تجربه شراء مساعدين من هشام لهيطة

[mahmoud.69]

السلام عليكم ورحمة الله وبركاتة
انهارضة رحت علشان اشتري مساعدين مونرو للاوبترا المهم رحت الوكيل المعتمد بتعاهم في شارع عماد الدين في وسط البلد المهم لقيت عنده امامي فقط وقالي الخلفي هيجي اخر الشهر المهم سئلتة السعر كام قالي 600 امامي و600 خلفي ومعاهم شهادة ضمان لمدة عام المهم قولت اروح عند لهيطة هو موزع معتمد ولقيته عنده المساعدين بس منغير شهادة ضمان وبي 700 جنية امامي و700 خلفي

يعني موزع معتمد تمام اكيد بتاخد المساعدين ب اقل من سعر السوق وبتبعها بي اغلي من الوكيل ازاي دة ؟؟؟

[J A G U A R]

كفايه اسمه

[احمد المصرى]

بس ممكن المساعدين يكونوا زيت فقد او زيت على غاز والسعر بيختلف طبعا ممكن يكون الاول زيت فقط والمحل التانى زيت على غاز علشان كدا في فرق فى السعر

[akmm]

بس ممكن المساعدين يكونوا زيت فقد او زيت على غاز والسعر بيختلف طبعا ممكن يكون الاول زيت فقط والمحل التانى زيت على غاز علشان كدا في فرق فى السعر

السعر على حسب نوعيه المساعد للعربيه ... ميفرقش زيت او زيت وغاز او غاز فقط ...... الا لو كان المساعد رياضى وآخر عادى .

[Karim_Monir]

لا السعر بيختلف فعلا من مساعد زيت على غاز لمساعد غاز بس
شوف الكلام ده في ال kyb لما كان معايا الكرولا
وسعر الدولار زاد جدا اللي بيشتري دولارات بصفه مستمره عارف ده الشهر اللي فات كان سهر اجيب دولارت ب 7.5 النهاردة مش عارف اجيبه ب 7.9
40 قرش فرق في الدولار تخللي معظم التجار يستفيدو بفرق السعر ده

معذرة اللي انت عملته ده تشهير لانهع مسرقكش ولا باعلك حاجة مغشوشه هو رفع السعر نتيجة ارتفاع سعر العمله وانت في مصر متتوقعش انك تلاقي تجار محترمين ميغليش لما اعمله ترتفع
من فضلك غير العنوان لانه سهل يقاضيك بتشهير

[mahmoud.69]

استاذ كريم
انا لما رحت الوكيل قولت لهم عايز مساعدين غاز علي زيت قالي بي 600
رحت للموزع هشام لهيطة قولت له عايز مساعدين غاز علي زيت قالي 700 ولما قولت له بتهزر وشهم الدم جري منه قالي ليه هو في هزار في الشغل قولتلة ازاي ووكيلهم الي المفروض كسبان فيها بيبعهم بي 600 جنية وانتم بتبعوها بي 700 وموزع معتمد ازاي ؟؟؟
قالي كدة هيا بي 700 حتي اسلوب الرد لو نفترص ان الوكيل بيبعهم لي الموزع بنفس السعر للزبون العادي ودة استحالة الموزع بياخد القطع غيار بي سعر الجملة عكس الاستهلاكي الزبون يعني المهم خالينا نفترض انه واخدها بنفس السعر الي انا هاخدهم بيهم من الوكيل يبقا ايه الفرق بيني وبين الموزع المعتمد ؟ تاني شيئ حلال تكسب في المساعدين 200 جنية زيادة دة في شرع مين بنسرق ولا بنلاقي الفلوس

[akmm]

مع احترامى للجميع لما حبيت اشترى مساعدين للعربيه عندى مونرو ايضا من الوكيل بتاعهم بشارع مراد بالجيزه كان فيه النوعين زيت فقط وغاز على زيت ... ولما سالت عن السعر قال لى ان الاتنين سعر واحد وسبب تواجد النوعين ان فيه سائقين يفضلون الزيت فقط وغيرهم يفضلون الغاز على زيت لانه انعم للسياره ....... ولكن الاختلاف في اتلسعر للانواع الرياضيه فقط لشده قساوتها وتصنع بطريقه اخرى ومكنش عنده منها .... على فكره الوكيل ده لديه جهاز مركب عليه نوعين المساعدين علشان الزبون يختار النوع المناسب لسيارته .... لكن إرتفاع سعر الدولار ده شىء تانى خالص .

[Karim_Monir]

استاذ محمود
براحتك انا نبهتك انه ممكن يرفع عليك قضيه تشهير بسهوله واكيد انت وقتك مش هايسمح بزياره واحدة لمباحث الانترنت لو عمل فيك محضر تشهير
كفايه سخافه الاستدعاء والتحقيق
انا عملت اللي عليا وحذرتك
لان نفس اللي حصل لعضو قبل كدة من اربع سنين
تحياتي

[mahmoud.69]

استاذ محمود
براحتك انا نبهتك انه ممكن يرفع عليك قضيه تشهير بسهوله واكيد انت وقتك مش هايسمح بزياره واحدة لمباحث الانترنت لو عمل فيك محضر تشهير
كفايه سخافه الاستدعاء والتحقيق
انا عملت اللي عليا وحذرتك
لان نفس اللي حصل لعضو قبل كدة من اربع سنين
تحياتي

والله كل شيئ جايز
وانا عن نفسي مضحكش عليك وقتي مايسمحش في موضوع فاضي زي دة
وارجع واقول انا مالي
ياريت تمسح الموضوع وخلاص وعلي رأي المثل مافيش فايدة

[memo_p910]

في السعوديه التجار الغشاشين الحكومه كانت بتقفل لهم المحل وتعلق عليه يافطه للتشهير ولكي يكون عبره لمن يعتبر

[mahmoud.69]

في السعوديه التجار الغشاشين الحكومه كانت بتقفل لهم المحل وتعلق عليه يافطه للتشهير ولكي يكون عبره لمن يعتبر

لا احنا هنا الحمدالله والف الف مبروك

[Karim_Monir]

خلاص عدلتلك الموضوع ومفيش حاجة تدينك

[mahmoud.69]

خلاص عدلتلك الموضوع ومفيش حاجة تدينك

الله يباركلك يا رايسنا بجد انتا انسان محترم وزوق جدآآ
تحياتي لشخصك الكريم