إعـــــــلان

Collapse

.

,
See more
See less

ايه رايكم فى دايهاتسو جران ماكس للنقل التجارى ؟؟

Collapse
X
 
  • Filter
  • الوقت
  • Show
Clear All
new posts

  • ايه رايكم فى دايهاتسو جران ماكس للنقل التجارى ؟؟

    ايه رايكم فى دايهاتسو جران ماكس للنقل التجارى ؟؟


    وهل فيه بديل افضل ؟؟


    وهل العربيه بتمشى وسط البلد عادى وعلى الكورنيش مثلا ولا ممنوع زيها زى النص نقل ؟؟

  • #2
    حدد الهدف من الشراء وانا هفيدك باذن الله

    Comment


    • #3
      المفروض زيها زي النص نقل
      الدودج رام بتتعامل علي إنها نص نقل
      Omar El-Gezeiry

      Comment


      • #4
        الهدف هو توزيع منتجات مختلفه حمولتها طن فى اقصى تقدير

        Comment


        • #5
          كان قصدى هدف من نوعيه المنتج وخلاص مش مشكله هقول اللى عندى
          كنت عايز اوفر كتابه وقراءه

          المهم فى منتجات بتبقى هايشه بتاخد حجم على الفاضي كمنتجات البطاطس الشيبسي والاسناكس وفى الحالة دى مينفعهاش جران ماكس دى عايزة ربع نقل بصندوق عالى
          ولو هتشتغل فى منتجات حديد بتعمل وزن يبقى عايز حاجة تحميل كويس وبرده الجران ماكس مش مكانها انت عايز شفروليه
          ولو هتشتغل فى حاجة محتاجه سرعه كزريعه السمك تبقى محتاج نيسان او تويوتا

          الفان المقفول
          منه سوزوكي وشفروليه والديهاتسو
          كتحميل كلهم واحد حجم بسيط حموله خفيفة
          السوزوكي قطع غيار رخيصة ومتوفره واى حد بيشتغل فيها واعادة بيع كويسه
          الشفروليه نفس السوزوكي وافضل فى الشكل وقطع غيار اغلي
          الديهاتسو قطع غيار اغلى اكتر وبشكل احسن
          الفان الصغير ينفع فى شغل مكتب صغير مخبوزات وحلويات شغل خفيف كله مش محتاج ضغط

          فى فئه تاني اللى هي بتبقى كابينه سيدان بصندوق مغلق زى الفيات الجديدة مثلا
          السيارات الجديدة | فيات | فيورينو 2015 - ContactCars.com
          وفي منها فولكس وفي سيات ومعظم الحاجات ده بتبقى نفس ماتور السيدان المشابه ليها وعربيات عمليه مريحه فى الشغل يعبها اعادة البيع بتنزل كتير

          المهم البك اب (الربع نقل)
          شيفرولية واسوزو ونيسان وتويوتا وميتسوبيشي
          وكل حاجه وليها حاجة ومن الاول استبعد الميتسوبيشي من كل المقارانات لاسباب كتير
          الافضل في اعادة البيع بالترتيب الشيفرولية الاسوزو النيسان التويوتا
          الافضل فى التحميل الشيفرولية التويوتا الاسوزو النيسان
          الاسهل فى الصيانه النيسان الشفرولية الاسوزو التويوتا
          الاسرع النيسان تويوتا اسوزو شفرولية
          الراحه فى الشغل ودى مهمه متنسهاش خاصة لو هتشتغل عدد ساعات كتير او هتسافر كتير تجيب بضاعه
          الافضل بدون منازع وبفرق كبير التويوتا من ثبات وسرعه وتحميل ضعف الطبيعى
          يليها الاسوزو والشيفرولية والنيسان
          الافضل فى الشكل التويوتا الاسوزو الشيفرولية النيسان
          الرفاهاية والبرستيج متدورش انت راكب جاز وهيتقالك يا اسطي حتى لو انت دكتور بس التويوتا بيتعملها احترام
          اسعار قطع الغيار قريب من بعض يعتبر مفيش فرق مع اختلافات بسيطه فى القطع الخارجية من فوانيس ومرايات
          من الارخص للاغلي الشيفرولية والاسوزو النيسان التويوتا

