إعـــــــلان

Collapse

.

,
See more
See less

هى العربية مهمة فى حياتنا ؟

Collapse
X
 
  • Filter
  • الوقت
  • Show
Clear All
new posts

  • هى العربية مهمة فى حياتنا ؟

    السيارة او المركبة او ما يطلق عليها العربية فى مصر , السيارات بدأت صناعتها فى بداية القرن الماضى و يزداد اقبال الناس عليها يوما بعد يوم , حتى اصبحت جزئا من حياتنا الشخصية و البعض يعتبر السيارة احدى اولاده , و لكن يأتى السؤال الاصعب هو الواحد بيشترى عربية ليه : كل واحد بيحط اولوياته فى اختيار السيارة , بس فى سؤال هل فى حد سأله قبل ما يشترى هو انا لو جبت عربية هاوفر اكتر و لا و لو قضيتها موصلات نعالى نشوف و بالارقام , احنا الاول هنختار الشريحة من اللى بنقارنها و هى التاكسيات لانها المواصلة اللى بتودينا لنفس المكان اللى بنروحه بالعربية , ثانيا هنختار الفئة السعرية اللى هنشتريها و هى الفئة بين ال100 و ال200 الف جنيه و ناخد المتوسط و هو حوالى 150 الف جنيه و هنحط بنود المقارنة و نبدأ و هنحط فترة 5 سنين و متوسط 15000 كم فى السنة

    1- لو واحد حب يقضيها تاكسيات طول اليوم هو و عيلته هنقول حوالى 100 جنيه فى اليوم يبقى ( 100*365*5)=182500 جنيه فى خلال الخمس سنين و ده بالنسبة لو قضيتها موصلات

    2- نيجى بقى لو واحد عنده عربية

    *ثمن السيارة 150 الف جنيه
    *البنزين : لو اعتبرنا ان متوسط العربية 10 لتر لكل 100 كيلو , الواحد هيعمل حوالى 75000 كيلو فى الخمس سنين يبقى هتجيب بنزين يبقى الواحد هيستهلك 7500 لتر (7500*2.60)= 19500
    *الصيانة : الواحد هيعمل صيانة كل 10000 كيلو يبقى حضرتك هتعمل حوالى 7 صيانات حوالى ( 1500*7)=10500
    *الترخيص : حضرتك هترخص مرتين خلال ال5 سنين حوالى (1500*2)= 3000
    *قطع استهلاكية : تغير اطارات مرة واحد خلال الخمس سنين (3500)+بطارية(500)
    *تأمين : 5% من تمن السيارة حوالى 7500*5=37500
    *نفخ اطارات مرة كل اسبوعين ( 240 )
    *بقشيش سايس (9125) حوالى 5 جنيه فى اليوم
    *غسيل العربية 50 جنيه فى الشهر (50*60)=3000
    *كماليات خلال الخمس سنين = 10000

    يبقى التكاليف العامة = 150000+19500+10500+3000+3500+500+37500+240+9125+30 00+10000=246875 حوالى 247000 جنيه
    لو بعد خمس سنين حضرتك لو بعت العربية ب 50 % من تمنها و ده فى العربيات صاحبة اعادة البيع الصعب بيقى حضرتك معاك 75000 , يبقى حضرتك صرفت 172000 و حضرتك كنت مفروض تصرف 182500 , بيقى حضرتك وفرت 10000 + راحة بال و راحة قاعدة ( قاعد فى تكيفك , مشغل كاسيتك , و شوية كماليات ترد الروح + توفير وقت )

    -اه الحسابات تختلف من شخص لاخر حسب المسافة اللى بيمشيها او من حسب نوع القيادة و نوع قطع الغيار الاسهلاكية و اشياء اخرى مثل التأمين و الكماليات , فالدراسة هى عبارة عن المتوسط
    -فى حاجة بقى مزعلانى فى المنتدى اوى , و مبحبش اشوفها ان فى ناس بدافع عن عربياتها بطريقة مستفزة و بتحسسنى ان العربية دى الوحيدة فى فئتها ( انا بنصح اى واحد بيشترى عربية جديدة , انزل المعرض , اتفرج على العربية و اعملها تيست درايف و اسئل على تنتوفة فى العربية و بعد كده اسأل الناس و ساعتها هتعرف مين الصادق و مين الكاذب لان الفلوس فلوسك انت , لان فى ناس عاوز عربيته تنتشر علشان يقول اهو انا عربيتى انتشرت و كل الناس معاها عربيتى , شغل مخك , حط هدفك , اسأل و استشير و بعد كده نفذ )

    شكرا لكم

  • #2
    مش كل الناس بتحسبها بالطريقة دي ..اهم من الفلوس راحتك وراحة اسرتك من بهدلة المواصلات وكلنا عارفين قرف المواصلات عامل ازاي وكمان عامل الوقت ده كمان لوحده حكاية لو حسبتها بالطريقة دي هتلاقي المبلغ اللي دفعته في العربية ولا حاجة بالنسبة للحاجتين دول الراحة والوقت

    Comment


    • #3
      العربية = كرامة
      لك ولاسرتك
      ولو مش مقتنع
      انزل اركب مكروباص
      و اسمع الالفاظ اللى بتتقال بالذات لو مجموعه شباب
      وشوف النظرات لو وسط الركاب بنت جميلة او لابسه لبس دلع
      ربي لا تردني الي ارذل العمر- وردني اليك مردا جميلا . و توفني وانت راضي عني و عنا. برحمتك يا ارحم الراحمين

      Comment


      • #4
        باشا ومن الاخر . لو عندنا مواصلات ادميه فى مصر انا عمرى ما كنت افكر اشترى عربيه والعربيه اصلا ممكن تكلفنى اكتر من التاكسى ف ال 5 سنين .

