أول يناير 2019 ستكون الجمارك على السيارات الأوروبية فى مصر «صفر»

[AMG.cruze]

من الواضح ان الحكومة هتمشى فى موضوع الجمارك بسرعة الصاروخ, فالناس اللى عاوزة هتشترى عربية اوربية تقضيها تكسيات و تكاتك لاول يناير 2019
الحكومة تدرس خطوات خفض تدريجي لجمارك السيارات الأوروبية في يناير | المصري اليوم

[hossam_elwani]

ياراجل انت بتصدق كله ده نصب رسمى

[م أحمد]

فعلا ممكن تتلغى و تروح لجيب الحرامى اقصد الوكيل

[AMG.cruze]

ولو حصل و اطبقت, اللى معاه عربية دفع فيها دم قلبة هتبقى برخص التراب, لكن فى المقابل هتلاقى البلد مليانة اوربى, و الواحد يطلع بره يشترى العربية و يدخل يرخصها من سكات ولا مخالصة جمركية ولا حاجة

[2CODE]

الموضوع أكبر من كده بكتيرررر ومش زي ما انت متخيل

مفيش حاجة في البلد دي بتمشي صح صدقني !!! خليك فاكر كلامي او احفظ البوست دي عندي

هنشووووووووووووف في 1 يناير 2019 هبقى افكركم يا جماعة :)

[blazer]

انتو بتصدقوا؟؟؟؟

[amr011111]

الموضوع مش هيبقى سهل بالطريقه ديه لان البلد طرقها متستوعبش كمية العربيات الرهيبه اللى الناس هتشتريها لدرجه ان من كتر رخص العربيات وخاصة المستعمله فالشعب كله هيركب عربيات وده طبعاً حق طبيعى لكل مواطن بس البلد هتبقى جراج كبير وهتوصل سرعة العربيه فى المدن لصفر فهتيجى الحكومه تطلع اى سبب بحجة عدم وجود طرق تستوعب مل هذا الكم من السيارات

[ashouhdy]

حيتنفذ اكيد لان دي اتفاقية و مصر مجبرة تنفذها

لكن اتوقع ان الضرايب عليها والتراخيص تزيد بحيث انها لا تفرق .. والله اعلم

[ahmedazabreno]

يا رب ربنا يهديهم وينفزو حاجة لحسان الاسعار بقت فى العبيط

[ashrafwolf]

ياعني عايز تقولي ان العربيات الاستيراد الاوروبي هتكون ارخص من التجميع المحلي !
ولا انت عايز تقولي ان الوكلاء مش هيحطوا الفرق ده في جيبهم و يقولك اصل بقينا نجيب عربيات بخامات اعلي !
طب ليه 2019 ؟!
فكروني بجحا و الملك و الحمار
لما الملك سمع ان حمار جحا بيتكلم قام جابه
فجحا قاله سيبه عندك 20 سنه لحد لما ياخد عليك و هتلاقيه اتكلم عالطول
فلما سالوه الناس قالهم بعد 20 سنه ياما انا اموت ياما الحمار يموت ياما الملك يموت .

[midofox5]

الموضوع ده لو تم تطبيق حسب الكلام المصرح به من المسئولين هيكون على السيارات الاوروبى المستوردة من الاتحاد الاوربى فقط بمعنى اخر اللى فى اى دوله اوربية هو فقط اللى من حقة ينزل بسيارتة الاوروبيه من الدوله الاوربية بتلك الجمارك اما اللى فى السعودية او الكويت او الامارات و اشترى عربية اوروبية لا يطبق علية هذا القرار .

[yasser100]

و لكم فى سعر اللوجان 95000 جنيه ما نيوال و السانديرو 105000 ما نيوال و زيرو جمارك اسوة حسنه ههههه.