          لو عايز اكمل قول
          حدد انت عايز ايه ونتعمق اكتر انا اساسا محاسب واشتغلت فى المبيعات كتير وكنت مشرف اسطول سيارات بجميع انواعها صغير وكبير وعارف كل حاجه بتفصيل كتير سهل الموضوع على واكسب وقت

          Comment


          • #6
            المشاركة الأصلية كتبت بواسطة ahmed p880 مشاهدة المشاركة
            كان قصدى هدف من نوعيه المنتج وخلاص مش مشكله هقول اللى عندى
            كنت عايز اوفر كتابه وقراءه

            المهم فى منتجات بتبقى هايشه بتاخد حجم على الفاضي كمنتجات البطاطس الشيبسي والاسناكس وفى الحالة دى مينفعهاش جران ماكس دى عايزة ربع نقل بصندوق عالى
            ولو هتشتغل فى منتجات حديد بتعمل وزن يبقى عايز حاجة تحميل كويس وبرده الجران ماكس مش مكانها انت عايز شفروليه
            ولو هتشتغل فى حاجة محتاجه سرعه كزريعه السمك تبقى محتاج نيسان او تويوتا

            الفان المقفول
            منه سوزوكي وشفروليه والديهاتسو
            كتحميل كلهم واحد حجم بسيط حموله خفيفة
            السوزوكي قطع غيار رخيصة ومتوفره واى حد بيشتغل فيها واعادة بيع كويسه
            الشفروليه نفس السوزوكي وافضل فى الشكل وقطع غيار اغلي
            الديهاتسو قطع غيار اغلى اكتر وبشكل احسن
            الفان الصغير ينفع فى شغل مكتب صغير مخبوزات وحلويات شغل خفيف كله مش محتاج ضغط

            فى فئه تاني اللى هي بتبقى كابينه سيدان بصندوق مغلق زى الفيات الجديدة مثلا
            السيارات الجديدة | فيات | فيورينو 2015 - contactcars.com
            وفي منها فولكس وفي سيات ومعظم الحاجات ده بتبقى نفس ماتور السيدان المشابه ليها وعربيات عمليه مريحه فى الشغل يعبها اعادة البيع بتنزل كتير

            المهم البك اب (الربع نقل)
            شيفرولية واسوزو ونيسان وتويوتا وميتسوبيشي
            وكل حاجه وليها حاجة ومن الاول استبعد الميتسوبيشي من كل المقارانات لاسباب كتير
            الافضل في اعادة البيع بالترتيب الشيفرولية الاسوزو النيسان التويوتا
            الافضل فى التحميل الشيفرولية التويوتا الاسوزو النيسان
            الاسهل فى الصيانه النيسان الشفرولية الاسوزو التويوتا
            الاسرع النيسان تويوتا اسوزو شفرولية
            الراحه فى الشغل ودى مهمه متنسهاش خاصة لو هتشتغل عدد ساعات كتير او هتسافر كتير تجيب بضاعه
            الافضل بدون منازع وبفرق كبير التويوتا من ثبات وسرعه وتحميل ضعف الطبيعى
            يليها الاسوزو والشيفرولية والنيسان
            الافضل فى الشكل التويوتا الاسوزو الشيفرولية النيسان
            الرفاهاية والبرستيج متدورش انت راكب جاز وهيتقالك يا اسطي حتى لو انت دكتور بس التويوتا بيتعملها احترام
            اسعار قطع الغيار قريب من بعض يعتبر مفيش فرق مع اختلافات بسيطه فى القطع الخارجية من فوانيس ومرايات
            من الارخص للاغلي الشيفرولية والاسوزو النيسان التويوتا

            لو عايز اكمل قول
            حدد انت عايز ايه ونتعمق اكتر انا اساسا محاسب واشتغلت فى المبيعات كتير وكنت مشرف اسطول سيارات بجميع انواعها صغير وكبير وعارف كل حاجه بتفصيل كتير سهل الموضوع على واكسب وقت

            تسلم ياغالى على المعلومات والاستفاضه فيها مش عارف اقولك ايه


            العربيه جايه عشان تشتغل فى مجال المستبزمات الطبيه و احيانا فى مجال الاتصالات اجهزة محمول وخلافه

