الصينى هيغزو العالم بسيارات فوق ما تتخيل وبأسعار فى متناول الجميع

[adorehearts]

بسم الله الرحمن الرحيم
السلام عليكم ورحمة الله وبركاته

فى الأونه الأخيرة السيارات الصينى انتشرت فى السوق بموديلاتها المتنوعة والمختلفة ولكن

وبعد ولكن دى حط تحتها 1000 خط احمر

لأن فى اواخر عام 2017 هتنزل الكونسبتات للسيارات الصينى كذا دولة ومنها مصر
وبالمناسبة هتكون اسعارها لا تتعدى ال 200 الف جنيه

هسيبكم مع حبة صور من ال Concept لبعض السيارات الصينى ال توكيلاتها موجودة فى مصر فى الوقت الحالى

اول سيارة اسمها Raeton CC والسيارة دى من ضمن عائلة شانجان الصينية
















ثانى سيارة اسمها Geely Emgrand concept










ثالث سيارة واسمها A5 من عائلة Chery







وبكدة اكون خلصت موضوعى ال بعرضلكم فيه احدث السيارات ال هيتم تسويقها فى اواخر العام 2016 يعنى ممكن تكون فى مصر على اواخر 2017 او فى بدايات عام 2018 وعليكم خير

اتمنى ان الموضوع ينول اعجابكم ويشوقكم زى ما انا متشوق للسيارات دى اشوفها فى مصر او اكون احد ملاكها وفى النهاية احب اقول " إن أحسنت فمن الله , وإن أسأت أو أخطأت فمن نفسي والشيطان "

شكرا.

[rotanamasoud]

طول عمره الصينى شكل وشكل حلو اوى اللى عايز يشترى شكل يشترى يعنى بال200 الف يركب المانى عارف يعنى ايه المانى

[unl0veable]

تسلم ايدك

[م أحمد]

الاولى تقريبا خلفية الدودج دارت
الجيلى امجراند الحالية مقلدين شكل ال S class بس الجديدة تقليد ال E !!!
و التالتة وش الكيا سيراتو و خلفية ال CLA

الداخلى مش عارف ازاى يعمل تابلوه لونه ابيض و ما له من انعكاسات مضرة على القيادة

بشكل عام السيارات زى المعادن سعرها عالمى زى الدهب كدة و لو لقيت سعر نازل يا اما تشك فى الخامات او المصنع قنوع بنسبة ربح بسيطة او فكر التصنيع على قد الحاجة

[adorehearts]

طول عمره الصينى شكل وشكل حلو اوى اللى عايز يشترى شكل يشترى يعنى بال200 الف يركب المانى عارف يعنى ايه المانى

مع احترامى لردك بس العالم كل يوم بيتطور ودلوقتى الصينى والكورى الكواليتى بتاعهم بقا قريب اوى من الألمانى , يعنى بمعنى اصح مفيش حاجة بتفضل على حالها..

تسلم ايدك

تسلم عيونك

الاولى تقريبا خلفية الدودج دارت
الجيلى امجراند الحالية مقلدين شكل ال s class بس الجديدة تقليد ال e !!!
و التالتة وش الكيا سيراتو و خلفية ال cla

الداخلى مش عارف ازاى يعمل تابلوه لونه ابيض و ما له من انعكاسات مضرة على القيادة

بشكل عام السيارات زى المعادن سعرها عالمى زى الدهب كدة و لو لقيت سعر نازل يا اما تشك فى الخامات او المصنع قنوع بنسبة ربح بسيطة او فكر التصنيع على قد الحاجة

خد بالك اسعار السيارات بلدنا الحبيبة بتغليها جدا بسبب الجمارك والضرائب واللذى منه , يعنى السيارات دى برة ثمنها بيقل كل سنة لأن المتيريال بتاعها فى الطبيعى بيرخص..

