اين تباع مساعدين مونرو؟

[mahmoud.69]

السلام عليكم ورحمه الله وبركاتة
انا عايز اعرف فين اماكن الموزعين المعتمدين لمساعدين المونرو
انا بحثت في النت طلع ليه موضوع قديم من 2011 واتصلت بكل النمر محدش بيرد والنمر الي ردت لقيتة توكيل غبور
وهل لو توكيل مونرو مبقاش موجود في مصر انا معاية اوبترا أشتري جي ام وخلاص ممكن اشتري جي ام امامي وخلفي احط kyp علي اساس انها نشفة وايه افضل نوع مساعدين للأوبترا

[مواطن مصرى]

توكيل مونرو فى مصر هو غبور ..

منافذ البيع : ش شبرا بجوار السنترال - وسط البلد ش عماد الدين - المهندسين ش احمد عرابى - فيصل الاريزونا

الموزعين المعتمدين من غبور : فى التوفيقيه - وسط البلد : لهيطه - البنا

[Omar Mahmoud]

متحطش تشكيلة من نوعين مختلفين
توكيلها غبور ده لمساعدين مونرو
المساعدين الامامي مسئولة عن ميل العربية في الملفات... الخلفي مسئولة عن ثبات ضهر العربية في الملفات

[Hosam_Optrawy]

الموزع المعتمد هشام لهيطه عنوانه 10 ش زكى التوفيقيه

جبت من عنده مساعدين اوبترا امامى ب 600 جنيه الكلام دا من سنه ونص

كلمه الأول قبل ماتروح وشوف موجودين ولا لأ وبكام

25755359

[hugan]

المونرو افضل وانضف مساعد في مصر حاليا
ليهم فرع باشتري منه في شارع شبرا
قبل اشاره الخلفاوي
علي اليمين وانت جاي من المظلات

[Elkordy2000]

المونرو بعد شهر استخدام هيهبط لان الاوبترا تقيله .. خليك في ال kyp افضل بكتير للاوبترا وهي مش ناشفه زي ما انت متخيل بالعكس انا حسيت انها انعم من الgm

[ahmedamgad18]

متابع

[mahmoud.69]

المونرو بعد شهر استخدام هيهبط لان الاوبترا تقيله .. خليك في ال kyp افضل بكتير للاوبترا وهي مش ناشفه زي ما انت متخيل بالعكس انا حسيت انها انعم من الgm

كلام عن تجربة ولا ايه ؟
وكمان هاتهبط ايه المساعد هيضرب ولا ايه مش فاهم ؟

[carrier]

ابو عصام
اللى ش مجلس الشعب ( الامة )

[Elkordy2000]

كلام عن تجربة ولا ايه ؟
وكمان هاتهبط ايه المساعد هيضرب ولا ايه مش فاهم ؟

من حوالي شهرين كنت بغير المساعدين وكنت ناوي علي المونرو او الماندو وبعدين المهندس هاني في سبيد سيرفيس قالي الكلام ده وكمان اعضاء هنا قالوا نفس الكلام والاراء كانت متجه الي ال kyb وبصراحه هي لغاية الان حلوه ومش حاسس بفرق عن الاصلي

[mahmoud.69]

من حوالي شهرين كنت بغير المساعدين وكنت ناوي علي المونرو او الماندو وبعدين المهندس هاني في سبيد سيرفيس قالي الكلام ده وكمان اعضاء هنا قالوا نفس الكلام والاراء كانت متجه الي ال kyb وبصراحه هي لغاية الان حلوه ومش حاسس بفرق عن الاصلي

طيب انا سامع ان kyp بقو مضروبين من العفشجي الي هركب عندة المساعدين قالي هات الاصلي او المونرو انا كدة بقيت في حيرة انتا جايب ال kyp بكام ومنين ?

[mesaharaty]

متابع

[Elkordy2000]

طيب انا سامع ان kyp بقو مضروبين من العفشجي الي هركب عندة المساعدين قالي هات الاصلي او المونرو انا كدة بقيت في حيرة انتا جايب ال kyp بكام ومنين ?

انا اشتريت من الحرفيين من محل اسمه الدوليه في شارع المرسيدس ب 1300 جنيه الاربع مساعدين من ناحية بقا اصلي ولا مضروب انا ركبتهم عند المهندس هاني في سبيد سيرفس وهو لم يعلق عليهم فمسألة اصلي ومضروب مش هقدر افيدك فيها

[kingtoute2]

عندى اوبترا 2010 مانيوال من الزيرو ووبتاكل بنزين (180 / صفيحة) فيا ترى هى كده ولا ليها حل ؟