        وهديلك كام مثال بسيط يخليك تعيد حساباتك : كام مره ممكن تتخانق مع سواق تاكسى من اللى هتركب معاهم طول ال 5 سنين ؟
        ضامن ميبقاش سواق التاكسى مجرم وممكن يثبتك ب سلاح لا قدر الله هوه وعصابه مثلا تكون مستنياك ف حته معينه
        ضامن تكون راجع بليل تلاقى تاكسى ؟ ضامن لو ركبت التاكسى بليل ميحصلكش حاجه من اللى سبق ذكرها ؟
        لو حصلك حاجه ورحت للشرطه هيعبروك أصلا الا لو انت ابن فلان الفلانى او قريبك مش عارف مين او تعرف مش عارف مين ف الشرطه ؟!!
        وده رأى وبقوله ل كذا حد من صحابى .للأسف احنا ف مجتمع معفن وبلد منهاره والحراميه الكبار واللى ماسكين عماله تزيد غنى ومتدفعش ضرايب بالمليارات. والفقير بيبقى أفقر ويدفع دم قلبه وكل هم طبقه الحراميه هوه مسح الطبقه الوسطى من الوجود وشويه تانين عايشين ف الوهم و فاكرين ان اللى يشتكى ويقول مشاكل البلد بصوت عالى هوه واحد بيكره البلد او مش وطنى أو عاوز خراب البلد أو أو أو أى سبب . لمجرد انه رافض يعيش ف الطين زيهم ويبقى رأيهم سيب البلد وشوف غيرها وفاكرين انهم كده وطنين وبيحبوا البلد .

        انتهى .


        [CENTER][B]all- all this, it- it's not me, inside, I am, I am more[/B].
        [mtohg=null]http://www6.0zz0.com/2014/11/23/07/616065184.jpg[/mtohg][B]
        اللهم لك الحمد حتى ترضى ولك الحمد اذا رضيت ولك الحمد بعد الرضا[/B]
        [/CENTER]

        Comment


        • #5
          تظ فالفلوس و لا اركب والدتى او خطيبتى او مراتى مواصلات
          [SIZE=2][img3]http://im77.gulfup.com/mVDw3c.png[/img3][/SIZE]

          Comment


          • #6
            كان زمان الواحد ممكن يركب موصلات لكن فعلا الاخلاق اتغيرت كنت في المترو مع زوجتي شويه عيال من15 الي17 سنه قمه السفاله في الالفاظ ومحدش عارف يسكتهم فعلا الملاكي رحمه في الزمن دا وشكرا

            Comment


            • #7
              متنساش ان فى ناس وظايفها
              تحتاج استدعاءات فى نص الليل
              فلابد تكون العربيه تحت رجله.
              وكمان لو حصل ظرف طارئ
              فى وقت متاخر حيعمل ايه
              من غير عربيه!
              [SIGPIC][/SIGPIC]

              Comment


              • #8
                السيارة أفضل من 100 مواصلة تحت رجليك

                Comment


                • #9
                  انا عملت الموضوع ده مش علشان اقول العربية احسن و لا لا , لان اكيد العربية احسن الف مرة من اى موصلة عادية , انا عملت الموضوع علشان فى ناس بتفكر تركب عربية اللى بتتباع بسرعة و تضحى بعربيات افضل منها من حيث الامان و الجودة , فبالحسابات حتى العربية اللى متتباعش حضرتك كسبان فيها طب ليه بقى بنشترى عربيات ناقصة كماليات و امان و تخلى الوكلاء يستغلونا و يشربوا من دمنا
                  شكرا

                  Comment


                  • #10
                    المشاركة الأصلية كتبت بواسطة ahmedrb مشاهدة المشاركة
                    انا عملت الموضوع ده مش علشان اقول العربية احسن و لا لا , لان اكيد العربية احسن الف مرة من اى موصلة عادية , انا عملت الموضوع علشان فى ناس بتفكر تركب عربية اللى بتتباع بسرعة و تضحى بعربيات افضل منها من حيث الامان و الجودة , فبالحسابات حتى العربية اللى متتباعش حضرتك كسبان فيها طب ليه بقى بنشترى عربيات ناقصة كماليات و امان و تخلى الوكلاء يستغلونا و يشربوا من دمنا
                    شكرا
                    كده وضحت الفكره
                    تحياتى
                    [SIGPIC][/SIGPIC]

                    Comment


                    • #11
                      المشاركة الأصلية كتبت بواسطة ahmedrb مشاهدة المشاركة
                      انا عملت الموضوع ده مش علشان اقول العربية احسن و لا لا , لان اكيد العربية احسن الف مرة من اى موصلة عادية , انا عملت الموضوع علشان فى ناس بتفكر تركب عربية اللى بتتباع بسرعة و تضحى بعربيات افضل منها من حيث الامان و الجودة , فبالحسابات حتى العربية اللى متتباعش حضرتك كسبان فيها طب ليه بقى بنشترى عربيات ناقصة كماليات و امان و تخلى الوكلاء يستغلونا و يشربوا من دمنا
                      شكرا
                      اقول انا لحضرتك ليه الناس بتشترى العربيات اللى بتتباع بسرعة عشان هو بيعتبر العربية بجانب انها وسيلة مواصلات انها شىء من الاشياء المدخرة زى الذهب مثلا فلو حصل اى ظرف واحتاج فلوس يقدر يجبها من خلال العربية دى الفكرة مش اكتر
                      [SIZE=5][COLOR=blue][SIGPIC][/SIGPIC]لا اله الا انت سبحانك ما شكرناك حق شكرك[/COLOR][/SIZE]

                      Comment

                      Working...
                      X