If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
سواق تاكسي دخل شالي جنب العربيه من اسبوعين
وبنتي كانت واقفه في الشباكه اللى ورا والناحيه اللى اتخبطط
بس الحمد لله ربنا سترها وكمان انا كنت راكن
المهم بهدلة السواق بسبب بنتي لانى اتصدمت وخفت عليها جدا
وجبتله النجده وبصراحه انا كنت مضغوط نفسيا اوى والراجل ده شااااااااال كل نرفزتي وعصبيتي خصوصا انى انسان هادي اصلا
المهم في الاخر النجده جت وكلهم حكموا عليه يدفعلي 200 ج .. وهو عيط وفي الاخر صعب عليا جدا خصوصا انه قال ده عشا بناتي ..
طبعا سيبته لحاله وسامحته بس يوميها وقفت في وسط الشارع وبعلو صوتي
كنت عامل زي عادل امام في عماره يعقوبيان لما كان في الفجريه بيحكي علي شوارع مصر
كنت باصص للبلكونات وبقول .. اهي دي مصر كل حاجه معلش يقتلك يقولك معلش
ويسرقك ويقولك معلش .. يمشي مسطول وشارب ويقولك معلش ..
يعيني الراجل خد درس تقريبا ساعه عمال ازعق بعلو صوتي لحد ما راح ..
انا بس كنت متضايق اوى من اللامبلاه بتاعت خلق الله عندنا في مصر وعدم المسئوليه
بس بصراحه لو اللى خبطلك المرايه مقتدر ميهمكش هو غلطان وعليه اصلاح ما افسده
انا سامحت كمنه سواق تاكسي وغلبان بس
انا معاكم فى مبدأ المسامح كريم
بس لو كل كبيرة و صغيره هنسامح يبقى هنسامح فى الحوادث و فى القتل و فى البلطجه و هكذا
انا شايف انه المفروض القانون بيكفل التعويض للمتضرر حقا و شرعا يبقى كبر دماغك انت عملت الصح و متفكرش او تتردد فى اخد حقك لان الساكت عن الحق شيطان اخرس و طلب الحق فريضه
و الناس حتى لو فى خربوش تدفع تعويض و لكن المسامحه دى مسأله ذوقيه فى الى تقدر عليه
لكن لو متقدرش على حاجه حتى لو بربع جنيه يبقى ده حقك
موضوع الحوادث ده بيفكرنى بالى معاه 60 الف جنيه فى جيبه و كل شوية واحد ياخد منه مرة خمسه جنيه و نقول عادى و مرة خمسين و نقول عادى لحد ماهنلاقى العربيات متسواش ربع جنيه
يا بلد معانده نفسها يا كل حاجه و عكسها
أنسينى أنا صبرى أنتهى و مش هشوف فيكى أمل
طبعا انت مش غلطان , هو اللي كان غلطان و صلح غلطه وهو ده اللي المفروض يحصل
الحالة اللي ممكن الواحد يتنازل فيها لو كان الشخص اللي قدامك فعلا مامعهوش تمن الاصلاح وانت حسيت انك هاتعمله مشكله كبيره , فلو لقيته بيعتذر ممكن ساعتها تفوتها
او ان الخطأ اللي حصل يكون خارج عن ارادته تماما زي مثلا مايكون حد خبطه فهو خبطك من اثر قوة الخبطه , فده برضه موقف ممكن يتفوت و تعديهاله
لكن غير كده المفروض ان كل واحد تسبب في خسارة مادية ليك انت ملكش اي ذنب فيها وهو اللي كان السبب سواء باستهتار او باهمال , انه يعوضك عن خسارتك و دي كده اقل حاجه ممكن يعملها كفاية وقتك اللي هايضيع في الاصلاح و اعصابك اللي اتحرقت من الموقف كله
انت مش غلطان ومش تلوم نفسك في حاجه
الموقف بيحكم
والموقف كان فيه تراضي
والطرف حس بغلطته وعرض عليك اصلاح ما افسده وانت وافقته وده حقق التراضي بينكم
