استفسار ضرورى ازاى اطلع بدل فاقد لتصريح القيادة

[Aya2019]

لو سمحتم استفسار
انا كنت نجحت فى اختبار القيادة لكن لم احصل على الرخصة بسبب عطل فى التصوير و عملوا لى تصريح بالقيادة لمدة سنة على اساس اروح اتصور فى أى وقت لكن التصريح ََضاع
هل كدة انا متسجلة عندهم و اروح اطلع بدل فاقد بسهولة ولا لازم اعيد الاختبار تانى لأن التصريح ضاع؟؟؟



تم تعديل العنوان ليتناسب مع المحتوى
م.ع 7

[Abo_Mazen]

لأ ..حضرتك متسجله عندهم وليكي ملف ..بس هو المهم ..معاكي صورة من التصريح ..عشان بالتصريح هيقدروا يوصلوا للملف ..

[Aya2019]

لأ مش معايا صورة للتصريح للأسف بس أنا فاكرة التاريخ بالظبط

[Abo_Mazen]

ما هو حضرتك العبره مش بالتاريخ ..العبره برقم التصريح أو رقم الملف إن صح التعبير ..عموما حضرتك لازم تعملي زيارة للمرور وتدخلي لضابط الوحده تحكيلوا على الوضع ويخليهم يدوروا على إسمك على قاعدة البيانات بتاعة الكمبيوتر عندهم ..أو ممكن حضرتك تشوفي حد في المرور عسكري أو أي حد بيشتغل على الكمبيوتر اللي بيصدر الرخص عندهم يدور لك على إسمك على الكمبيوتر ..بس في مشكله ..حضرتك بتقولي إن الكمبيوتر كان عطلان وقتها ..يعني إسمك ما تسجلش ..بصي ..هي زيارة وتحكي على الوضع لضابط الوحده أو تشوفي حد يدورلك على إسمك على الكمبيوتر ..لو ملقيتهوش كمبيوتر ..يبقى للأسف ..هتضطري تعملي ملف جديد ورخصه من أول وجديد