رأيكم بالنسبة لأول سواقة

[semo911]

ياجماعه اريد رأيكم انا فى حيرة شديده
ان شاء الله هسوق عربيه لاول مرة
امكانياتى 40 الف
محتارة اجيب 128 اتعلم فيها فترة كام شهر ولا سنه وان شاء الله ابقى اغير حاجه احسن
ولا اجيب مستعمب نضسف زى الانوس 2000 او 2001
ولا اجيب عربيه جديده بالقسط اسبرانزا a113 او التو ؟؟؟؟؟؟؟؟؟؟؟
انا مش عايزه عربيه تعطل بيا لانى سيده ومعايا اطفال
وكمان خايفة اجيب حاجة كبيرة اوووو جديدة وتتخبط منى فى اول سواقة
فى ناس كتير بتقول اول سواقة دى فيها تخبيط كتييييييير
وناس بتقول لا مش شرط فى ناس بتركب جديد اول سواقة ليها
وفى ناس بتقول لا هاتى عربيه تريحك من الاول
تنصحوووووونى بايه؟

[georgedada82]

نصيحة 128 و 127 ولادا والكلام ده ... فقدت خلاص ميزة ان تصليحها بفلوس قليلة ... حاجاتهم بقيت غالية وعمرها خلاص انتهي ... نصيحة خليكي في عربية مثلا صغيرة في الاول زي ماروتي او التو موديل عالي شوية هتبقي في العشرينات هي يعيبهم بس الشنطة ضيقة بس موفرة ومفيهمش مشاكل ووجع دماغ القديم وممكن بعد كده تبعيها وسوقهم موجود وتجيبي حاجة بعدها تكون افضل ... او تجيبي حاجة زي لانوس استعمال نضيف برضو هيكون افضل لكن العربيات القديمة دي صداع اوي بغض النظر عن اللي هيركبهم واحد او واحدة

[semo911]

نصيحة 128 و 127 ولادا والكلام ده ... فقدت خلاص ميزة ان تصليحها بفلوس قليلة ... حاجاتهم بقيت غالية وعمرها خلاص انتهي ... نصيحة خليكي في عربية مثلا صغيرة في الاول زي ماروتي او التو موديل عالي شوية هتبقي في العشرينات هي يعيبهم بس الشنطة ضيقة بس موفرة ومفيهمش مشاكل ووجع دماغ القديم وممكن بعد كده تبعيها وسوقهم موجود وتجيبي حاجة بعدها تكون افضل ... او تجيبي حاجة زي لانوس استعمال نضيف برضو هيكون افضل لكن العربيات القديمة دي صداع اوي بغض النظر عن اللي هيركبهم واحد او واحدة

طيب تمام يعنى الافضل ابعد عن ال128
لاسف كل الالتو فوق ال30 مفيش حاجه عشرينات خالص الماروتى ناس كتير بيقولوا ابعدى عنها

طيب دايو ماتيز ايه رايكم فيهاااااااااا

[shiko85]

حضرتك اشترى التو جديده بالتقسيط هتكون افضل طبعا من الـ 128 و 127 و بلاش اى عربيه موديل قديم لانها ممكن تسبب لحضرتك مشاكل زى انها تعطل فالطريق او يكون فيها عيب مش ظاهر وهكذا
لو فيه امكانيه زياده المبلغ شويه و تشترى لانوس مستعمله موديل حديث (2007 او اعلى) هيكون افضل طبعا و لو ده صعب حضرتك اشترى ماروتى موديل حديث شويه تتعلمى عليها و بعد كده غيرى لعربيه اكبر و ان شاء الله مش هختسرى كتير وقت البيع

[semo911]

