10 % تخفيض جمركي جديد على السيارات المستوردة أول يناير

[AMG.cruze]

تبدأ مصلحة الجمارك فى اتخاذ إجراءات لتخفيض الجمارك على السيارات المستوردة من الاتحاد الأوروبى من أول يناير المقبل بنسبة 10% من قيمة الجمرك الحالى وفقا لبنود اتفاقية المشاركة المصرية الأوروبية،على ان تصل خلال عام 2019 الى صفر %.

وقال حمدى عبد العزيز رئيس غرفة الصناعات الهندسية، إن نسبة الجمرك على السيارات ذات المنشأ الاوروبى ستكون 20% بحلول العام الجديد.

وكانت الحكومة المصرية قد خاطبت الاتحاد الأوروبى لتأجيل التخفيضات المقرره خلال عام 2013 نظرا للظروف الاقتصادية التى مر بها الاقتصاد المصري خلال الفترة السابقة على أن يتم ضمها إلى التخفيض المقرر فى نهاية المدة.

وأشار عبد العزيز إلى أنه لا يوجد اتجاه لدى الحكومة للمطالبة بتأجيل التخفيضات مرة أخري كما حدث العام الماضى.
10 % تخفيض جمركي جديد على السيارات المستوردة أول يناير | المصري اليوم

[mhmd_farouq]

ياريت طبعا بس لا يمكن يتطبق في مصر مفيش تاجر هيرضا بالكلام ده، الا لو الناس اتجمعت مع بعض زي الرجاله، ما هو طووول مافي واحد بيدفع ١٦٠ الف في عربيه تمنها ميعديش ال ٥٠ الف يبقا نستاهل اللي بيحصل فينا

[عصير قصب]

ياريت طبعا بس لا يمكن يتطبق في مصر مفيش تاجر هيرضا بالكلام ده، الا لو الناس اتجمعت مع بعض زي الرجاله، ما هو طووول مافي واحد بيدفع ١٦٠ الف في عربيه تمنها ميعديش ال ٥٠ الف يبقا نستاهل اللي بيحصل فينا

ايه هى السيارات المستورده من الاتحاد الأوروبى؟؟؟؟؟

[M.Elwan]

ياريت طبعا بس لا يمكن يتطبق في مصر مفيش تاجر هيرضا بالكلام ده، الا لو الناس اتجمعت مع بعض زي الرجاله، ما هو طووول مافي واحد بيدفع ١٦٠ الف في عربيه تمنها ميعديش ال ٥٠ الف يبقا نستاهل اللي بيحصل فينا

لا حيخفضوا ومش عشان يخدمونا ولا انسانية لا خالص عشان في تجار خليجي عاوزين ينافسوا التوكيلات ، والتوكيلات عشان يقفلوا السكة علي الخليجي حيضطروا يخفضوا
يعني حرب بين تجار الخليجي والتوكيلات احنا حنستفيد منها بس المشكلة ان الدولار بيرتفع بشكل غريب
ده غير ان في ضريبة علي السيارات المستوردة ١٥٪ ورسم تنمية ٣٪ يعني ١٨٪ قبل ما نتكلم في جمارك

[AMG.cruze]

ايه هى السيارات المستورده من الاتحاد الأوروبى؟؟؟؟؟

هو الخبر بيقول هتبدأ مصلحة الجمارك فى أتخاذ الاجراءات من اول يناير, و بالنسبة للسيارات المستوردة من الاتحاد الاوربى عندك فى شوارع مصر لمبورجينى و فيرارى و بورش و مرسيدس و بى أم و روفر و بيجو رينو, فيه ماركات كتيرة و لو دخلت الجمارك هتلاقى حاجات كتيرة, و اللى معاه فلوس و عاوز يستورد هيجيب

[Bassem Youssef]

لا كتر خيرهم الصراحه يعني

تخفيض 10 % مره واحده علي العربيات الاوروبي اللي فين و فين حد بيشتريها ؟؟؟ :)))