مبدأ التسامح بيكون مع الشئ البسيط ( على النفس) وبتكون فيه غير متضرر بشكل كبير او ظروفك تسمح بانك تسامح وتعفو
عن نفسي قررت ابدء اعامل الشعب بالمثل ومن اسبوعين زميل لي في الشركه اللي شغال فيها كلمني انزل الجراج نزلت لقيته واقف مع واحد جنب عربيتي ( العربيه مركونه ومتغطيه في الجراج ) ولقيت العربيه الاكصدام مكسور مع الفانوس وشويه تلفيات وعرفت ان اللي واقف هو اللي خبط العربيه بتاعتي ومكنش هيقف كان هيمشي وهيسيبها لولا زميلي هو اللي وقفه هنا بقى قررت اني ادفعه وفعلا دفعته ثمن اصلاح الاكصدام ( سمكره و فيبر ) مع اني مش صلحت الاكصدام لانه مش كان نافع فيه التصليح وغيرته كله باكتر من ضعفي اللي دفعه
بس كان لازم يتعلم عليه لو كان عنده النيه انه يقف ويعتزر كان ممكن الموقف يختلف معاه
بس و انا جاى عمال افكر و اقول المفروض ماكنتش اخدت منه فلوس و بعدين اقول لاء انا كنت واقف فى حالى و هو جيه كسرهالى يبقى يدفع تمنها و هو غلطان بيجرى فى شارع ضيق
مش عارف بقى بس انا حقيقى ناس كتير بوظتلى حاجات كتير و كنت بعديها لحد ماتخنقت بقى و طلعت غلى فى الراجل دة
ما فعلته هو الصواب ... من أفسد شيئاً عليه إصلاحه
نفس الموقف حصل لى منذ عدة اشهر ... السيارة مركونة بجانب الرصيف وانا بداخلها وفجاة سيارة شاهين محملة بمواسير خارجة من الجانبين من الشبابيك الخلفية وبما أن الشارع واسع وليس عليه ضغط إطلاقاً كان السائق كان يسير بسرعة جداً ودمر المراية الشمال الكهرباء بالمواسير الخارجة
وتوقف وإعتذر ... ولتهوره لانه كان بالامكان إن يحدث كارثة بسبب هذه المواسير وأيضاً للسرعة التى كان يسير بها قررت تغريمه جزء كبير من ثمن المرايا
ولم استغل هذا المبلغ حتى الأن ومازال فى السيارة وأخذى للمبلغ كان لمجرد عقاب له لاستهتاره
ـ ـ ـ
الخلاصة ... أنه إذا أصبح عندنا ثقافة وفكر أن من أتلف شيئاً عليه إصلاحه فسينصلح الحال لعلم المخطئ أنه سيدفع ثمن خطأه إذا أخطأ
[CENTER][FONT=Comic Sans MS][COLOR=gray][B][SIZE=6][I]وَمَا رَبُّكَ [COLOR=darkorange]بِظَلَّامٍ لِّلْعَبِيدِ[/COLOR][/I][/SIZE][/B][/COLOR][/FONT][/CENTER]
[CENTER][COLOR=gray][B][SIZE=4][I]All The Power On Earth [COLOR=darkorange]Can't Change Destiny[/COLOR][/I][/SIZE][/B][/COLOR][/CENTER]
[CENTER][SIZE=5][B][COLOR=DarkOrange]アフマド[/COLOR] [COLOR=DimGray]アミン[/COLOR][/B][/SIZE]
[/CENTER]
عدم قبول العوض ده احد الاختراعات المصريه اللي مش قادر افهمها بصراحه
من افسد شيئ عليه اصلاحه ايه المشكله مش فاهم بغض النظر عن التعمد او لأ
حد عفى بعد كده خلاص بس العوض مش عيب يعني
الموقف نفسه
الشخص ده فعلا محترم
عادة بيشوف ازاي هيلبسك الغلط عشان ينفد بجلده
انا حتكلم من وجهة نظر تانيه
الصراحه انا شايف المصريين مافورين خااااااااااااااااااااالص
وواخدين الموضوع بعاطفه
انا في السعوديه هنا مفيش حاجه اسمها عوض
اللي بيخبط حاجه بيصلحها حتي لو حتتسجن ولو اللي قدامك مليونير
