تحذير للجميع - عربيتى اتسرقت

[amr011111]

ما هي افضل طريقة لكي نحافظ على السيارة من السرقة
هل يوجد كلبشات مثل ما يتم وضعهم للمرور

يوجد بس لو الحرامى حب يفك العجله ويركب الاستبن هيعملها بس طبعاً الحرامى بيدور على الحاجه السهله
الافضل منه كلابش الدركسيون وكلابش فرامل اليد مع الفتيس
وربنا يسترها علينا جميعاً

[abohend]

محضر فوراً

لازم تعمل محضر فورا قبل العربية متتقطع
بعد المحضر بساعات هتلاقي السارق بيكلمك فالتليفون عشان يفاوضك
و لو تعرف حد تقيل هيجيبهالك من غير ده كله
ربنا يعينك و يرد عليك عربيتك

[yassin_samir]

لا حول ولا قوة إلا بالله , ربنا يعوض على الجميع
لا عجب وخصوصا فى اجتماع وزير الداخلية والظابط بيقوله احنا مركزين فى الشق السياسى ومهملين الجنائى والجرائم , رد عليه قاله ده اهم شىء فى المرحلة دى

طيب ماقلوش انهم ظالمين حد بعينة او فرقوا فلوس الرشاوى مع بعض
و لو اعترفوا بالمرة انهم خونة هههههههههههههههههههههههههههههههههههههههههههههههههه ههههههههههههههههههههههههههههههههههههه

[akmm]

ان شاء الله العربيه ترجع .............. ولكن المحضر مهم زى ما قال الاخوه الاعضاء بالاضافه ان فيه بعض السيارات اللى بتتسرق بتستخدم في عمليات ارهابيه او سرقات على الطرق بالاكراه وبكده تخلى مسؤليتك من حيازه السياره لاقدر الله لو استخدمت في شىء غير قانونى .... وربنا معاك وهو المتقم من الكلاب دى .

[yassin_samir]

مفتاح فصل كهربا العربية عند حد بعيد من البيت و يكون شاطر
كلابش الركسيون اساسى و يكون شكلة محمل و عريض

[Ibrahim elgwad]

ربنا يعوض عليك .. انا لاحظت انك من التجمع .. انا اتسرق منى عربية دبابة 2013 كانت زيرو بعد 3 شهور فقط من شرائها من تحت البيت فى شباب التجمع الثالث - المهم بعد م الجران عرفوا لقيت واحد منهم بيقولى انا شغال فى شركة الكهربا ولما جبت عربية الشركة مرة تحت البيت اتسرقت - المهم انا حسيت ان فيه شخص خاين ومتابع العربيات والله اعلم - طبعا العربية مجتش واول تليفون جالى كان بعد السرقة بحوالى 8 شهور .. الحمد لله على كل حال

[mmtronic]

ربنا يعوض عليك .. انا لاحظت انك من التجمع .. انا اتسرق منى عربية دبابة 2013 كانت زيرو بعد 3 شهور فقط من شرائها من تحت البيت فى شباب التجمع الثالث - المهم بعد م الجران عرفوا لقيت واحد منهم بيقولى انا شغال فى شركة الكهربا ولما جبت عربية الشركة مرة تحت البيت اتسرقت - المهم انا حسيت ان فيه شخص خاين ومتابع العربيات والله اعلم - طبعا العربية مجتش واول تليفون جالى كان بعد السرقة بحوالى 8 شهور .. الحمد لله على كل حال

انا بشكر كل الاعضاء الى بيدعولى - فعلا محتاج دعوتكم - ربنا كرم - احساس ربنا ميكتبه على حد منكم

انا ساكن فى عمارات التوفيق بمدينه نصر مش التجمع

[gade2]

ربنا يجيرك فى مصيبتك ويعد لك ضالتك

[أبو عاصم]

فعلا اعمل محضر، وبمجرد ما هتعمله، هيجيلك تليفون يقولك ادفع ثلث ثمن العربية وتعالى خدها، ده حصل مع واحد صاحبي في الإسكندرية، هتقولي جابوا رقم تليفونك منين؟ فكر شوية هتعرف اللي بيسرقوا العربيات مين اللي مشغلهم.

[selim1976]

حسبى الله ونعم الوكيل