[Omar Mahmoud]

الصيني و الكوري و الالماني الكواليتي بتاعهم في فرق كبير
مش قريبين نهائي

[accord]

رووووعة ايه الجمال ده

[JapRuleZ]

بعد فضيحة ال DSG ..... ال brilliance بقت اخسن من VW

[akmm]

الصينى في الاول وتخوف الكثيرين منه .............. عامل زى بدايات الكورى عندنا لما بدا ينزل مصر . وتطور حاليا واصبح بالجوده اللى بنشوفه بيها دلوقت . الصينى اكيد هيبقى كده .

[acs]

العربيات الصينى فعلا بدأت كل يوم تبقى اقوى من اللى قبله
بس مشكلتهم فى التقليد علشان كده بكره الصينى
صورة العربية التانية دى شبه rb جامد

[ayman20100]

لسه فيه ناس بتقول صيني واوروبي
العالم كله خايف من الصين ومرعوب من تقدمهم واستحواذهم على الاسواق في العالم وميل التجارة الخارجية معاهم واحنا لسه بنقول صيني
هي ايه الحجة ؟؟
امريكا بتستورد من الصين اكتر من استيرادها منها وكذلك معظم دول العالم واوربا
الصين اصبحت اكبر مصنع للسيارات في العالم من حيث الكم حالياً
الصين استحوذت على شركات كبيرة وماركات معروفة عشان تشتري التكنولوجي منهم وتكمل على نفس الخط
الصين عامله درجات جودة عالية جداً احنا الى مش بنشتريها وبنختار الارخص وده عيب فينا احنا مش في الصين
شايف ان الاوربي افضل في الجودة والخامات
ايه رايك في التوكيلات العالمية الى راحت تجمع وتصنع في الصين
ايه رايك انهم بيعملوا ( كوبي ) من كل الماركات وقطع الغيار ما بتتعرفش من الاصلي وبسعر ارخص بكتير وبنفس الجودة والتاجر بيبيعها انها اصلي

[akmm]

لسه فيه ناس بتقول صيني واوروبي
العالم كله خايف من الصين ومرعوب من تقدمهم واستحواذهم على الاسواق في العالم وميل التجارة الخارجية معاهم واحنا لسه بنقول صيني
هي ايه الحجة ؟؟
امريكا بتستورد من الصين اكتر من استيرادها منها وكذلك معظم دول العالم واوربا
الصين اصبحت اكبر مصنع للسيارات في العالم من حيث الكم حالياً
الصين استحوذت على شركات كبيرة وماركات معروفة عشان تشتري التكنولوجي منهم وتكمل على نفس الخط
الصين عامله درجات جودة عالية جداً احنا الى مش بنشتريها وبنختار الارخص وده عيب فينا احنا مش في الصين
شايف ان الاوربي افضل في الجودة والخامات
ايه رايك في التوكيلات العالمية الى راحت تجمع وتصنع في الصين
ايه رايك انهم بيعملوا ( كوبي ) من كل الماركات وقطع الغيار ما بتتعرفش من الاصلي وبسعر ارخص بكتير وبنفس الجودة والتاجر بيبيعها انها اصلي

فعلا دى الخلاصه ................... والعيب فينا مش في المنتج الصينى التاجر بيسترخص .

[borio1704]

أنا قايل الكلام ده من زمان...

الصين هي المستقبل..

ومش مستقبل وبس... ده مفيش حد تاني هيفضل غيرهم

وبكرة نشوف.


...

[volociximab]

جيلي اشترت فولفو لكن التكنولوجيا لم تنتقل بعد
الصينى فى تطور لكنه لم يصل الى درجة الكورى فضلا ان يصل الى اليابانى
تصنيع سيارة شيىء و تقليد الشكل الخارجى لسيارة شيىء اخر
ممكن نشوف الصينى بعد 10 سنوات مثل الكورى الان

[adorehearts]

مع احترامى لردود كافة الأعضاء , الصينى فى خلال سنتين او ثلاثة هيكون اقوى سوق للسيارات وافتكرو كلامى.
من حيث الجودة والسعر كمان