استفسار عن عقد مسجل

[matrek911]

الاعضاء الكرام استفسار بما انى لسه جديد هنا انا حشترى عربيه سيينا 1400 من واحد عامل توكيل من البائع الاول وبعد كده عمل عقد مسجل من نفس الشخص بنفس بيانات العربية هوه عايز يبيع ليا بالتوكيل لانه مغيرش الرخصه باسمه بعد ما عمل العقد المسجل هل دى مشكلة انه يخفى العقد المسجل ويتعامل بالتوكيل ؟
واسف للاطالة ........

[adel1212]

يبيع لك بموجب العقد المسجل و اصل الرخصة و التوكيل اللي باع لنفسه به
تحياتي

[matrek911]

الف شكر ليك يا استاذ عادل
بس هوه مش بايع لنفسه هوه اشترى من المالك الاول بالعقد المسجل بعد ما اكتشفوا فى الشهر العقارى انهم المفروض يعملوا عقد مش توكيل فعملوه بعد التوكيل فاصبح وجود الاتنين
شاكر جدا لردك

[adel1212]

يبق كافي جدا العقد المسجل + اصل الرخصة + بطاقة البائع و المشتري
ربنا يتمم علي خير

[Dr\Mohamed]

احذر ثم احذر من إن حضرتك تشتري بالتوكيل مع وجود عقد
اللهم بلغت اللهم بلغت

لازم يبيع لك بالعقد مش بالتوكيل

ولازم حضرتك تعمل عقد مش توكيل

هيكون تسلسل الورق كالتالي
1- الرخصة
2- ثم (العقد مش التوكيل) اللي معاه
3- ثم حضرتك هتعمل عقد من العقد اللي معاه

أرجو إن تكون الأمور واضحة لحضرتك

[Abo_Mazen]

الف شكر ليك يا استاذ عادل
بس هوه مش بايع لنفسه هوه اشترى من المالك الاول بالعقد المسجل بعد ما اكتشفوا فى الشهر العقارى انهم المفروض يعملوا عقد مش توكيل فعملوه بعد التوكيل فاصبح وجود الاتنين
شاكر جدا لردك

هما ليه إكتشفوا بقى إن البيع لازم يبقى بعقد مش توكيل ؟؟؟؟....إيه المشكلة في التوكيل اللي معاه خليتوا يعملوا عقد ...؟؟؟؟....في حاجه مش مفهومه وغامضه ..وأنا لو مكانك لازم أفهم ..وبعدين تضمن منين إن العربيه ميكونش ليها رخصتين ..يعني رخصه هو ماشي بيها ..ورخصه تانيه معاه هو خافيها ...إيه الموضوع بالضبط ..عربيه إتباعت بتوكيل وعقد ...في إن في الموضوع