تجديد رخصة القيادة مرور العتبة

[Hisham.Nady]

السلام عليكم يا شباب...
اول حاجة كنت عاوز اعرف مكان مرور العتبة؟لاني مانزلتش من سنين كتير اوي
الورق المطلوب ؟.. ولو هجدد الرخصة (كل 10 سنين ) لسا التجديد في العتبة ولا اتنقل مرور تاني
وهل الدنيا سهلة ولا لأ؟؟ شكرا

[Yosef_azab]

انا لسه مجدد بس مرور مدينة نصر و غالبا الاجراءت واحدة
هتحتاج كشف نظر و باطنه و عليهم صورتين دول في اي مستشفى ممكن تعملهم انا عملت في التيسير ب 70 جنيه
هتحتاج اخلاء زمة من النيابة بيكون في المرور اللي انت تابع ليه و لو مش عليك مخالفات بتدفع 15 جنيه و تاخد الشهادة
بعد كده بتشتري ملف تجديد من مكان التصوير ب 8 جنيه تملى الورق و تدخل تدفع الرسوم 68جنيه او 58 مش فاكر للامانه
هتسلم الورق في المكان المخصص و معاك صورتين للبطاقة و الرخصة القديمة و اصل البطاقة و تستنى اسمك يتنادى عشان تتصور و بعدها بعشر دقايق تستلم الرخصة