سؤال بخصوص ادوات اصلاح خدوش السياره

[Ahmedvero]

ياريت يا جماعه في البدايه مع احترامي لكل الاعضاء
الاجابه تكون عن تجربه لان مش بقتنع بكلام الناس اللي بتحتقر الحاجه من اول النظر او الستخفاف بفكره الجهاز
في البدايه اي رايكم في قلم ازاله الخدوش fix it pro
مع العلم الخدوس بسيطه جدا ومش عميقه ورفيعه مش واسعه

[IMG][/IMG]


الحاجه التانيه الاله دي بتاعه فرد انعواج السياره pop-a-dent-car-dent-repair-kit

[IMG][/IMG]

وانا بعتذر عن اسلوبي في التعبير عن اللي انا عايزه واتمني محدش يزعل من كلامي
شكرا للجميع

[eslam atia]

معاك حق في اللي قولتة
معظمنا ميعرفش حاجه عن الحاجة المعروضة بس لازم نفتي فيها
واتمني انها تكون حاجه كويسة

[aymanshebl]

متابع

[mohbasyouni]

انا جربت fix it pro اشتريته من سوق دوت كوم السعودية و كان سيى جدا ماثرش على اى خدش عميق او سطحى

[Ahmedvero]

انا جربت fix it pro اشتريته من سوق دوت كوم السعودية و كان سيى جدا ماثرش على اى خدش عميق او سطحى

خالص خالص ولو باي نسبه حتي 50 40 30 اي حاجه مفيش خاالص :(

[Elawany13]

عندى القلم وجربته وطلع نصب فى نصب مبيعملش اى حاجه

[م/أحمد عبد الفتاح]

من فترة أنا كنت برة مصر وشفت الإعلان بتاعه على التلفزيون نزلت إشتريته فى ساعتها (فيه منه بيبقى بلون العربية) وأنا قدام المحل جربته على خرابيش صغيرة وخرابيش كبيرة ولا الهوا - بالعكس عمل زى خط مطفى يبان من بعيد يعنى وضح المنطقة المتخربشة جداً لأنك من قريب حاتحس إنه يعنى احسن شوية بس لما تبعد عن العربية بتشوف الحقيقة المرة أكن عيل صغير شخبطلك بقلم فلوماستر على العربية ـ وأخدت وقت على ماطلعت.
أحسن حاجه أنا باعملها للخرابيش الصغيرة إللى فى حتت عدله فى العربية (مش سوك يعنى) بأستخدم اللمعة بتاعة الدوكو الخشنة وبعدين اللمعة الناعمة بتجيب نتيجة هايلة وكمان بتنفع فى إزالة النغمشة من الفوانيس الأمامية.
أقولك كمان على حاجة بس محدش يضحك :)
لما تكون عربية حكت فيا وسابت لون على عربيتى باجيب فوطة صفرا من بتوع العربيات وابلها وأعوصها رملة من الشارع بس تكون رملة ناعمة وبعدين ادعك بيها مكان الحكة تصدق إن اللون بتاع الحكة بيطلع ولا كأن فيه حاجة حصلت وبعدين اديها لمعة دوكو ناعمة .

[drmagieed]

الفلم ده نصب من الطراز الأول وعندي ولوحابب ابعتهولك تجربه مافيش مشكلة!!!

[Ahmedvero]

من فترة أنا كنت برة مصر وشفت الإعلان بتاعه على التلفزيون نزلت إشتريته فى ساعتها (فيه منه بيبقى بلون العربية) وأنا قدام المحل جربته على خرابيش صغيرة وخرابيش كبيرة ولا الهوا - بالعكس عمل زى خط مطفى يبان من بعيد يعنى وضح المنطقة المتخربشة جداً لأنك من قريب حاتحس إنه يعنى احسن شوية بس لما تبعد عن العربية بتشوف الحقيقة المرة أكن عيل صغير شخبطلك بقلم فلوماستر على العربية ـ وأخدت وقت على ماطلعت.
أحسن حاجه أنا باعملها للخرابيش الصغيرة إللى فى حتت عدله فى العربية (مش سوك يعنى) بأستخدم اللمعة بتاعة الدوكو الخشنة وبعدين اللمعة الناعمة بتجيب نتيجة هايلة وكمان بتنفع فى إزالة النغمشة من الفوانيس الأمامية.
أقولك كمان على حاجة بس محدش يضحك :)
لما تكون عربية حكت فيا وسابت لون على عربيتى باجيب فوطة صفرا من بتوع العربيات وابلها وأعوصها رملة من الشارع بس تكون رملة ناعمة وبعدين ادعك بيها مكان الحكة تصدق إن اللون بتاع الحكة بيطلع ولا كأن فيه حاجة حصلت وبعدين اديها لمعة دوكو ناعمة .

يعني اي لمعه ناعمه وخشنه وبتتباع فين

[م/أحمد عبد الفتاح]

ده البولش اللى بتوع الدوكو بيلمعوا بيه العربيات عامل زى المعجون وبيتباع عند الناس اللى بتبيع البوية الدوكو بتاعة السيارات وفيه نوع خشن ونوع ناعم تجيب النوعين ومش غاليين مش حايعملوا ١٠ او ١٢ جنية - بتستعملها بقطعة من القطن وتضع المعجون بصبعك على المكان وبعدين تدعك بالقطنة لغاية متختفى المعجون وبعدين بقطنة تانية نضيفة تمسح الاثار حتلاقى العربية بتلمع - بس لو الخرابيش عميقة مش حتصلحها قوى . جرب مش حاتخسر حاجة

[Ahmedvero]

تمام

[Ahmedvero]

Up
.
.