ارجو مساعدة فى تغير اللون و اثباتة فى المرور

[soundjammer]

يا جماعة معلش هزعجكم شوية :d انا لسة شاري عربية و صاحبها عملي عقد مسجل فى الشهر العقاري و انا ممضتشي مشتري عشان الرخصة فيها سنة اكملها يعني و دلوقتي انا بعمل العربية سمكرة و دوكو و هغير اللون ان شاء الله هقدر كده اروح المرور بالرخصة و العقد و اغير اللون فى الرخصة و لا لآ لازم اغيرها بأسمي الاول ؟ ايه الصح اللي اعمله يعني و لا اعملها نفس اللون و اريح دماغي ؟ معلشي طولت عليكم ;)

وسؤال اخير معلش اللون هيفرق جامد فى الشكل ما بين ميتالك و عادي و ايه فرق السعر بين الاتنين يعني لو عادي بي 1000 ميتالك هتبقى بكام ؟

[soundjammer]

حد يعبرني :d

[velkouf]

ان شاء الله بعد ماتخلص سمكرة و دوكو هتروح المرور ترخص و انت بتفحص هيكتبلك اللون الجديد
و هيتثبت على الرخصة

[Abo_Mazen]

نصيحه أخويه ..ما تغيرش لون ...سيب العربيه على لون الفبريكه بتاعها ..مش هقولك عشان ده يعيبها لما تيجي تبيع والكلام ده ..لكن هقولك في الظروف الامنيه القذره اللي احنا فيها دي وبعد قرار منع استيراد السيارات النص بقى فيه فوبيا في المرور من العربيات اللي مغيره نص ...وممكن مهندس الفحص في المرور يطلسم منك في المرور وتطلع في دماغه ان العربيه دي مغيره نص ..حصلت مع واحد في فيرنا وفي سيينا ..بتاع الفيرنا قعد يحايل المهندس ويفهمه ويقنعه ويخربش في كذا حته في العربيه عشان يقنعه ان العربيه مش مغيره نص وفي الآخر عدت ..وبتاع السيينا راح فحص في مرور تاني ..بالواسطه طبعا...ياعم لا تغير لون ولا تعمل ..تغيير اللون كإجراءات في المرور عادي ..لكن في الظروف دي ..مش عادي

[soundjammer]

نصيحه أخويه ..ما تغيرش لون ...سيب العربيه على لون الفبريكه بتاعها ..مش هقولك عشان ده يعيبها لما تيجي تبيع والكلام ده ..لكن هقولك في الظروف الامنيه القذره اللي احنا فيها دي وبعد قرار منع استيراد السيارات النص بقى فيه فوبيا في المرور من العربيات اللي مغيره نص ...وممكن مهندس الفحص في المرور يطلسم منك في المرور وتطلع في دماغه ان العربيه دي مغيره نص ..حصلت مع واحد في فيرنا وفي سيينا ..بتاع الفيرنا قعد يحايل المهندس ويفهمه ويقنعه ويخربش في كذا حته في العربيه عشان يقنعه ان العربيه مش مغيره نص وفي الآخر عدت ..وبتاع السيينا راح فحص في مرور تاني ..بالواسطه طبعا...ياعم لا تغير لون ولا تعمل ..تغيير اللون كإجراءات في المرور عادي ..لكن في الظروف دي ..مش عادي

تمام متشكر جدا لحضرتك بس استفسار اخير هي لونها كحلي انت شايف ايه الافضل ليها يعني اني يبقى لونها كحلي عادي و انا كده كده هعمل فيها شغل ستيكر و الكلام ده و لا اعملها ميتالك بس كحلي برده ؟

[Omar Mahmoud]

تمام متشكر جدا لحضرتك بس استفسار اخير هي لونها كحلي انت شايف ايه الافضل ليها يعني اني يبقى لونها كحلي عادي و انا كده كده هعمل فيها شغل ستيكر و الكلام ده و لا اعملها ميتالك بس كحلي برده ؟

الستيكؤ مخالف

[Abo_Mazen]

تمام متشكر جدا لحضرتك بس استفسار اخير هي لونها كحلي انت شايف ايه الافضل ليها يعني اني يبقى لونها كحلي عادي و انا كده كده هعمل فيها شغل ستيكر و الكلام ده و لا اعملها ميتالك بس كحلي برده ؟

بص هو الميتالك عيبه الوحيد إنه ما بيترقعش ..يعني لو حته إتخربشت في الباب أو الرفرف ممكن تضطر ترش القطعه كامله ..اللي هي الباب أو الرفرف عشان مش هينفع تلقط فيه حته آه وحته لأ..غير المط بقى ..عادي ..ممكن يتلقط مفيش مشاكل..غير كده الميتالك بينور العربيه وبيخليها بروقروق