[AMG.cruze]

الموضوع ده لو تم تطبيق حسب الكلام المصرح به من المسئولين هيكون على السيارات الاوروبى المستوردة من الاتحاد الاوربى فقط بمعنى اخر اللى فى اى دوله اوربية هو فقط اللى من حقة ينزل بسيارتة الاوروبيه من الدوله الاوربية بتلك الجمارك اما اللى فى السعودية او الكويت او الامارات و اشترى عربية اوروبية لا يطبق علية هذا القرار .

لا لاااا الكلام دة مش صح, لان بلد منشا العربية ايه مش بلد شغل صاحبها, زى بورسعيد الراجل بيبقى فى بورسعيد و يبعت يجيب العربية اللى عاوزها من بره عن طريق واحد صاحبة, دة قرار عربية مش صاحب العربية يعنى لو اشتريت اوربى من الهند ملهاش دعوة, القرار لبلد المنشا للسيارة, طيب منا لو بشتغل خارج مصر و نازل أجازة اعمل ترانزيت فى ارخص بلد اوربى فى بيع اى موديل عربية و ارجع سايقها من هناك, المصرى لما بيشغل دماغة بيخربها, و هنروح اوربا ليه المكاتب فى بورسعيد على قفا مين يشيل طلعة بورسعيد و يطلب العربية اللى عاوزها او ادخل المنطقة الحرة مكان الهنجر الف و اختار اللى عاوزة و اطلع بيها ولا معاقين ولا اى مشكلة مع العلم ان المنطقة الحرة حاليا بتنزل موديلات السنة

[midofox5]

لا لاااا الكلام دة مش صح, لان بلد منشا العربية ايه مش بلد شغل صاحبها, زى بورسعيد الراجل بيبقى فى بورسعيد و يبعت يجيب العربية اللى عاوزها من بره عن طريق واحد صاحبة, دة قرار عربية مش صاحب العربية يعنى لو اشتريت اوربى من الهند ملهاش دعوة, القرار لبلد المنشا للسيارة, طيب منا لو بشتغل خارج مصر و نازل أجازة اعمل ترانزيت فى ارخص بلد اوربى فى بيع اى موديل عربية و ارجع سايقها من هناك, المصرى لما بيشغل دماغة بيخربها, و هنروح اوربا ليه المكاتب فى بورسعيد على قفا مين يشيل طلعة بورسعيد و يطلب العربية اللى عاوزها او ادخل المنطقة الحرة مكان الهنجر الف و اختار اللى عاوزة و اطلع بيها ولا معاقين ولا اى مشكلة مع العلم ان المنطقة الحرة حاليا بتنزل موديلات السنة

اخى العزيز كلامك صح نظريا لكن الفعل غير كدة
التخفيض على السيارات الاوربية المستوردة من الاتحاد الاوروبى
و بعدين اكيد فيه شروط لتنظيم العمليه يعنى مش بالساهل واحد يوصى واحد يشترى عربية و يدخلها و بعدين يخدها منة
ولا واحد يعمل ترانزيت فى اى دوله اوربية و يرجع بيها على اساس ان مافيش فاتورة بيشفوها انت شاريها منين
على العموم
ننتظر و نشوف هتكون ازاى و الشروط ايه
بس لحد دلوقتى التخفيضات على السيارات المستوردة من الاتحاد الاوروبى فقط
اتمنى انى اكون غلطان بس هى ديه الحقيقة اللى موجودة دلوقتى

[midofox5]

انا هحكيلك على مثل تلك النظم فى دوله اخرى

فى تونس

لا توجد جمارك على السيارات و لكن فيه شروط

1- التونسى الذى يريد ادخال سيارة للبلاد لابد ان يكون قد قضى سنتان سواء متواصلين او متقطعين خارج البلاد
2- لادخال السيارة للبلاد حقيقى لا تدفع جمارك عليها ولكن لا تستطيع ان تبيع السيارة لمدة 10 سنوات
3-لا يحق للفرد سوى ادخال سيارة واحدة
4- اذا اردت بيع السيارة يتم دفع ضريبة 25 % من سعر السيارة