            وممكن فى فتره اشتغل فى مجال السلع الغذائيه سكر ورز وخلافه


            ياترى النوع ده فعلا بيشيل طن وعزمه معقول


            وهل ممكن تشيل مثلا طن سكر عادى

            Comment


            • #7
              اسف على التاخر فى الرد
              هى تنفع فى الاتصالات

              بالنسبة للمستلزمات الطبية مش هتنفع لانها يا اما ثقيله يا اما بلاستيكات وهتبقى هايشه
              انا كان عندى تويوتا واشتغلت فى الحوار ده كانت بتشيل مثلا 50 كرتونه ميزان شخصي والعربية الاقيها فى الارض
              ولو هتحمل بيبورنات ومشط وفرش اطفال وحاجات من دى الكرتين حجمها كبير ومش بتوزن

              بالنسبة للسكر والارز وهتضيف البوقليات عدس ولوبيا ودقيق وممكن زيت كمان المهم
              لو هتشتغل طلبيات ممكن
              لو ناوى تشترى جمله وتنبيع تجزئية مش هتنفع لان مش هتنزل توزع وانت معاك طن سكر بس
              انت هتنزل يبقي معاك على الاقل
              1 طن سكر
              1/2 طن ارز
              و5 طرد عدس
              و5 طرد دقيق
              وده يا دوب لان مكسب الحاجات دى بسيط بيفرق فى الكميات
              انا كنت ماسك مدير انتاج مصنع تعبيئة مواد غذائية
              اول ما بدانا كنا عندنا 4 عربيات ربع نقل
              على ما اتعرفنا فى السوق وبدانا نشتغل جمبنا عربية جامبو نص نقل تشتغل جمله وعربيتين ثلث نقل تشتغل تجزئية والعربيات الصغيرة كانت على اد الطلبيات وبعد كده خط بتاع الزيت اشتغل شغلناهم فى توزيع الزيت والعربية الربع بتاخد بالظبط 98 كرتونة زيت وكنا بنقفل عدد ونحط كرتونتين فى الكبينة

              ولو عايز اى استفسار فى موضوع التعبيئة اسال بس وملكش دعوة

              Comment


              • #8
                اه ونسيت كمان ارد على سؤالك اصلا
                هى مش بتاعت شغل احنا غلطنا وجبنا عربيتين منهم وحاليا شغالين فى العيش اللبنانى فقط
                بالاضافه ان استهلاكها عالى بالنسبة لعربية شغل لانها بنزين وهتحطلحها 92 وده مقارنة بسعر السولار الضعف

                لو عايز تجيب حاجة تنفع فى اى حاجة يبقى ربع نقل
                وفي الاول وفى الاخر انت اكتر واحد عارف ظروف نفسك من حيث سعر العربية ومن حجم نشاط عملك

                ولو انت فى الاول ولسه مش عارف الشغل هيبقى ازاى خليك فى الربع نقل افضل حتى لو هتجيب مستعمل
                ولو هتجيب مستعمل يبقي عليك وعلى سوق الجمعه بتاع البساتين
                انوى انت بس واقولك تعمل ايه

                Comment


                • #9
                  تمام اوى


                  على فكره العربيه 4.13 م3 فهل فعلا المستلومات الطبيه ماتنفعش معاها ؟!!

                  الدبابه اقصى حد بالمتر المكعب تشيله كام ؟؟

                  ومدام حضرتك خبره فى مشروع المواد الغذائيه انا بفكر فى تعبئة وتغليف السكر والرز فقط كبدايه مع العربيه والتوزيع جمله طلبيات وقطاعى توزيع

                  Comment


                  • #10
                    - الدبابة عرض 170 * 230* الارتفاع اللى انت عايزة من متر ل 170
                    بافتراض هتعمل المنتشر 140 ارتفاع هيبقي 5.474 متر مكعب

                    لو ناوى على المستلزمات الطبية هتجيب صندوق كبير ارتفاع 170 هيديك بالمكعب 6.647
                    بس ارتفاع الصندوق الزياده عن اللزوم خطر لو مش هيبقي ده شغلك المستمر
                    بيصد فى الهواء وانت ماشي وبيعجز العربية بدرى ولو محمل تقيل ممكن يقلب العربية فى ملف خاصة لو سواق غشيم

