If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
لو سمحت أنا كنت عايز أعرف حساب الجمرك على السيارات إزاى بظبط علشان اتسوحت فى الطرق الى على النت ف عايز طريقة سهلة و مبسطة علشان بفكرك استورد سيارة من برة
و شكراً
هي في كل الأحوال الحسبه مش بسيطه ودايما في الواقع بتفرق عن الأرقام اللى بتتحسب عالورق
بس مبدأيا هي ليها حاجات ثابته
الكلام طبعا عالمواتير ال 1600 سى سى او اقل
أولا تحسب تمن العربيه المكتوب في الفاتوره بالمصرى ( مثلا عربيه تمنها 50 الف ريال يبقى بالمصرى 100 الف جنيه )
تضيف ليهم تكاليف الشحن ( النولون + التأمين + التفريغ ) واللى هايطلع هو دا المبلغ اللى هاتدفع عليه الجمرك ، يعنى كمثال برضه لو افترضنا تكاليف الشحن 10 الاف جنيه يبقى الإجمالى 110 الف جنيه دول اللى تحسب عليهم الجمرك
الجمرك 40 % ضريبة وارد + 15 ضريبة مبيعات + 3 % رسم تنميه
وهنا طريقة الحساب اول حاجه بتعمل لخبطه لان ليها طريقتين
اول طريقه
110 الف * 40 % = 44 الف
110 الف * 15 % = 16.5 الف
110 الف * 3 % = 3.3 الف
يبقى إجمالي الجمرك 63.8 الف جنيه
وفى الطريقه التانيه واعتقد هي اللى بتستخدم انهم بيحسبوا الجمارك بشكل تراكمى
بمعنى
110 * 40 % = 44 الف
تجمع ال 44 الف على التمن الاصلى للسياره وتضربهم في ضريبة المبيعات
يبقى 154 الف * 15 % = 23.1 الف
تجمعهم برضه مع اللى فات وتضربهم في رسم التنميه
يعنى 177.1 * 3 % = 5.3 الف
يبقى إجمالي الجمرك 72.4 الف جنيه
دا بالإضافه لو عربيتك مجهزه بأوبشنز عالى ليها حساب تانى لوحده معرفش طريقته
تسلم ي باشا على مجهودك و تعبك
طيب لو عربية bmw الفئة السابعة محركها 4000 سي سي سعرها فى الإمارات ب المصرى 100 الف ف كنت عايز أعرف يبقى التوتل بتاعها كام لحد م تبقى على أرض مصر تكلفنى كام
و تسلم ي باشا و مشكور جدا :)
مفيش جهة رسمية نسالها .. او موقع ليهم عشان مفيش داعي حد يجيب عربية علي اساس جمرك قليل و يلاقي نفسه هيدفع ضعف المبلغ زي الفرق بين الحسبتين اللي فوق دول ..
تسلم ي باشا على مجهودك و تعبك
طيب لو عربية bmw الفئة السابعة محركها 4000 سي سي سعرها فى الإمارات ب المصرى 100 الف ف كنت عايز أعرف يبقى التوتل بتاعها كام لحد م تبقى على أرض مصر تكلفنى كام
و تسلم ي باشا و مشكور جدا :)
مبدأيا عشان تنزل عربيه من بره مصر لازم تكون شارى العربيه زيرو وانت المالك الأول ليها
الفئه السابعه دى موديل كام وسعرها كام وقت الشراء وانت المالك الأول ولا لأ
لو افترضنا انها اقدم موديل 2006 مثلا فدى سعرها بالمصرى معدى النص مليون جنيه
ولو انت جايبها من الزيرو وعايز تنزلها النهارده هايعملك خصم استعمال 50 % من سعرها عشان عدى عليها 9 سنين
فانت هاتدفع جمارك على مبلغ ربع مليون الى 300 الف جنيه تقريبا او اكتر بالشحن وغيره
جمارك المواتير فوق ال 2000 سى سى
135 % ضريبة وارد + 45 % ضريبة مبيعات + 8.5 % رسم تنميه
إحسبها انت بقى :)
من الاخر انسى الموضوع دا لان لو كان سهل او اوفر من هنا مكنش حد غلب
Comment