اصلاح شروخ الزجاج عبارة عن فلوس بتترمى فى الارض

[Hacker5]

السلام عليكم ورحمة الله وبركاته
المفروض الواحد لما زجاج عربيته بيتشرخ اول حاجة بيفكر فيها انه يصلح الشرخ لعدم تغيير الزجاج كله بسبب شرخ صغير او كبير حتى
بعد التجربة فى اكتر من مكان فى اكتر من عربية مافيش حاجة بتتصلح !!
فى الاول الشرخ بيتعمل تمام و مش بيكون باين اوى لكن مع الوقت و وقت قليل كمان بيتدى يفتح و يسرح فى باقى الزجاج و مهما اروح اصلح تانى برضو بيسرح و مافيش فايدة لحد مازهقت و قولت اسيبه لحد ما يجيب اخره
انا جربت فى كذا مكان قولت يمكن الناس التانية تعبانين و مش عارفين شغلهم كويس و منهم اسماء كبيرة فى السوق و برضو فى الاخر نفس النتيجة و قررت انى مش هاصلح زجاج تانى بدل مانا عمال ادفع فلوس على الفاضى و فى الاخر مش بستفيد حاجة .

[pepo2011]

كلام حضرتك صح طبعا جدااااا دي سرفة ونصب عالفاضي

تضييع وقت وفلوس

[ENG.MaRk]

كلامك صح جداً و عندك حق بس مش معقول هأغيّر زجاج بالكامل علي حتة شرخ صغير ... الأفضل فعلاً إنك تسيبه يجيب آخره و ده مش هياخد وقت قليل

[hesham22]

عن تجربه حصل شرخ فى الازاز وافاد الفنى ان الشرخ هايكون مختفى بنسبة 60% وبعد الاصلاح رجع الشرخ تانى بدون اى نتيجه فعليه وكانت التكلفه 80 ج فى حين ان الازاز جديد ركبته ب320ج وزى الفل . فعلا الاصلاح فلوس اترمت على الارض

[S O P H O S]

في مبدأ فحاجات كتيرة بيقول
ان التصليح تضيع فلوس بلا فائدة

[hossamalsadik]

أنا صلحت شرخ فى الزجاج عندى من سنتين طوله حوالى 4 سنتى فى نصف الزجاج من فوق ولم يفتح وزى الفل
وكان عند دكتور خالد والتكلفه كانت 60ج وضمان 6 شهور

[M.Radwan]

أنا صلحت شرخ مرتين وكان تمام ومسرحش ولا حاجة، يمكن حضترك بتعمله عند ناس مش فاهمة!

[MuhamedNabil]

انا عندى تجربة ناجحة و تانية فاشلة
عملت شرخ رحت لواحد جم ابو شقر فى المرغنى عمل الشرخ اختفى بنسبة 90% و بقاله 3 سنين بس فى حاجة بقى العربية دى فيها عازل حرارى على الازاز و عموما اى فيلم بيتلزف على الزجاج بيدعمه بشكل كبير

التجربة التانية كانت عربية تانية و نفس الموضوع بس دى عملتها عند واحد فى اسكندرية فى قريب من محطة سيدى جابر و كان شغله وحش جدا مقارنة ببتاع المرغنى بس برده مسك نفسه شوية بس كان واضح قوى و فيحتت متمليتش بالسائل اصلا
بقاله سنة و نص بس ابتدى يزيد مؤخرا

[m.farouk]

بتاع المرغنى ده دكتور جريش وده كويس جدا وانا عامل عنده اكتر من 3 مرات فى نفس الزجاج ومفيش مشكلة خالص والشرخ لو كبير لازم بيعمل عند اخر حتة فية خرم بالشنيور وبيملة بالسائل علشان ميفتحش تانى خالص

[hon]

بتاع المرغنى ده دكتور جريش وده كويس جدا وانا عامل عنده اكتر من 3 مرات فى نفس الزجاج ومفيش مشكلة خالص والشرخ لو كبير لازم بيعمل عند اخر حتة فية خرم بالشنيور وبيملة بالسائل علشان ميفتحش تانى خالص

حضرتك اسمو دكتور خالد دكتور جريش مبيعملش شروح الزجاج

[hon]

بتاع المرغنى ده دكتور جريش وده كويس جدا وانا عامل عنده اكتر من 3 مرات فى نفس الزجاج ومفيش مشكلة خالص والشرخ لو كبير لازم بيعمل عند اخر حتة فية خرم بالشنيور وبيملة بالسائل علشان ميفتحش تانى خالص

حضرتك انا ليا تجربتين
الاولى عند دكتور خالد فى شارع الميرغنى من حوالى 6 سنوات كانت زلطة وعملت شروخ فى محيط دائرة ضعف حجم الجنية المعدن وفعلا شغل ممتاز والشرح اتنسى بمعنى الكلمة
التجربة الثانية منذ حوالى 3 شهور فى نفس لوح الزجاج الشعل بلدى مع ان التكلفة كانت مرتفعة بعد الفصال 70 جنية بالعافية ونيجى للشرخ المادة فعلا ابتدت تخف والشرخ ابتدى العمق بتاعة يبان وواضح تاكل المادة وفعلا متوقع انو فى وقت مش بعيد حيبقى عندى مشكلة
خلاصة الكلام د خالد هو المستورد للمادة الخام فى لحام الشروخ وبيبعها للمحلات الاخرى ودا الى عرفتو ووصل سعر المادة الخام اكثر من 2000 جنية للتر وبالتالى مع ارتفاع الاسعار اتجهت اغلب المحلات الا من رحم ربى الى تخفيف المادة الخام وبالتالى ضعف لحام الشروخ ومهما ما يسمى نصب فعلا اذا الى عايز يلحم شروخ الزجاج علية وعلى دكتور خالد فقط ولا يرمى فلوسه فى الارض تحياتى

[wael6]

انا جربت مرتين فى نفس الزجاج والحمد لله كويسين
يمكن على حسب الصنايعي ومهارته وضميره
لانى روحت لواحد قبله قالى الشروخ دى هترجع تاني وزى قلته ولازم تغير الازاز ككل
وروحت ولاحد آخر عملهم وزى الفل الحمد لله وذلك فى المنصورة

وربنا يسترها علينا وعليكم جميعا يارب
ويكفينا شر الاهمال والاذى بتاع الشعب الجميل بتاعنا

[Dr\Mohamed]

انا جربت مرتين فى نفس الزجاج والحمد لله كويسين
يمكن على حسب الصنايعي ومهارته وضميره
لانى روحت لواحد قبله قالى الشروخ دى هترجع تاني وزى قلته ولازم تغير الازاز ككل
وروحت ولاحد آخر عملهم وزى الفل الحمد لله وذلك فى المنصورة

وربنا يسترها علينا وعليكم جميعا يارب
ويكفينا شر الاهمال والاذى بتاع الشعب الجميل بتاعنا

ممكن حضرتك تقولي عنوانه فين بالظبط في المنصورة واسمه ايه؟؟
ضروري الله يكرمك

[mr_green]

دكتور خالد عن تجربتين - الشرخ ما شاء الله مابيرجعش

[alking_2006]

ممكن عنوان دكتور خالد بالتفصيل على الخريطة ؟