                    - بالنسبة لموضوع التعبيئة
                    فى يدوى وفيى نصف اتوماتيك وفى اتوماتيك وكل حاجة بقصه لواحده
                    على حسب امكانياتك والمستوى اللى عايز تشتغل به من جوده
                    وعموما فى المجمل متوسط الربح فى الطن من 200 ل 300 جنية على ارضه
                    بمعنى (على ارضه) بدون تكلفة التوزيع من اهلاكات العربية ومرتبات سواق ومندوب

                    - النصحية
                    علشان تكسب من موضوع السكر والارز لازم كميات على الاقل 5 طن يوميا تعبيئة وبيع
                    وفى الحالة دى الربع نقل مش هتنفع معاك برده انت عايز ثلث نقل على الاقل او جمبو او تحمل على اكتر من مرة

                    - طبيعه الشغل على السريع
                    المدخلات
                    سكر خام - اكياس بلاستيك هاى للتعبيئة- اكياس بلاستيك للشرينك - بكر لاصق سوليتب
                    المخرجات
                    سكر معبء - هالك الاكياس بالاضافة للطبقة الداخلية من الشيكارة تباع بالوزن - شكاير سكر فارغة تباع باللفة عبارة عن 19 شيكارة ملفوفين محطوطين فى الشيكارة ال20 - هالك سكر او بيقولو عليه كنسه سكر ويباع للمناحل بالوزن

                    العمالة
                    على حسب طريقة التعبئة وبحد ادنى 6 افراد وبحد اقصي 10 للماكينة الواحده

                    حدد برده عشان اكمل طريقة الشغل والمساحة المتاحة للشغل
                    عايز تشتغل يدوي ولا اتوماتك ولا تصرف نظر وتفكر فى تعبيئة الزيت افضل او التوابل
                    او تريح دماغك خالص وتشترى جاهز وتوزع بس

                    Comment


                    • #11
                      معرفتش ابعت علي الخاص لان عدد المشاركات قليل
                      الشكر لله انا من النوع اللي بيخدم لوجه الله
                      خليك في التوزيع فقط وخليك في نفس الدايره
                      ممكن تحاول تاخد توكيل من كوين بتاع الشبراويشي هيبقي احسن
                      علشان تبدا بس في موضوع التعبيه عايز 100 الف خامات فقط كبدايه
                      ومعدات من 30 الف الي 300 الف معدات علي حسب طريق التعبيه
                      بالاضافه لوجع القلب مع العمال وفنين تشغيل الماكينات رواتبهم كبيره
                      غير مشاكل البيع الاجل
                      انا لسه بايع العربيه اللي كانت معاي تويوتا 2013
                      وجبت فورد اسكورت وببيع فيها وناوي امشي في السكه دي
                      وباقي فلوس العربيه دخلت في حطه ارض
                      لو معاك مبلغ كويس اشتغل في العقارات احسن بكتير جدا
                      وابعد عن مشاكل الصحه وتاريخ الصلاحيه
                      ولا عماله توجع دماغك ولا ايجارات ولا سواق يخبط عربيه
                      ادخل في حطه ارض ونام عليها سنه وبعها هتلاقي كسبت فيها اكتر من اللي هتمحط فيه توزيع طول السنه وهيبقي مبلغ كبر ومره واحده
                      ووقتها تكون الفلوس كترت تقدر تعمل مصنع علي كبير
                      واحلم وحاول توصل
                      وفي منطقه قريبه من برج العرب اسمها الحمام اسعار الاراضي فيها كويسه حاليا
                      معدل نموها بطي شويه بس شغاله كويس
                      ولو مصمم علي موضوع التعبيه فكر في الزيت احسن

                      Comment


                      • #12
                        المشاركة الأصلية كتبت بواسطة ahmed p880 مشاهدة المشاركة
                        - الدبابة عرض 170 * 230* الارتفاع اللى انت عايزة من متر ل 170
                        بافتراض هتعمل المنتشر 140 ارتفاع هيبقي 5.474 متر مكعب

                        لو ناوى على المستلزمات الطبية هتجيب صندوق كبير ارتفاع 170 هيديك بالمكعب 6.647
                        بس ارتفاع الصندوق الزياده عن اللزوم خطر لو مش هيبقي ده شغلك المستمر
                        بيصد فى الهواء وانت ماشي وبيعجز العربية بدرى ولو محمل تقيل ممكن يقلب العربية فى ملف خاصة لو سواق غشيم

