سمكره ودوكو في اسيوط

[Ahmedvero]

في ناس كانت بتشكر في سعد السمكري بس ياريت لو حد يعرف رقمه كام او حد اتعامل مع سمكري نضيف بيعدل الفبر لان الاكصدام الخلفي واخد خبطه شديده شويه والشنطه كمان
معلش هتعبكم معايا ياريت لو تعرفو ارقام يكون افضل

[Ahmedvero]

Upppp

[abokoko]

اصبر
المنتدى معظم الاعضاء من القاهره
وحضرتك بتسال عن ورشة فى اسيوط

ان شاء الله الاعضاء من اسيوط يردوا على حضرتك

[Ahmedvero]

معلش اصل حالتي النفسيه زفت والله
ومش عايز اودي العربيه لحد يخربها او يبوظلي الدنيا
هو الفبر بيتعدل عادي لو مفهوش كسر ؟؟

[monamize4]

انت مش موضح تفاصيل الخبطة بس عامة ,,
سعد شغلة كويس مفيش كلام بس للاسف مش معايا نمرته و مش بتعامل معاه
بتعامل مع احمد حسن اللى عند الكاركير اللى عند البنزينة اللى ناحية عرب المدابغ

لو عايز حد متخصص فيبر اصلا (مش سمكرى) ,, يبقى تروح لعادل فيبر مكانه ف
تقسيم الحقوقيين قريب من ميدان النخلة اللى عند مستشفى السلامة بس اسعاره غاليه

بالنسبة للدوكو ,, افضل مكان ف اسيوط هو فرن محمد سيد اللى ع الدائرى

[abokoko]

انت مش موضح تفاصيل الخبطة بس عامة ,,
سعد شغلة كويس مفيش كلام بس للاسف مش معايا نمرته و مش بتعامل معاه
بتعامل مع احمد حسن اللى عند الكاركير اللى عند البنزينة اللى ناحية عرب المدابغ

لو عايز حد متخصص فيبر اصلا (مش سمكرى) ,, يبقى تروح لعادل فيبر مكانه ف
تقسيم الحقوقيين قريب من ميدان النخلة اللى عند مستشفى السلامة بس اسعاره غاليه

بالنسبة للدوكو ,, افضل مكان ف اسيوط هو فرن محمد سيد اللى ع الدائرى

الله ينور
جميل الا نخبل بالمعلومة

[Ahmedvero]

الحمد لله استعدلت الخبطه عند سمكري اسمه ياسر بس الدوكو اتشقق حتت بسيطه خايف ارشها اوعاوز افيمها وف نفس الوقت عاوز اسيبها تغزي العين
وبالنسبه للخبطه في كانت عفصه في الاكصدام تم رده بميه سخنه
وعفصه في الشنطه اتردت ع البارد
والحوض كمان اتخبط وتم سحبه واستعداله والحمد لله كل دا اتكلف 550 جنيه

والف شكر علي ردك الجميل
Monamize;