طب اعملوا تخفيض علي العربيات الكوري و لا الياباني عشان يبقي مستهلكين كتير استفادوا فعلا

[M.Elwan]

لا كتر خيرهم الصراحه يعني

تخفيض 10 % مره واحده علي العربيات الاوروبي اللي فين و فين حد بيشتريها ؟؟؟ :)))

طب اعملوا تخفيض علي العربيات الكوري و لا الياباني عشان يبقي مستهلكين كتير استفادوا فعلا

السوق بيعتمد على المنافسة ولما بيكون فيه وكيل عنده عربية ذات منشأ اوروبى حيستغل التخفيض فى انه يعرف ينافس موديلات تانية فى نفس category بتاعة عربيتة وده حيؤدىى لحاجة من اتنين لو الفرق بين العربيات الاوروبى زاد قوى ممكن الناس تتجه للعبيات دى وشكل المبيعات فى السوق تتغير
والحل التانى لو الفرق مكانش كبير قوى بعد تخفيض الجمارك فممكن اصحاب التوكيلات الاخرى يخفضوا سعرهم بالفرق ده عشان يستمروا فى منافسة السيارات ذات المنشأ الاوروبى

[S O P H O S]

المشكلة اني عمري ما شوفت تخفيض حقيقي
علي سعر عربية
حتي تخفيض الشركات في رمضان بيبقي مغلي العربية قبلها بشهرين
ويعمل تخفيض المبلغ وبنشتري العربيات الاغلي فالدنيا !!

[mazen21]

يا قلت بس محدش كان راضي يسمع او يفهم

الى صاحب الموضوع اشكرك على الخبر والكلام ده انا باقوله من بدري والناس اصحاب المصالح هتفضل تكذب وتكذب الخ علشان يوهموا الناس ان مفيش تخفيض ويروحوا يشتروا بالسعر القديم قبل التخفيض

ويا ما قلت ان التخفيض بيحصل لكن شركات التجميع المحلي والتوكيلات بتضرب الفرق في جيبها

احنا مش لازم نسكت

العيب علينا ان احنا نبقى عارفين ان في تخفيضات ونروح نشتري العربية من غير ما نطلب من الشركة التخفيض

كمان هتلاقي ناس تقول لك في ضريبة مبيعات ومش عارف ايه طب ما هو على المحلي والمستورد نفس الضرائب والرسوم ببتطبق على الاثنين المفروض بقا ان المحلي يكون ارخص من المستورد مش الاقي المستوردة ارخص وكمثال الشارك وهى لا اوروبي ولا حاجة دي جاية من الخليج علشان تعرف ان التوكيل هنا حاطط هامش ربح بالعبيييط وقيس على كده باقي التوكيلات والشركات

معا ضد جشع التوكيلات

يمكن الرجوع للموضوع علشان تعرفوا اد ايه اتنبح صوتي واظ ايه كانت الناس بتعارض وخلاص

www.nilemotors.net/Nile/447647-2015.html

[Bassem Youssef]

السوق بيعتمد على المنافسة ولما بيكون فيه وكيل عنده عربية ذات منشأ اوروبى حيستغل التخفيض فى انه يعرف ينافس موديلات تانية فى نفس category بتاعة عربيتة وده حيؤدىى لحاجة من اتنين لو الفرق بين العربيات الاوروبى زاد قوى ممكن الناس تتجه للعبيات دى وشكل المبيعات فى السوق تتغير
والحل التانى لو الفرق مكانش كبير قوى بعد تخفيض الجمارك فممكن اصحاب التوكيلات الاخرى يخفضوا سعرهم بالفرق ده عشان يستمروا فى منافسة السيارات ذات المنشأ الاوروبى

اتمني حدوث ذلك :)

[مارينجوس الاول]

هي الجمارك برضو هاتنخفض لو واحد مغترب نازل بعربيته ( من منشأ اوربي )
جيتا مثلا
يعني لو نزل 2019 مايدفعشي اي جمرك عليها
ولا ده داخل مصر فقط ...؟