                        - بالنسبة لموضوع التعبيئة
                        فى يدوى وفيى نصف اتوماتيك وفى اتوماتيك وكل حاجة بقصه لواحده
                        على حسب امكانياتك والمستوى اللى عايز تشتغل به من جوده
                        وعموما فى المجمل متوسط الربح فى الطن من 200 ل 300 جنية على ارضه
                        بمعنى (على ارضه) بدون تكلفة التوزيع من اهلاكات العربية ومرتبات سواق ومندوب

                        - النصحية
                        علشان تكسب من موضوع السكر والارز لازم كميات على الاقل 5 طن يوميا تعبيئة وبيع
                        وفى الحالة دى الربع نقل مش هتنفع معاك برده انت عايز ثلث نقل على الاقل او جمبو او تحمل على اكتر من مرة

                        - طبيعه الشغل على السريع
                        المدخلات
                        سكر خام - اكياس بلاستيك هاى للتعبيئة- اكياس بلاستيك للشرينك - بكر لاصق سوليتب
                        المخرجات
                        سكر معبء - هالك الاكياس بالاضافة للطبقة الداخلية من الشيكارة تباع بالوزن - شكاير سكر فارغة تباع باللفة عبارة عن 19 شيكارة ملفوفين محطوطين فى الشيكارة ال20 - هالك سكر او بيقولو عليه كنسه سكر ويباع للمناحل بالوزن

                        العمالة
                        على حسب طريقة التعبئة وبحد ادنى 6 افراد وبحد اقصي 10 للماكينة الواحده

                        حدد برده عشان اكمل طريقة الشغل والمساحة المتاحة للشغل
                        عايز تشتغل يدوي ولا اتوماتك ولا تصرف نظر وتفكر فى تعبيئة الزيت افضل او التوابل
                        او تريح دماغك خالص وتشترى جاهز وتوزع بس
                        شكرا على ردك واهتمامك والله انت وفيت وبزياده

                        شوف انا عندى مكان مخزن مؤهل فى بيتى مساحة 140 م يعنى مفيش كلفه اجاريه تذكر ... 2 اخوه شركاء متفرغين وانا التالت مشغول فى عملى الخاص فى مجال الاتصالات مفيش سواق مفيش مندوب العربيه بنتكلم عليها بس واضح ان توزيع المواد الغذائيه مش حينفعه غير دبابه او جامبو استعمال حاله جيده

                        حشتغل يدوى فى البدايه وبعدين ربك كريم نعمل زبون بس


                        ومن الواقع ممكن العماله تكون 4 افراد كمان ولا ايه رايك ؟ظ

                        لكن بخصوص الورق الرسمى هل يلزم ترخيص ولا سجل تجارى وبطاقه ضريبه كافيه لمشروع تعبئه زى ده ؟؟

                        فرق حجم التحميل بين الدبابه والجران ماكس 1 متر مكعب وفرق السعر يستاهل التنازل عن المتر المكعب ده لصالح الجران ماكس 100 الف و الدبابه 137 واعتقد ان الجران ماكس تمشى ب بنزين 80 عادى بشوفها فى المحطات بتعبيه بدون مشاكل .. هو نسبه انضغاط مخركها كام تعرف ؟؟


                        اما جزئية تعبئة الزيت فاول مره افكر فيها من خلالك ياريت خطوط وتفاصيل المشروع ده

                        مشروع التوابل فشل مع صديق وخسر خساره فادحه فيه


                        متابعك باهتمام بالغ

                        Comment


                        • #13
                          متابع انا كمان بعد اذنكم
                          [CENTER][URL="http://www.pylon-group.com/e-seb7a/"][B]أذكار وتسابيح للمسلم [/B][/URL][/CENTER]

