الفاميه .... الدرجه التانية 35 % .... و المرور

[JapRuleZ]

طبعا كلنا عارفين ان الفاميه ممنوع و لو اتمسكت فى لجنه بتكون سخيفه جدا
و لكن فى ناس كتير عاملة الفاميه ال 15 % اللى هو اول درجه و يكاد يكون مش باين اساسا
و فيه ناس عامله ال 100 % و دول اخواننا بتوع الشرطه و القضاء

فى بقا الدرجه التانية اللى هيا ال 35 % بتبقى باينه بس اللى جوا واضح تماما
هل ده بردو ممنوع ؟

[akmm]

كل الفيميه ممنوع في قانون المرور ............... ولكن اللى شبه شفاف بيكون انت وحظك ...........

[Ahmed Lotfy]

متابع

متابع .كله ممنوع للاسف

[NaderNabil]

كله ممنوع و حتى اول درجة

عن تجربة في اللجان و الفحص مش كله بياخد باله منه الا لو واحد مركز و عايز يسخف.....و من حقه يسخف

[Elkordy2000]

قانون عنده انفصام في الشخصيه ، يسمح للعربيات اللي نازله بزجاج ملون ويرفض الفاميه !!!!!!

[JapRuleZ]

بس على فكرة اول درجه مش بيبان خالص

[NaderNabil]

انا قعدت بيه ٥ سنوات فعلا و رخموا مرتين بس في خلالهم... بس عدوا على خير

[ahmdmagdy]

متركبش احسن و متخليش واحد ميسواش انه يرخم عليك

[hugan]

انا كنت مركب اول درجه كنت بافحص بيه وببيعدي
ومفيش غير مره واحده ضابط كان امين شرطه هو اللي رخم

[gade2]

قانون عنده انفصام في الشخصيه ، يسمح للعربيات اللي نازله بزجاج ملون ويرفض الفاميه !!!!!!

فعلا الموضوع دا هيجننى مهو لا ممنوع لا مش ممنوع

[midooo_119]

ممنوع على الى مالوش ظهر

[semi]

كله ممنوع لو عايز يرخم عليك هيرخم
شخصياً اشتريت العربية متفيمة حاجه بسيطة جدا انا اصلا مخدش بالي منها
لجنه وقفتني فقولتله انا اصلا معرفش
ولجان مش بتوقفني وعديت من فحص المرور
لكن لو لجنه واقفه تلم فلوس وده كتير فهتوقفك وتدفعك اي غرامة
ونفسي اعرف ايه سر انهم يمنعوا الفاميه والداخليه نفسها اصغر ظابط فيها عاملوا دارك
بلد البشوات صحيح