ما هى تكلفة شراء تاكسي جديد وكم سعر النمر

[shedoz]

ماهى تكلقة شراء تاكسي جديد وهل يوجد نمر جديده وهل يتم شراءها من احد وكم تكلفة التراخيص

[eslam atia]

النمر علي حسب المحافظة اللي انت فيها
اسمع ان المنصورة والاسماعلية النمر فيها وصلت ل 150 الف وطالع
طبعا علشان ترخص تاكسي جديد شرط ان تكون السيارة موديل السنة اللي هترخص فيها
تكلفة التراخيص طبعا مفيش نمر جديدة في اي وحده تراخيص علي مستوي الجمهورية
فبتروح تنقل ملكية لأسمك واول سنة مفيش ضرايب هتدفع تأمين بس حوالي 280 جنية وطفاية ومثلث وشنطة وملف جديد وفحص واللذي منة وتأمين نمر يعني اعمل حسابك كله الف جنية

[bluemail]

حضرتك انا كنت شفت اعلاننين لبيع تاكسي ابيض
الاعلان الاول كان لتاكسي فيرنا موديل 2012 كان ب 110 الف
والاعلان التاني كان لاسبرانزا 2009 كان ب 77 الف
لكن نصيحه خليك في الكوري فيرنا او لانوس
لان الصيني اقل اعتماديه

[إبراهيم المصرى]

سعر العربيه ترجع للاختيار اذا كانت زيرو مثلاً اللانوس حوالى 80 الف والنمر على حد ما بسمع تقريباً 30 الف وهكذا ولو مستعمله يكون معداش على انتاجها 5 سنوات على حد علمى ..... وعموماً الزملاء ممكن يفيدوك اكتر ولو كلامى فيه حاجه مش صح يصححوه وبالتوفيق ان شاء الله ...... تحياتى لجميع اعضاء الجروب الكرام

[shedoz]

كربنا يبارك فيكو بس هل فعلا الانوس بى ٨٠الف جديد تاكسى ؟

[hugan]

ﻻنوس وفيرنا ايه اللي تتعمل تاكسي

حاليا ال بي واي دي هي ملك التاكسي

[إبراهيم المصرى]

كربنا يبارك فيكو بس هل فعلا الانوس بى ٨٠الف جديد تاكسى ؟

لانوس 80 الف تقريباً زيرو من غير نمر ولو هترخص تاكسى تضيف تمن النمر حوالى 30 :35 ده غير الدهان والعداد يبقى الاجمالى حوالى 115 او 120 حسب وفى معارض بتبيعها بالنمر والدهان والعداد جاهزه وبالتوفيق