اه رايكم فى الكلام ده يا جماعة

[masrawy99]

السلام عليكم ورحمة الله
طبعا انتو عرفين انى لسه بتعمل السواقة جديد بس الحمد لله بقيت احسن يعنى بمشى معقول وبقدر الاماكن حريص انى لا اخبط حد ولا اتخبط
المهم عندى مشكلة كبيرة جدا وهى اننى بقبى دايس علطول ديبرياج فى التانى التالت يعنى بقبى مشعر دربياج فى التانى علطول
المهم النهاردة شميت ريحة حاجة بتتحرق
زى بلاستيك زيت حاجة ريحتها وحشها
وقفت فتحت الكبوت لقيت الريحة اقوى ووجدت بخر مش دخان موجود بيطلع من اسفل العربية فى الناحية اليمنى من الكبوت تقريبا
المهم رحت للميكانيكى قالى انتا كده كلت الديست والاسطوانة وبلية الدبرياج
المفروض نغيرهم

لكن علشان انتا لسه جديد ورجلك مظبطتش على الدبرياج خلينا شوية والعربية ماشية لغاية لما تبقى كويس نبقى نغير ديسك واسطوانة ودبلية سالته بكام يعم قالى 350 جنيه جداد العربية دوجان 96 فاه رايكم يا جماعة فى الكلام ده معقول ولا اشوف ميكانيكى تانى

[أبومعاذ]

معتقدش ان الطقم كله هيبقى محتاج يتغير و في كل الاحوال الافضل انك تروح لميكانيكي تاني و تقارن بين كلام دا و دا
على فكرة الميكانيكي ميقدرش يحكم على طقم الدبرياج من غير ما يفكه

[waled369]

اللي أقدر أفيدك فيه ان كلام الميكانيكي مظبوط و دي ريحة شياط م الاسطوانة فعلا بس السعر بصراحة مش عارف عنه حاجة .

[sab3aawy]

ريحة شياط الديسك بتكون عالمة زى ريحة البامية المحروقة، لو هى دى الريحة اللى انت شميتها يبقى فعلا االديسك اتاكل

بس لو هتغير طقم دبرياج هاته من نوع فاليو حتى لو اغلى شوية علشان يعيش معاك، وبالمناسبة، الطقم الأصلى اللى فيها فاليو برضه

[أبومعاذ]

ريحة شياط الديسك بتكون عالمة زى ريحة البامية المحروقة، لو هى دى الريحة اللى انت شميتها يبقى فعلا االديسك اتاكل

بس لو هتغير طقم دبرياج هاته من نوع فاليو حتى لو اغلى شوية علشان يعيش معاك، وبالمناسبة، الطقم الأصلى اللى فيها فاليو برضه

ممكن يغير اسطوانة بس مش لازم الطقم كله و لا ايه رايك يا كبير المنتدى

[sab3aawy]

ممكن يغير اسطوانة بس مش لازم الطقم كله و لا ايه رايك يا كبير المنتدى

حلوه حكاية كبير المنتدى دى، حاسس ان انا منفوخ كدة وهطأ من الألاطة اللى هتفرقع من جنابى، اشكرك جدا على رفع معنوياتى
طبعا ممكن تغيير الاسطوانة او الديسك بس ، بحسب الحالة لأن الديسك بيبان عليه ريجة وخدوش على سطح المعدن لو بايظ، والاسطوانة بيكون الفايبر بتاعها منحول، اما البلية فصوتها بيخشول، وبالتالى الجزء اللى فيه اعراض بوظان فقط هو اللى يتغير، هى بس الفكرة ان لو المجموعة قديمة تتغير كلها لأن غيار الدبرياج هد حيل وبتتفك فيه حاجات كتير جدا ، فلو المجموعة قديمة تتغير كلها حتى لو قطعة واحدة اللى بايظة علشان منفكش كل شهر، ولو كانت جديدة وقطعة واحدة اللى باظت تتغير هى بس ونسيب الباقى

[MMamdouh]

it is always recommended to replace all clutch components at the same time

MMamdouh

[sab3aawy]

it is always recommended to replace all clutch components at the same time

MMamdouh

تأييدا لكلام محمد ممدوح ، بما انك شارى العربية مستعملة وبالتالى ان مش عارف آخر مرة الطقم اتغير امتى يبقى فى الحالة دى هنفترض انه قديم ويتغير كله، الوقت الوحيد اللى تغير فيه قطعة واحدة لو كنت انت شارى الطقم جديد وعارف ان معداش عليه وقت طويل وقطعة واحدة حصل لها تلف او ما يسمى premature failure يبقى هى اللى تتغير بس توفيرا لنفقات القطع الاخرى

[Osama_soliman]

- لازم الديسك يتفك علشان تعرف ايه اللى باظ واللى ايه سليم

- بس لازم تجعل فى هذا الامر حتى لا تتلف اجزاء اخرى (عند الميكانيكى ده او غيره)

- حاول ترفع رجلك من على الدبرياج طول ما انت ماشى ومش محتاج تغيير

[MoToRiZeR]

و نصيحة متتعودش تدوس دبرياج

الدبرياج فقط إستعمله عند النقل .. غير كدة ولا حتي تسند رجلك عليه .. و لو دست فرامل من غير دبرياج العربية مش هتبطل ولا حاجة .. فرامل لحد ما تحس العربية خلاص هتقف دبرياج و مور .