حضرتك اشترى التو جديده بالتقسيط هتكون افضل طبعا من الـ 128 و 127 و بلاش اى عربيه موديل قديم لانها ممكن تسبب لحضرتك مشاكل زى انها تعطل فالطريق او يكون فيها عيب مش ظاهر وهكذا
لو فيه امكانيه زياده المبلغ شويه و تشترى لانوس مستعمله موديل حديث (2007 او اعلى) هيكون افضل طبعا و لو ده صعب حضرتك اشترى ماروتى موديل حديث شويه تتعلمى عليها و بعد كده غيرى لعربيه اكبر و ان شاء الله مش هختسرى كتير وقت البيع

شكرا لحضرتك انا بشوف ارائك فى المنتدى وبثق فى كلامك

طيب ايه رايك فى الماتيز او الشيرى qq
كبديل للماروتى يعنى

[J A G U A R]

ممكن تجيبى ماروتى ب 25 الف هاتبقى حاله كويسه
عربيه سواقتها سهله وهتتعلمى عليها وعربيه مطلوبه ف البيع وبعد كده اقلبيها علشان حرام تجيبي زيرو وتخبطيها

[shiko85]

شكرا لحضرتك انا بشوف ارائك فى المنتدى وبثق فى كلامك
العفو, الشكر لله وحده
انا يسعدنى جدا ان ده يكون رأى حضرتك و متشكر جدا لثقه حضرتك فكلامى
طيب ايه رايك فى الماتيز او الشيرى qq كبديل للماروتى يعنى
مشكله الماتيز انها موديل قديم و مش رخيصه يعنى الجيد منها سعره يتراوح من 33 لـ 35 و الفرق بينها و بين لانوس نفس الموديل 5 او 6 فالحاله دى اللانوس افضل طبعا كفايه انها اكبر و اوسع و سى سى اعلى و قطه غيارها منتشره اكتر
الشيرى انا مش عارف عنها معلومات كتير تخيلنى اقدر اقيمها فالأفضل ان حضرتك تسألى عنها فقسم الصينى و تشوفى الموضوعات السابقه و كلام ملاك العربيه عنها و بعد كده تحددى اذا كانت مناسبه ولا لأ
الميزه فالماروتى انها منتشره جدا و قطع الغيار متوفره و سهله فالصيانه و ان شاء الله تلاقى عربيه جيده
لكن انا بكرر كلامى لحضرتك الأفضل التو زيرو لان المستعمل فيه مشاكل و علشان تلاقى عربيه جيده محتاجه وقت شويه و مجهود كمان خصوصا ان المنتشر حاليا هو انعدام الضمير و اعتقاد ان النصب و الغش شطاره
و فكره ان العربيه فمرحله تعليم السواقه بتتخبط كتير فالعربيه بتتخبط و هى مركونه كمان و بتتخبط من ناس بتسوق من سنين و بتتخبط و هى واقفه فأشاره و ..... و .... و لو فكرنا فموضوع الخبط ده مفيش حد هيشترى عربيات خالص
الحافظ هو الله سبحانه و تعالى

[pepo2011]

طبعا انا مع راي الاستاذ شيكو - بلاش 127 - 128 خاااالص وابعدي عن الماااتيز والصيني عربيات فاشلة وغالية حاجتها غالية -

يا تركبي التو او ماروتي موديل حديث ونضيفة او زيرو - او تركبي لانوس علي طول وبالتوفيق المهم انك تختاري بعناية وعدم الاستعجال لانها ممكن يكون فيها عيب يظهر بعد شهر او اتنين

[amr011111]

اى حاجه زيرو التو او a113
وهتأمنى عليها وحتى لو اتخبطت هتتصلح على حساب الوكيل
انما المستعمل كل يوم عطله شكل

[pepo2011]

ماتنسيش طبعا الكيا برايد العصفورة او السيدان مش هاتفرق 2 حجمهم مناسب جدا وعربيات كويسة بس برضو لازم تكون حالتهم كويسة اوي

[semo911]

شكراااااا جزاك الله خير

[semo911]

شكراااااا جزاكم الله خير جميعاااااااا

[Ahmed Tarek 00]

من رأيي الألتو هتبقى مناسبة هيا و a113