إعـــــــلان

Collapse

.

,
See more
See less

مخالفة داخل جراجي!!

Collapse
X
 
  • Filter
  • الوقت
  • Show
Clear All
new posts

  • مخالفة داخل جراجي!!

    باختصار أنا اشتريت عربية لأختي تتعلم عليها بس جبتها بعقد ابتدائي ولحد ما الوسيط يجيب ليا براءة الذمة والرخصة ويعمل العقد أنا مرضيتشي أخرج بالعربية وركنتها في آخر الجراج ورا عربيتي وطبعا اتعطلنا كتير لغاية ما جابها علشان حالة الجو وأنا متابع المخالفة ادفعت ولا لأ على النت فعلا المخالفة ادفعت بس فوجئت بمخالفة جديدة نزلت على النت ...... هي عربيتي داخل جراجي الخصوصي ده مخالف !!!
    يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

  • #2
    وعجبي !!

    Comment


    • #3
      ساعات بيبقى فيه غرامات ع المالك القديم متأخرة...انت ممكن أصلا لما تيجى تجدد أول مرة تلاقى مخالفات قديمة...بس بتتشال لما تتظلم

      Comment


      • #4
        المشاركة الأصلية كتبت بواسطة محمد يوسف مشاهدة المشاركة
        ساعات بيبقى فيه غرامات ع المالك القديم متأخرة...انت ممكن أصلا لما تيجى تجدد أول مرة تلاقى مخالفات قديمة...بس بتتشال لما تتظلم
        بس حضرتك هو جاب لي شهادة مخالفات بنفس المبلغ اللي كان موجود على النت بعدها لقيت مبلغ تاني أقل من المبلغ المدفوع مسجل على النت

        اللي أعرفه إن براءة الذمة مش بتتجزأ في الدفع صح كده حضرتك؟؟
        يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

        Comment


        • #5
          أنا عايز أقولك إن أنا عليّ مخالفات أكتر من ابني :) تخيل ديه !!!
          و في أماكن ماروحتهاش قبل كدة و متسجل عليّ مخالفات هناك و رادارات عمري ما عديت منها خالص لقيتني لابس كام مخالفة و عادي يعني هي جات علي ديه :) !!!
          ربنا معانا كلنا في موضوع المخالفات ده و يسترها علينا !!!

          Comment


          • #6
            المشاركة الأصلية كتبت بواسطة dr\mohamed مشاهدة المشاركة
            بس حضرتك هو جاب لي شهادة مخالفات بنفس المبلغ اللي كان موجود على النت بعدها لقيت مبلغ تاني أقل من المبلغ المدفوع مسجل على النت

            اللي أعرفه إن براءة الذمة مش بتتجزأ في الدفع صح كده حضرتك؟؟
            فيه ساعات بيبقى فيه تأخير فى ارسال المخالفة من ادارتها..مثلا لو اتعملت بره القاهرة....براءة الذمة ماتمنعش نزول المخالفة لكن تنفعك انها تتشال من عليك عند التظلم

            كل ده طبعا لو افترضنا ان مافيش استهبال من عسكرى أو تلبيس مخالفات...يعنى مخالفات الباشوات اللى بتتشال ماتكونش اتوزعت ع الغلابة

            Comment


            • #7
              يا ساده ولا تأخير ولا حاجه
              الحكومة بتسرقنا علنا
              انا دخلت لقيت عليا مخالفات في اماكن انا مرحتهاش اساسا ومخالفات بقيمة 1500 جنيه
              حسبنا الله ونعم الوكيل
              [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
              [COLOR="Olive"]قال رسول الله صلى الله عليه وسلم :[/COLOR]
              [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

              Comment


              • #8
                بصراحة المخلفات بقت بشكل عشوائي
                صديق معاها ماروتي جاله مخالفة فبني سويف
                وهو عمره ما راح هناك اصلا ودفع بردوا

                Comment


                • #9
                  شكرا لحضراتكم
                  هدفع وخلاص والحمد لله إنها جت على قد كدا
                  والحمد لله على كل حال
                  يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                  Comment


                  • #10
                    هو ممكن أثبت إني أثناء وقت المخالفة كنت في الشغل مثلا بدليل دفتر الحضور والانصراف وإفادة من المستشفى بكده؟؟
                    ولا هيقولوا إن المخالفة على العربية نفسها وممكن حد غيري يكون هو اللي راكبها وعمل بيها المخالفة؟
                    يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                    Comment


                    • #11
                      ههههههههههه اكتر حاجه ضحكتنى العنوان لكن فى العموم تذاكر بوابات الطرق الصحراويه او الكارته او تذاكر الباركينج او ما شابه مهمه جدا للحالات اللى زى دى
                      فتح سابقا

                      Comment

                      Working...
                      X