                          Comment


                          • #14
                            التعبية
                            الاصول الثابتة
                            عدد 1 ادوس بمخرجين ممكن صاج والافضل استنالس بتكلفة تقديريه 12000
                            الصاج مجاف تقريبا 4 الى 5 الاف بس الاستنالس افضل علشان يتغسل لما تيجي تشغل ارز بعد سكر (تغير المنتج على نفس المعدة)
                            (الادوس ده عبارة عن حوض عريض او يانيو مثلا فيه من تحت محبسين يفتح ويقفل للتعبية)
                            عدد 2 محبس 2 بوصه نحاس * 150 جنية بحد اقصي
                            عدد 2 ميزان مؤشر * 400 جني تقريبا
                            عدد 1 ميزان ديجيتال صينى 30 كيلو ب 350 تقريبا
                            عدد 1 ماكين لحام قدم عرض 40 سم او 50 فى حدود 500 جنية
                            ترنس بالت (كلارك يدوى او فوركلفت) حموله 2 طن قريبا 3000
                            سلم حديد بارتفاع الادوس عموله قول 1000 جنية بالكتير
                            ( الاسعار دى من 4 سنين )

                            المساحة
                            السكر
                            الشيكارة (50 كيلو) بتنام على الارض بتاخد مساحه 70 سم تقريبا * متر وارتفاع 10 شكاير فوق بعض يعنى الطن بيبقي على رصتين يعنى لو جبت 5طن هياخدو مساحة 7 متر مريع تقريبا ويفضل يكون على بلتات سواء خشب او بلاستك او صاج ويفضل البلاستك وتقريبا بتكون بسعر 170 ل 200 عند مصنع خورشيد فى برج العرب
                            والانتاج التام يفضل رص طبلية كل طن على بلته لسهوله النقل والجرد خاصة ان مفيش عماله

                            مساحة العمل
                            الادوس عرض 2.5 متر طول 1.2 تقريبا ( بتفصل بمزاجك ) خلفة طرابيزة عرض متر للحام خلفة ماكينة لحام 50 سم خلفة طرابيزة متر للتغليف فى شرنك خلفة بالته لرص الانتاج
                            يعنى الاجمالى 2.5 متر * 6 متر تقريبا

                            طريقة العمل
                            يرفع السكر يدوي فى الادوس(ارتفاع 2 متر على الاقل) عامل او اللى بيعبي يقوم يرفع ويرجع تانى يعبي
                            عامل للتعبية والوزن ولو 2 عمال هتضاعف الانتاج
                            عامل للحام
                            عامل للتغليف ( الشرنك او الطرد)
                            لو 4 عمال مش هتقدر تعبي اكتر من 2 طن يومي (1 رفع + 1 ميزان+ 1 لحام + 1 شرنك)
                            ولو 5 يزيد الانتاج ل3 طن على الاقل (2 للميزان بدل 1)

                            الاوراق الرسمية
                            سجل تجارى وبطاقة ضريبية للنشاط
                            شهادات صحية للعاملين كلهم (لو عايز تمشيها رسمى او لو مكانك مكشوف على رجلين بتوع الصحة)
                            تصريح من الصحة بمزاولة النشاط ( وبياخدو عينات تتحلل من الحامات كلها من سكر واكياس ومعظمهم للاسف مرتشين)
                            علامة تجارية (يفضل اسم واحد علشان تسمع فى السوق بسرعه بعد كده على اسمين ثلاثة باسعار متفاوته علشان تاخد نصيب اكبر من السوق - شغل تسويق بحت )(بتاخد وقت كبير جدا بتخش في 9 شهور )(مكان تسجيل العلامات التجارية بالقاهرة اول مكرم عبيد العمارة اللى امام سيتى سنتر مش سيتى ستارز اللى فى احمد فخرى وتحتها على ما اتزكر بي تك ونوكيل اديدس)
                            وممكن يكون فى حاجة جديدة موصلتنيش
                            يفضل تشتغل شهر تشوف نفسك لو مشت امشي فى الاجراءات

                            بالنسبة للسيارة
                            لو جبت شفرولية مستعمل هيبق افضل من جران ماكس جديد بكتير
                            ولو على السعر هات نيسان ماكنة اكبر 2700cc وصيانتها اسهل من اى عربية تانية كفاية لما تفتح الكبوت هتلاقي كل حاجة قدامك الفلاتر وكاركه الجاز وفكها سهل لو دماغك حلو وغاوى زى حلاتى هتفكها انت وسعرها كويس وبيعها اسهل وتمنها فيها
                            الجران ماكس عفشتها متستحملش التحميل وماكنتها ضعيفة واللى بيحط 80 بيعدمها وفى الغالب بتكون عربيات شركات وعايز يوفر وعنده اللى يصلح فى الشركة واللى هتوفرة انت هتدفعة فلاتر ورداخ وتنضيف دورة البنزين بالاضافة انها مش هيبقي فيها عزم اساسا

