الى من يشكون نيسان صنى والتوكيل - لاعزاء للمصريين

[Ashraf_Ashraf]

هذا ماحدث فى جده مع توكيل نيسان وانا من ساعتها عمال اضحك وابكى على حالنا وحال اصحاب التوكيلات فى مصر

» عاااجل وزارة التجارة تغلق وكالة الحمراني لسيارات نيسان بجدة بسبب الأسعار والموصفات

كشفت وزارة التجارة والصناعة – اليوم الأثنين – أنها أغلقت وكالة الحمراني (وكيل سيارات نيسان بجدة).

وأوضحت الوزارة أن قرار الإغلاق جاء بسبب عدم تجاوب الوكالة مع شكاوى المواطنين، وعدم وجود الأسعار والمواصفات على أغلب السيارات.

وتحذر جميع وكلات السيارات أنها لأن تتهاون في تطبيق النظام في حقهم أذا لم يوكبو أسعار خام برنت وقيمة المركبة في الوقت الحالي

حيث أن أرتفاع السيارات كان بسبب وصول خام برنت ألي 140 دولار أما الأن فهو بـ 50 دولار وعليه يجب أن تنزل أسعار السيارات ألي 40% من قيمتها الحالية

سبق لوزارة التجارة ونزل في سعر الجيوب ( الجيب يعنى )من 233 الي 187 الف
وسلم لى على حمايه المستهلك وعلى المستهلك اصلا

[Mohamed.Ramah]

أولاً احب اوجة تحية تقدير واجلال لحكومة المملكة العربية السعودية على مبارداتها المستمرة وخدماتها المحترمة للمواطنين واحترام شعبها ..

وتعليقى على الخبر ان فى السعودية بيتقو ربنا عكس هنا طالما كلة بيشغل كلة والخير بيعم على ناس معينة يبقى الناس مهما تتكلم ولا تشتكى محدش حيعبرها مش حنقول غير حسبى الله ونعم الوكيل فى كل من ظلم واكل على الناس حقوقها او كان بايدة حل ومشى امورة علشان فلان وعلان منهم لله جميعاً .. الناس برة بتشتكى من اسعار عربياتها فى السعودية والامارات غالية واجى اقارنها باسعار مصر الاقيها ازيد بمراحل ومواصفات اقل ! ودة نبذة بسيطة لعربية من عربيات شركة نيسان فى مصر :

اسعار نيسان صنى 2015 فى الامارات اليوم التم تقليل سعرها 1000 درهم لاول فئة و6000 درهم لاعلى فئة

تبدأ من 45,000 درهم اتوماتيك بما يساوى 87.600 جم تباع فى مصر مانيوال 107.000 جنية

ثانى فئة 48.300 درهم بما يساوى 93.000 جم تباع فى مصر ب 112.000 جنية

ثالث فئة 54.000 درهم بما يساوى 104.000 جم تباع فى مصر ب123.000 جنية !

أسعار نيسان صنى 2015 فى السعودية /

اول فئة 47.000 ريال اتوماتيك بما يساوى 88.650 جم
ثانى فئة 50.000 ريال بما يساوى 94.300 جم
ثالث فئة 56.000 ريال بما يساوى 105.600 جم

احنا ازيد منهم اوبشن لاء هل احنا بنستوردها متقفلة فى الخارج لاء هل نفس المواصفات والتجهيزات لاء هل تخلو من عيوب التصنيع لاء وبتتقفل محلى ومع ذلك اغلى بمتسوط 22.000 جم لاول فئة و 19.000 جم لاعلى فئة من السعودية والامارات !! ودة لعربية بمواصفات زى دة عربية مدينة 1400 سى سى تخلو من اى رفاهيات فيها الاساسيات فقط !

[ahmedelrayan]

الله المستعان

[خالد دياب]

مقدرشي اقول غير حسبي الله ونعم الوكيل علشان كده سعر المصري بيرخص يوم عن يوم علشان هو رخص نفسه مين بقى هيغليه

[drcobra]

يا عزيزى كلنا لصوص

[Bassem Youssef]

علي كده المفروض غبور يتضرب بالنار

[aymanshebl]

كل اللى فى البلد يضرب بالنار هههههههههههه

[hugan]

علشان المصرييين من الاثرياء
اهه والله
احنا بنتعامل معامله الاثرياء وكبار الارجال الثروه
لما الاسعار عندنا اضعاف اضعاف اضعاف الدنيا كلها
نبقي اكيد من الاثرياء

[memo_p910]

انا رحت كنسلت حجز الجراند اي تن بعد ما عرفت ان سعرها بره بما يساوي 70 الف جنيه بوسائل الامان كامله في حين ان غبور شايل كل وسائل الامان وبيبعها ب 108 الف وبيقول هاتغلى كمان
طب تغور الهيونداي من وشك ياغبور

ده غير في اهرام الجمعه اللي فاتت قال ايه غرفة الصناعه بعتت توصيات للحكومه برفع ضريبة المبيعات علشان تعوض الجمارك اللي هاتنخفض علشان حماية الصناعه الوطنيه طب هاتحموها لغاية امتى مش كفايه نهب لحد كده