتلقط لكن على الدائرى و على سرعة ازاى!!! .. اعتقد ان الرادار بيصور شكل العربية و حجمها و هيئتها و جايز الموديل و اللون لكن كاميرا ايه دى اللى بالدقة دى ... معلش طولت عليكم اصل نفسى افهم.... ياريت اللى فاهم يفهمنى... طب و بعد ما بيصورنى هياخد الغرامة امتى ... وقت الترخيص يعنى ولا ايه؟؟؟؟

[MACATHIUS]

44 مشاهدة و مافيش رد هو مافيش حد عارف خالص عن الموضوع دا

[hamo81]

انا لما أتصورت رادار الشهر إلي فات شوفت العسكري وهو قاعد على يمين الطريق الصحراوي تحت تانده صغيرة وشوفته وهو ماسك جهاز السرعة وبيبلغ بالاسلكي بعدها علطول لقيت كمين وقفني ,اخد الرخص ودفعت الغرامة فوري

ومرة كانت بالليل بعد الساعة 2 قبل الثورة على الطريق الصحراوي لقتي كمين وقفني وقالي إني أتصورت رادار وأخد الرخص مني لكن ساعتها صعبت عليه وأخدشي مني غرامة
دي تجربتي مع الرادار

[MACATHIUS]

متشكر ليك و لردك.. الظاهر موضوع التصوير دا محتاج حد فنى يفهم فى الموضوع دا

[Hmatchy]

انا معرفش على اى اساس بيعرف العربيه السريعه من البطيئه لما الاتنين يطلعو فى نفس الصوره
لكن بالنسبه للجوده فى كاميرات بتوصل ل 50 ميجا بكسل ودى تجيب كل التفاصيل دى بمنتهى السهوله

[MACATHIUS]

انا معرفش على اى اساس بيعرف العربيه السريعه من البطيئه لما الاتنين يطلعو فى نفس الصوره
لكن بالنسبه للجوده فى كاميرات بتوصل ل 50 ميجا بكسل ودى تجيب كل التفاصيل دى بمنتهى السهوله

متشكر لأهتمامك ... اعتقد ان الرادار بيعرف السريعة من البطيئة عن طريق الموجات اللى بيطلقها لكن الكاميرا هى اللى بتصور... لو فيه بقة كاميرا بالدقة دى - 50 ميجا ... و موجودة على الطريق كدة لوحدها كان زمانها اتسرقت لأنه الريسوليوشن دا يخليها غالية جدا دا مش بس ريسوليوشن دى سرعة التقاط كمان لأنها بتصور اجسام متحركة .... متشكر لأهتمامك

[MACATHIUS]

بصوا كمان اللينك دا:
تقنية تمنع الرادار من رصد لوحات السيارات - أكشنها

مع العلم انا مش عاوز افلت من الرادار انا بس عاوز افهم الموضوع

دا الفيديو

http://www.youtube.com/watch?v=AcFSA7N8Pmc

[kazamodia]

انا اللي اعرفه ان بالليل مفيش رادار على الطريق
انا المرة الوحيدة اللي اتمسكت فيها رادار كان على الدائري يوم جمعة عند الخصوص كده قبل نزلة الزراعي كانوا عاملين لجنة لاقيت الامين وقفني وقال لي انت كنت ماشي 95 وغرامة 100
انا ساعتها كان كل اللي في جيبي 15 جنية 10 في المحفظة و5 في جيبي فصعبت عليه قال لي خلاص امشي ورجع لي الرخص

[Fadi Ezzat]

انا اللي اعرفه ان بالليل مفيش رادار على الطريق
انا المرة الوحيدة اللي اتمسكت فيها رادار كان على الدائري يوم جمعة عند الخصوص كده قبل نزلة الزراعي كانوا عاملين لجنة لاقيت الامين وقفني وقال لي انت كنت ماشي 95 وغرامة 100
انا ساعتها كان كل اللي في جيبي 15 جنية 10 في المحفظة و5 في جيبي فصعبت عليه قال لي خلاص امشي ورجع لي الرخص

مرة واحدة بس
انا زهقت من كترهم
انا اول امبارح لسة ممسوك قبل طنطا كنت رايح مشوار شغل على 82