                            الزيت
                            يدوى هتتكلف خزانات ومواسير وحنفيات وطرمبتين وتقريبا بتكلفة 30 الف وهتعبي 200 كرتونه تقريبا يوميا
                            لو اتوماتيك نفس الوضع هتشيل الحنفيات وتجيب ماكنة تعبية تصنيع محلي هتخش فى 120000 بس هتعبي كرتونه كل 4 ثوانى واللى يلاحق وراها بتخشلها فى 1000 كرتونه فى الوردية
                            ومكسب الزيت تقريبا بيخش فى 500 جنية لل 100 كرتونة اللى هما تقريبا طن (الطن 1000 لتر الزجاجة 880 جرام تقريبا * 12 زجاجة الكرتونة)
                            بالاضافة انك ممكن باضافة خامات بسيطه للزيت بيتحول لسمنه واشتغل

                            مشروع التوابل والمكسرات
                            ممكن يفشل مع حد وينجح مع غيرة زى التعبية زى اى مشروع فى الدنيا
                            كل مشروع وله ظروفة وكل فرد وله ظروفة
                            وخد عندك المعلومة دى انا جبت قبل كده لوز من العريش بسعر 6 جنية للكيلو وبيتباع فى اى مكان تانى 30 جنية على الاقل (لوز مر بقشرة بتاع حلويات مش حلو للاكل المباشر)
                            وعموما اللى بيفرق ويخليك تكسب فى اى مشروع للمواد الغذائية المصدر اللى بتشترى منه وسعره لكن البيع سهل

                            Comment


                            • #15
                              التعبية
                              الاصول الثابتة
                              عدد 1 ادوس بمخرجين ممكن صاج والافضل استنالس بتكلفة تقديريه 12000
                              الصاج مجاف تقريبا 4 الى 5 الاف بس الاستنالس افضل علشان يتغسل لما تيجي تشغل ارز بعد سكر (تغير المنتج على نفس المعدة)
                              (الادوس ده عبارة عن حوض عريض او يانيو مثلا فيه من تحت محبسين يفتح ويقفل للتعبية)
                              عدد 2 محبس 2 بوصه نحاس * 150 جنية بحد اقصي
                              عدد 2 ميزان مؤشر * 400 جني تقريبا
                              عدد 1 ميزان ديجيتال صينى 30 كيلو ب 350 تقريبا
                              عدد 1 ماكين لحام قدم عرض 40 سم او 50 فى حدود 500 جنية
                              ترنس بالت (كلارك يدوى او فوركلفت) حموله 2 طن قريبا 3000
                              سلم حديد بارتفاع الادوس عموله قول 1000 جنية بالكتير
                              ( الاسعار دى من 4 سنين )

                              المساحة
                              السكر
                              الشيكارة (50 كيلو) بتنام على الارض بتاخد مساحه 70 سم تقريبا * متر وارتفاع 10 شكاير فوق بعض يعنى الطن بيبقي على رصتين يعنى لو جبت 5طن هياخدو مساحة 7 متر مريع تقريبا ويفضل يكون على بلتات سواء خشب او بلاستك او صاج ويفضل البلاستك وتقريبا بتكون بسعر 170 ل 200 عند مصنع خورشيد فى برج العرب
                              والانتاج التام يفضل رص طبلية كل طن على بلته لسهوله النقل والجرد خاصة ان مفيش عماله

                              مساحة العمل
                              الادوس عرض 2.5 متر طول 1.2 تقريبا ( بتفصل بمزاجك ) خلفة طرابيزة عرض متر للحام خلفة ماكينة لحام 50 سم خلفة طرابيزة متر للتغليف فى شرنك خلفة بالته لرص الانتاج
                              يعنى الاجمالى 2.5 متر * 6 متر تقريبا

