السعر الفعلى للمستعمل

[dr_radioooooo]

السلام عبيكم و رحمة الله و بركاته
كنت عايز اعرف منكم السعر الفعلى للسيارات المستعملة
لانى شايف استهبال فى الاسعار سواء عالنت او السوق
فهل اسعار النت دى بقت سعر البيع و الشراء بفرض انى هنزل تلات اربع تلاف لزوم الفصال ولا الكلام بيختلف على ارض الواقع
يعنى انا شايف ان اسعار النت المفروض تنزل 10-15 % و هو ده يبقى السعر العادل
ولا ايه؟؟!

[abokoko]

عرض وطلب
حسب المزاج المصري
وليس حسب الكفاءة والاعتمادية
وبيتعمل حساب لحاجتين اتنين
سعر اعادة البيع
و
توافر قطع الغيار باسعار مناسبة

[mhopa2440]

هو الرد الطبيعي حسبي الله ونعم الوكيل ف قوانين الحكومة المصرية بشان العربيات وكبار التجار زي غبور ومنصور افندي

دول سبب الاسعار الهبل بنسبة 90% اما ال 10% الباقي دا العرض والطلب يعني لانوس ون سعرها وصل 47 الف والكريستاله بيتكلم في 50 الف شخصيا معرفش ليه بس بقولو عربيات حلوة والانترا 2011 سعرها زيروا كان 98.5 الف واتباعت ب 93 الف وهي عاملة حادثة ومغيرة القنطرة ورشة مرتين ولما اتباعت كانت مخبوطة من قدام والكبوت مترحل والرفرف

[demonarundo]

مواقع النت اول ما ظهرت كانت كلها أصحاب العربيات , وكان فرق السعر بينها وبين معارض العربيات كبير وواضح
لما انتشرت وكثرت بقت شغلانة تجار العربيات , اى عربية يشوفوها سعرها لقطة على النت بيشتروها بتوكيل وتلاقيهم بعد 4 أيام عارضين نفس العربية بفرق 5 أو 7 الاف على حسب السعر

عشان كدا انا عن نفسى لا بشترى ولا ببيع لتاجر

[sadek9518]

السلام عليكوا الاول عن تجربة بقالى دلوقتى شهر او شهر ونص كل يوم على مواقع البيع والشرا غير انى كنت متابع من اكتر من سنة بس متقطع عشان باذن الله نويت اجيب عربية
المهم حاجات غريبة بتحصل يعنى ابسط مثال عربية عربية اسكودا 1998 واحد كان عارضها من فترة كبيرة كان عليها حظر لحد شهر 9 اللى فات على 40 الف فى ايده و10 الاق فك حظر على المشترى طبعا السعر خرافة غير ان العربية تقريبا جديدة الاقىها نازلة تانى اليومين دول على 68 الف فى شرع مين ده

[monamize4]

على النت ,, كل واحد يحط السعر اللى هو عايزه و دا لأسباب كتير يطول شرحها
لكن العربيات بتتباع باسعار اقل من المعروض على الانترنت

[S O P H O S]

اسعار النت اصبحت خيال شوية
المشكلة الاكبر ان سوق السيارات ماشي زيهم
مفيش حل غير انك تشتري من شخص عادي لا تجار ولا نت

[troyomar]

90 % من عمليات البيع في مصر بتتم عن طريق وسيط اللي هو التاجر ودا بياخد ال 10 % أو اكتر من سعر العربية . وطمع الوسيط ده له عامل كبير في ارتفاع سعر المستعمل في مصر