دعوة لنقااش (ليه المواتير الياباني صوتها اعلي من الكوري

[Mamoud salah H]

السلام عليكم

انا فيه سؤال دايما بيجي في بالي وعاملي روشة في دمااغي

ليييه دايما العربيات الكوري وبالاخص هيونداي وكيا اقصد الموديلات الحديثة 2008وطالع
ليه دايما صووت الموتور فيهم اهدي بشوية من العربيات الياباني نفس الموديلات وخاصة في السلانسيه تقريبا الكوري مش مسمووع حتي لو واقف جنب العربية وقدام الكبوت ودي انالاحظتا اكتر من مرة

يعني مثلا انا معايا مازدا 3 2008 وصاحبي معاه سيراتو 2010 المازدا اينعم صوتها هادي جدا لكن السيراتو احيانا بتفاجئ انها دايرة اصلا من كتر انها ملهاااش صوت
وعلي فكرة ابن خالتي معاه تيوتا افانزا 2008 وبرده السيراتو اهدي منه بشوية ملحووظين عشانانا عارف ان التيوتا عربياتها من كلام الناس هووووووووووس لا حس ولا خبر وبرده لانسر بومة 2007 صوتها اعلي بكتيير من السيرراتو

وليييه الكوري والياباني اهدي وانعم من الاوروبي بشكل عاااام والالماني بشكل خااص

وللعلم انا ركبت كل العربيات الي بتكلم عليهم وزيادة عليهم بالنسبة للاوروبي ميجان 2007ورينو كليو 2005 واوبل فيكترا 2003

الموضوع الغرض منه المناقشة والوصول لاكتر راي منطقي وعلم بدون مقارنات مين احسن وميين اوحش

[minicooper20]

غالبا السبب الرءيسى
ان الكاتينه فى اغلي اليبانى بتكون جنزير مش كاوتش
غير كده حاله العربيه بتفرق

[aymanshebl]

برده الكورى الكاتينة جنزير

[Omar2017]

متابع بإهتمام

[S O P H O S]

غالبا السبب الرءيسى
ان الكاتينه فى اغلي اليبانى بتكون جنزير مش كاوتش
غير كده حاله العربيه بتفرق

متفق معاك اعتقد ده سبب رئيسي

[Kareem Fawzy]

الكاتينة فى السيراتو الالنترا جنزير لاكن المتسوبيشي لانسر الكاتينة بتاعتها كاوتش عادي
بس طبعاً حالة العربية بتفرق انا عربيتي لما كانت تحت ال100 الف فعلاً مكنتش باخد بالى انها دايرة لدرجة انى كنت بدورها تاني وهى دايرة اصلاً
لاكن بعد ما عدت صوتها على وبقت ملحوظة

[akmm]

متابع .........................

[Mamoud salah H]

السيراتو 2010 جنزييير وكذلك المازدا بردو

المازدا بتعتي 115 الف كم واللانسر 178الف كم والسيراتو 45 الف كم
وحالات العريات دي كلها ميكانيكا وكهرباء نفس الحالة والتويوتا كذلك

[hugan]

غيار الزيت بيفرق

[J A G U A R]

فعلا انا لاحظت الموضوع ده
لدرجه ان معظم العربيات بقيت بعرفها من صوت ماتورها

[abohend]

المهم عندي العزل

اهم حاجة العزل
صوت الموتور ميفرقش بدل انا جوه الكابينة مش سامع الهوا

[Mamoud salah H]

فعلا انا لاحظت الموضوع ده
لدرجه ان معظم العربيات بقيت بعرفها من صوت ماتورها

طب كويس اني مش لوحدي عشان ك ما اسأل حد من اصحابي او اهلي يقولي بيهيألك

وانا اعتقد ان الموضوع دة ملوش علاقة بان السير جنزير او كاوتش لان حاليا ياباني اوكوري الاتنين جنزير

[Mamoud salah H]

اهم حاجة العزل
صوت الموتور ميفرقش بدل انا جوه الكابينة مش سامع الهوا

تمام النقطة دي بس انا بتناقش ليه وانت برة صوت الكوري اهدي من الياباني