                              طريقة العمل
                              يرفع السكر يدوي فى الادوس(ارتفاع 2 متر على الاقل) عامل او اللى بيعبي يقوم يرفع ويرجع تانى يعبي
                              عامل للتعبية والوزن ولو 2 عمال هتضاعف الانتاج
                              عامل للحام
                              عامل للتغليف ( الشرنك او الطرد)
                              لو 4 عمال مش هتقدر تعبي اكتر من 2 طن يومي (1 رفع + 1 ميزان+ 1 لحام + 1 شرنك)
                              ولو 5 يزيد الانتاج ل3 طن على الاقل (2 للميزان بدل 1)

                              الاوراق الرسمية
                              سجل تجارى وبطاقة ضريبية للنشاط
                              شهادات صحية للعاملين كلهم (لو عايز تمشيها رسمى او لو مكانك مكشوف على رجلين بتوع الصحة)
                              تصريح من الصحة بمزاولة النشاط ( وبياخدو عينات تتحلل من الحامات كلها من سكر واكياس ومعظمهم للاسف مرتشين)
                              علامة تجارية (يفضل اسم واحد علشان تسمع فى السوق بسرعه بعد كده على اسمين ثلاثة باسعار متفاوته علشان تاخد نصيب اكبر من السوق - شغل تسويق بحت )(بتاخد وقت كبير جدا بتخش في 9 شهور )(مكان تسجيل العلامات التجارية بالقاهرة اول مكرم عبيد العمارة اللى امام سيتى سنتر مش سيتى ستارز اللى فى احمد فخرى وتحتها على ما اتزكر بي تك ونوكيل اديدس)
                              وممكن يكون فى حاجة جديدة موصلتنيش
                              يفضل تشتغل شهر تشوف نفسك لو مشت امشي فى الاجراءات

                              بالنسبة للسيارة
                              لو جبت شفرولية مستعمل هيبق افضل من جران ماكس جديد بكتير
                              ولو على السعر هات نيسان ماكنة اكبر 2700cc وصيانتها اسهل من اى عربية تانية كفاية لما تفتح الكبوت هتلاقي كل حاجة قدامك الفلاتر وكاركه الجاز وفكها سهل لو دماغك حلو وغاوى زى حلاتى هتفكها انت وسعرها كويس وبيعها اسهل وتمنها فيها
                              الجران ماكس عفشتها متستحملش التحميل وماكنتها ضعيفة واللى بيحط 80 بيعدمها وفى الغالب بتكون عربيات شركات وعايز يوفر وعنده اللى يصلح فى الشركة واللى هتوفرة انت هتدفعة فلاتر ورداخ وتنضيف دورة البنزين بالاضافة انها مش هيبقي فيها عزم اساسا

                              الزيت
                              يدوى هتتكلف خزانات ومواسير وحنفيات وطرمبتين وتقريبا بتكلفة 30 الف وهتعبي 200 كرتونه تقريبا يوميا
                              لو اتوماتيك نفس الوضع هتشيل الحنفيات وتجيب ماكنة تعبية تصنيع محلي هتخش فى 120000 بس هتعبي كرتونه كل 4 ثوانى واللى يلاحق وراها بتخشلها فى 1000 كرتونه فى الوردية
                              ومكسب الزيت تقريبا بيخش فى 500 جنية لل 100 كرتونة اللى هما تقريبا طن (الطن 1000 لتر الزجاجة 880 جرام تقريبا * 12 زجاجة الكرتونة)
                              بالاضافة انك ممكن باضافة خامات بسيطه للزيت بيتحول لسمنه واشتغل

                              مشروع التوابل والمكسرات
                              ممكن يفشل مع حد وينجح مع غيرة زى التعبية زى اى مشروع فى الدنيا
                              كل مشروع وله ظروفة وكل فرد وله ظروفة
                              وخد عندك المعلومة دى انا جبت قبل كده لوز من العريش بسعر 6 جنية للكيلو وبيتباع فى اى مكان تانى 30 جنية على الاقل (لوز مر بقشرة بتاع حلويات مش حلو للاكل المباشر)
                              وعموما اللى بيفرق ويخليك تكسب فى اى مشروع للمواد الغذائية المصدر اللى بتشترى منه وسعره لكن البيع سهل

                              Comment

                              Working...
                              X