إعـــــــلان

Collapse

.

,
See more
See less

ايه اكتر موقف مستهتر قابلك وانت سايق ...؟

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    ايه اكتر موقف مستهتر قابلك وانت سايق ...؟

    السلام عليكم ...


    واحنا سايقين بتقابلنا مواقف كتييير , بس في مواقف بتعلم معانا ومش بنقدر ننساها لأنها ممكن

    تسبب كوارث بسبب استهتار اصحابها ... ياريت كل واحد يحكي عن اكتر موقف مستهتر قابله وهو سايق

    وهبدأ انا ...

    كنت مسافر اسكندرية في يوم ولقيت عربية جاية من ورايا بسرعة جداااا وعمال يا خد غرز ومش هامه

    المطبات ... قلت اكيد ده شاب مستهتر مش هامه العربية او واحد مستعجل ...

    المصيبة اني لقيته واحد ومعاه مراته واولاده ومش بس كده , لا شايل بنته على رجله وبياكل وهو سايق ...!!!

    انا مش عارف ازاي واحد يوصل بيه الاستهتار للدرجة دي ... يعني لو انت مش خايف علي حياتك خاف على حياة ولادك ... حاجة غريبة ومستفزة جداااااا

    طبعا كنت ههزأه لكن للاسف خد ملف وراح طريق تاني قبل ما الحقه ...

    احكوا بقى ...
    الكلمات الدلالية (Tags): اكتر, ايه, سايق, قابلك, مستهتر, موقف, وانت
  • #2
    موقف كل يوم بشوفه اللى راكب موتوسيكل وماشى على الزراعى وماسك الموتوسيكل بإيد والموبايل التاتش فى ايده التانيه وممكن يكون وراه مراته ولا عياله كمان ... بستفز قوى من المنظر ده
    الموبايل خطر على اللى سايق عربيه ما بالكم باللى سايق موتوسيكل وماشى على عجلتين فقط ومحتاج اطرافه الاربعه تبقى جاهزه لاى موقف

    Sent from my GT-S6500D using Forum Runner
    [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

    [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

    Comment

    • #3
      اكتر موقف بيحرق دمى لما تلاقى شاب بيعدى طريق بمنتهى الهدوء والبرود ويبق الناحيه التانيه كمان اكنه بيغيصك واكنه ماشى على قشر بيض يا عم متمشى مشيتك الطبيعيه وخلاص لو راجل كبير مثلا اكيد ليه عزره بس غالبا بيكون شباب
      [CENTER][SIZE=5][B][B][COLOR=black][SIZE=6][COLOR=Magenta][SIZE=7][COLOR=Indigo]اللهم ارزقنى بر والدى[/COLOR][/SIZE]
      [/COLOR][/SIZE]
      [COLOR=#0000ff] [/COLOR][/COLOR][/B][/B][/SIZE][SIGPIC][/SIGPIC]
      [SIZE=5][B][B][COLOR=black][COLOR=#0000ff]
      [/COLOR] [/COLOR][/B][/B][/SIZE][/CENTER]

      Comment

      • #4
        المواقف المستفزة كتير

        Comment

        • #5
          موقف لسه شايفه اول امبارح وانا راجع من البلد بالليل
          الساعه 11 مساءا والطريق مظلم والااقى 2 موتوسيكل ورا بعض الاول راكب عليه 3 افراد مش مهم
          المصيبة بقى المتوسيكل التانى راكب واحد وواخد وراه المدام والمدام راكبه بالجنب وشايله البيبى فى بطانيه على رجلها
          قمة الاستهتار فعلا

          Comment

          • #6
            اللي كان معايا انا
            في طريق الواحات الملف اللي بعد جامعة msa الطريق واقف علشان اللي بيلفوا ماشي علي 40 و لسة بزود الاقي واحد شاهين اخد غرزة غبية و العربية ميلت علي جنبها جامد و كان ماشي اعلي من سرعتي بكتير...
            اللي شفته قبل كدة علي طريق الواحات بردو بس كنت راكب اوتوبيس و شايفه ماشي بسرعة و بيحرك الدريكسيون عن طريق انه بيزقه بايده مرة واحدة و تيجي زي ما تيجي لإنه سايب الدريكسيون و ايديه فاضية اصلا
            كان هيخبط عربية من اللي بيلفوا و التناية كان هيخبط مجموعة من الناس علي جنب
            Omar El-Gezeiry

            Comment

            • #7
              المشاركة الأصلية كتبت بواسطة miam0502788391 مشاهدة المشاركة
              موقف لسه شايفه اول امبارح وانا راجع من البلد بالليل
              الساعه 11 مساءا والطريق مظلم والااقى 2 موتوسيكل ورا بعض الاول راكب عليه 3 افراد مش مهم
              المصيبة بقى المتوسيكل التانى راكب واحد وواخد وراه المدام والمدام راكبه بالجنب وشايله البيبى فى بطانيه على رجلها
              قمة الاستهتار فعلا
              اقل غلطة هتبقى معجنة ربنا يحفظنا جميعا