[mimohs]

ياجماعه احنا عايشين فى غابه وليست دوله وكله بيهبش من كله ومافيش قانون يحاسب حد, قطعة الغيار يكون تمنها جنيه التوكيل يبيعهالك ب 1000 جنيه واذا كان عاجيك, والمراكز المعتمده زى امير وجوزيف وعصام وصفا وباقى شلة النصب مافيش حد بيحاسبهم, انا ليا تجربه لسه امبارح لو سمعت كلام بتاع امير وجوزيف كنت دفعت على الاقل 8 الاف جنيه والحمد لله فى الاخر رسيت على 2500 جنيه...

[dovy999]

طب لما الجمارك تقل ١٠٪ ده حيقلل قد ايه من السعر الإجمالي للعربية ؟؟

[amr_8800]

الى صاحب الموضوع اشكرك على الخبر والكلام ده انا باقوله من بدري والناس اصحاب المصالح هتفضل تكذب وتكذب الخ علشان يوهموا الناس ان مفيش تخفيض ويروحوا يشتروا بالسعر القديم قبل التخفيض

ويا ما قلت ان التخفيض بيحصل لكن شركات التجميع المحلي والتوكيلات بتضرب الفرق في جيبها

احنا مش لازم نسكت

العيب علينا ان احنا نبقى عارفين ان في تخفيضات ونروح نشتري العربية من غير ما نطلب من الشركة التخفيض

كمان هتلاقي ناس تقول لك في ضريبة مبيعات ومش عارف ايه طب ما هو على المحلي والمستورد نفس الضرائب والرسوم ببتطبق على الاثنين المفروض بقا ان المحلي يكون ارخص من المستورد مش الاقي المستوردة ارخص وكمثال الشارك وهى لا اوروبي ولا حاجة دي جاية من الخليج علشان تعرف ان التوكيل هنا حاطط هامش ربح بالعبيييط وقيس على كده باقي التوكيلات والشركات

معا ضد جشع التوكيلات

يمكن الرجوع للموضوع علشان تعرفوا اد ايه اتنبح صوتي واظ ايه كانت الناس بتعارض وخلاص

www.nilemotors.net/Nile/447647-2015.html

اتفق مع حضرتك في موضوع الجشع بتاع التوكيلات والتجار

بس بختلف معاك في موضوع الشارك الي حضرتك بتقول انها جايه من الخليج انت حسستني انها متصنعه هناك صناعه سعودي مثلا

احب اوضح لحضرتك ان الجمرك ملوش دعوه العربيه جايه من فين هو بيبص على منشأ العربيه ايه وفي حالة الشارك هيبقا اليابان

ثانيا برضو المثال نفسو غلط يعني حضرتك نقيت ارخص عربيه ياباني في مصر الي هيا الهاي لاين بتاعتها ارخص من الكورولا
الفئه الاولى مثلا الي هى تركي

ورأيي الشخصي الخليجي عمرو ما هيضر الوكيل في حاجه لسبب بسيط ان الوكيلهو الي بيحدد سعر العربيه الرسمي وبعدين الخليجي بيبيع ارخص منو شويه

محدش يقنعني ان الوكيل هيسعر عربيه ب ١٨٠ الف ويجي حد من تجار الخليجي يبيعها ب ١٥٠ الف مثلا لان ببساطه هيعمل كده ليه وهو ممكن يبيعها ب ١٧٥ الف مثلا

المهم عشان ان طولت وانا اسف بس طول ما الوكيل هيسعر العربيه بجشع تجار الخليجي هيمشو في ديلو عشان هو يهمو الربح في المقام الاول
وبعدين برضو للاسف معظم العربيات الاروبي بذات الي عليها التخفيض ده زي vw مثلا لازم تيجي وكيل عشان مشاكل الفتيس dsg مثلا الكل هيدور على الضمان وكده

من الاخر وللاسف احنا تحت رحمتهم

[gade2]

الميه تكدب الغطاس