ماهو التصرف الأمثل لو خبطت عربية؟

[mabdelaziz]

السلام عليكم ورحمة الله وبركاته
أنا خبطت عربية دايو لانوس والفانوس الخلفى الشمال اتكسر.
عاوز أعرف الواحد يتصرف إزاى فى المواقف اللى زى دى بحيث لا أكون مظلوم ولا ظالم وكل واحد ياخد حقه؟
وياريت أعرف الفانوس اللى أنا كسرته ده ممكن يتكلف كام؟

[mabdelaziz]

ياريت أعرف آرائكم يا جماعة أرجوكم
وأحب أضيف سؤال كمان, هو ممكن وش الفانوس بس اللى يتغير مش الفانوس بالكامل لأن الوش بس هو اللى اتكسر كسر بسيط جداً ولم يحدث أى شئ للفانوس بالداخل, ولو ينفع سعره كام تقريباً؟

[ibrahimsaad]

انا حصل معى موقف زى ده بس كان وش فانوس بيجو 504 ستيشن

والراجل وقف وقال عايز عشرين جنيه رحت مديله 20 ج ومشيت ومش عارف ان كان صادق ولا لا

[mabdelaziz]

ياريت يا إبراهيم ترسى على كده.
أنا لسه متصل بتوكيل لدايو وسألتهم قالوا لى ماعندناش وش الفانوس بس, لازم الفانوس بالكامل وسعره تقريباً 350 جم.
بس أنا مش عارف بصراحة هل ممكن أشتري الوش بس من بره التوكيل ولا لأ؟

[ibrahimsaad]

ياريت يا إبراهيم ترسى على كده.
أنا لسه متصل بتوكيل لدايو وسألتهم قالوا لى ماعندناش وش الفانوس بس, لازم الفانوس بالكامل وسعره تقريباً 350 جم.
بس أنا مش عارف بصراحة هل ممكن أشتري الوش بس من بره التوكيل ولا لأ؟

طبعا اكيد ممكن تشتريه من بره

انت مش مطلوب منك تغير كل الفانوس فقط ماكسرته وهو الوش

انا بصراحه معرفش ممكن تجيبه منين بس اكيد الاخوه عارفين

[mabdelaziz]

ألف شكر يا دكتور إبراهيم على اهتمامك.
هو الموضوع شبه انتى بإنى اديت للراجل مبلغ مبالغ فيه شوية بناءً على رأى واحد بتاع قطع غيار.
بس أنا فكرت بعد الموقف ماخلص إن ممكن يكون فيه طريقة أخرى للتصرف الأمثل فى مثل هذه المواقف بحيث إن ممكن كل واحد ياخد حقه بدون ظلم للآخر.

أشكرك مرة أخرى يا دكتور إبراهيم على تعاونك معايا.

[mahamedaraby]

وش فانوس الدايو موجود فى كل حته عند اى حد بتاع قطع غيار تقريبا بس مش متاكد كان ب 75 جنيه

وانا لو خبطت حد وحصل ضرر هحاول اصلح الخبطه

[mabdelaziz]

شكراً يا أستاذ mahamedaraby,
أشكر لك اهتمامك ومشاركتك.

[AHMEDCAR]

اسال استاذ محمد ممدوح فى النقطه دى هايقيدك اكتر

اللى اعرفه ان وش الفانوس بتاع الانوس بيكون تقليد و بعد فتره بيطوس و شكله بيكون تعبان اوى و هو ب 20 جندى

[mabdelaziz]

اسال استاذ محمد ممدوح فى النقطه دى هايقيدك اكتر

اللى اعرفه ان وش الفانوس بتاع الانوس بيكون تقليد و بعد فتره بيطوس و شكله بيكون تعبان اوى و هو ب 20 جندى

طيب ياريت الاستاذ محمد ممدوح يفيدنا فى الموضوع ده, وألف شكر لنصيحتك.

هو أنا نفسى حد من الخبراء يكلمنا عن سير الأمور فى مواقف زى دى بيكون إزاى عشان كل واحد ياخد حقه, يعنى لنفرض إن الحاجة اللى باظت حاجة كبيرة مش وش فانوس, المفروض الخابط والمخبوط يعملوا إيه, هل يتراضوا مابينهم وبين بعض ولا لازم البوليس يتدخل ولا بيحصل إيه؟