              Comment

              • #8
                اللى ما يعرفش يعنى ايه نور عاااااالى مفرود ميسوقش عربيه علشان يريحنا من قرفه ده اكتر موقف بشوفه كتير وبطلت امشى بالليل علشان الاشكال دى الموقف التانى فهلوه بعض المصريين المعروفه لما نكون داخلين على طريق فيه تصليح وبالتالى اختناق الطريق يعنى العربيات هتبقى سرب واحد على التوالى الفهلوى بقى بيعدى فى الاختناق ده وللاسف بيكون حظه وحش بجد لما حد من دول يحاول يعدينى مش ممكن انا بموت من الغيظ وكتير من ده كتييييييييي اوى
                فتح سابقا

                Comment

                • #9
                  كنت ماشي 120 في الحارة الشمال على طريق اسكندرية الزراعي و اذ فجأة الاقي واحد وولاده بيعدوا
                  الطريق بمنتهى البرود و المسافة ما بنا متجيش 20متر قمت دايس نص دوسة فرامل و نزلت ل 80 و الحمد
                  لله انه سمع الكلاكس و جري بسرعة و الميكروباص اللي ورايا كان كابس عليا و الحمد لله انه مخبطنيش و لا الراجل
                  اللي بيعدي اتخبط

                  Comment

                  • #10
                    العيال اللي بتقضيها غرز وسرعه جنونيه
                    بيكون هاين عليا لو مسكت واحد فيهم اخده قلمين علي وشه
                    هو واللي جايبينه علشان اساءو تربيته
                    [SIGPIC][/SIGPIC] ياتقول كلام في محله يا تقول حلو ياحلو
                    [url]/photos/a.879931698703941.1073741827.879900435373734/879931905370587/?type=1[/url]

                    Comment

                    • #11
                      مواقف صعبة وسخيفة فعلا ... ايه الحل مع الناس دي بقى ...؟

                      Comment

                      • #12
                        أول موقف كنت على الطريق السريع وطبعا مقسوم رايح وجاي وكان الوقت حوالي الساعة 6 صباحا والدنيا بدأة تنور كان في عربية نص نقل في الحارة الشمال بما إن الطريق فاضي ويتسع لـ3 حارات أعطيت إشارة يمين علشان أسبقه من الحارة الوسطى ........ فجأة لقيت مكروباص ماشي مخالف في الحارة اليمين وللأسف ده أصبح طبيعي وبنشوفه كل يوم لكن إللي مش طبيعي إن الميكروباص إللي وراه بيسبقه وطبعا ماشى في الحارة الوسطى يعني المطلوب حارة واحد رايح وحارتين نسيبهم للمخالف!!

                        ولكم أن تتخيلوا الموقف
                        -العربية النص نقل صندوقها كبير ومقفول يحجب الرؤية بالإضافة لإني بسبقه من اليمين يعني مش شايف إللي جاي
                        -الباشا بتاع المكروباص إللي جاي يسبق زميله علشان ياخد رزقه -وطبعا لو مشى في دوره هيموت من الجوع - برده بيسبق من اليمين يعني برده مش شايفني

                        الحمد لله لحقت أدخل تاني ورا النص نقل بس كان هيبقى إيه الوضع لو كنت أخدت قرار تجاوز النص نقل بدري كام ثانية؟

                        الحمد لله رب العالمين
                        يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                        Comment

                        • #13
                          الموقف التاني ده بصراحة لما افتكرته دلوقتي اتعصبت وكأنه لسه حاصل
                          كنت راجع على الطريق السريع تقريبا نفس الوقت 6 صباحا بعد 24 ساعة عمل والدنيا فاضية خالص بس على بعد يو ترن واقف عليه مكروباص أعطيته نور علشان يوقف لأني هعدي كنت ماشي على 120 -أنا مش بزود عن كده مهما كان الطريق مغري- بصراحة الراجل وقف ...... جه مكروباص تاني وراه أعطيته نور تاني وكلكسات لكن هو لما لقى زميله وقف الظاهر حب يعمل ناصح وفجأة لقيته بيعدي قدامي فطبعا فرملت جامد

                          لغاية كده ده غباء ....... لكن إللي بعد كده منتهى الغباء "أنا الوقتي متنرفز جدااااا لأني افتكرت"

                          الباشا إللي عدا من قدامي إللي مش صابر لغاية ما الطريق يفضى قبل ما يعدل عربيته على الطريق بعد الملف وقف علشان يركب ولا ينزل واحد
                          والأولاني لما لقا إللي جاي وراه عدا قال اشمعنى أنا قام معدي هو كمان مع الكلكسات الطويلة مني إتسمر مكانه مكملشي الملف وأصلا إللي في وشه واقف لأنه لقا زبون

                          أصبح الوضع قدامي واحد على اليمين واقف بزاوية قافل جزء من الطريق والتاني على الشمال واقف بالعرض وبينهم مسافة حوالي مترين فقط
                          يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                          Comment

                          • #14
                            كمان موقف بالمرة ...... واحد بربع نقل بسبقه من الناحية الشمال ولما وصلت بداية عربيتي قصاد منتصف عربيته تقريبا فتح الباب بتاعه للآخر وطلع راسه كمان يبص على العجلة وهي ماشية !!!
                            يَوْمَ لَا يَنفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                            Comment

                            • #15
                              في طريق اسكنريه الزرارعي لقيت واحدمعاه عربيه اونو شايل فوقيها طقم انتريه كامل اربع كراسي و ترابيزه قمه الاستهتار

                              Comment

                              السابق 1 2 template التالي
                              Working...
                              X