هو مش زنبه انه راكب بورش او لكزس
وانت معكش فلوس
طب هو يدفع من جيبه الوفات ليه
كمان كل العربيات متامن عليها ولو مش مامن الشرطه بتاخدو تحتجزك
وبيروح لشيخ المعارض يتمن التصليح وتدفع بالعافيه
تستلف تلم من زمايلك بقي ملهوش فيه
وعلي فكره لو خبطت عمود في السعوديه بتدفع بالعافيه حتي لو زمايلك يلمولك
ده قانون وكله ملتزم بيه
وده بيادي لشئ عواقبه افضل جدا جدا جداااااااااااااااااااااااااا
من امن العقاب اساء الادب
يعني ادام عارف انك حتتكسر رقبتك في الغرامات والتصليح حتبقي ماشي بعشر عيون
مش مستهتر زي سواقين الميكروباص والتكاسي وتكسر في عربيات الناس
وتقلي عوض وما عوضش
الكلام ده في مصر بس
لعاطفه والعشم
عشان كده مفيش قانون وكله ماشي بالحب
وعلي فكره انا مره كنت في مصر اجازه جاء عيل بتروسكل
وخبطلي العربيه من ورا وانا واقف كسر الاشاره والرفرف وكان معايا حمايا وزفتي كانت بكره بنفس العربيه
كنت في قمة غيظي
لان قبلها بليله
سيده بعربيه كارو كسرتلي المرايه الكهربه وحكت الباب من اولها لاخرها والناس اتلمت عليا وقالتلي دي ست وغلبانه وبتاع
حسيت اني مشيت وفي حاجه غلط
عشان كده لما الواد ابو تروسكل خبطهالي
خدت مفتاح التروسيكل
جابلي عيال بلطجيه كبرت في دماغي جبت النجده
ورحنا مديرية الامن
وخليتوا يلم اللي يعرفو وميعرفهمش وخليتهم يلموا من بعض ويطلعوا اللي في جيوبهم
لدرجه ان اخويا كان ناوي ياخد موبايلاتهم
بس قلت عشان معايا حمايا بلاش افوره
وبرده مكملتش تمن تصليح العربيه
بس اكيد هو اتربي واللي معاه
وحيعمل الف حساب وعمره ما حيكسر حاجه حد تاني
معلش طولت
بس شايف الناس داخلة في سكة العوض والدين وكده
لكن لو فيه قانون كله ملتزم بيه
حتبقي ماشي متطمن وعارف انك لو حد خبطلك حيصلحهالك بالزوق او بالعافيه
وعلي فكره صاحب الموضوع مافور ومستغرب بس
عشان مش متعود ان حد يخبط حاجه فيبقي زوق كده
العادي في مصر
انه ينزل يتبلطج ويقلك حد يركن كده يا بني ادم انت
فانت عشان لقيته محترم مانب نفسك ومستغرب
مع انه برده انت مش زنبك انه وانت في امان الله واحد كسرلك عربيتك وتدفع من جيبك
زي بالضبط لما تخش قسم شرطه
وتلاقي الظابط بيعاملك باحترام وبيطلبلك كوباية شاي
حتحس ان فيه حاجه غلط
عشان دي مش العادي
وتقعد تكتب عالفيس والله الشرطه ملايكه واحنا ظالمنهم وبتاع
لكن هو ده العادي في كل بقاع الدنيا
لكن في مصر والقاهره الكبري وعلي المقيمين خارجها مراعاة فروق التوقيت
العادي عندنا هو البلطجه وخقك تاخده بطلوع الروح
ده لو خدته يعني
ده انا يا جماعه بشوف العجب والله في بلادنا بس
مره واقف عند البقال في امان الله
لقيت عربيه نقل محملة عفش وراكن صف تاني في الزفه قام السفره وقعت علي العربيه
قبل ما افكر حتي اروح ابص عالعربيه
كان السواق والعيال الصيع اللي في الزفه هاجمين عليا
في ايه يا كابتن قضء وقدر حنعملك ايه يعني
وبرده مخدتش حاجه ورشيت اكتر من نص العربيه والسقف
بس انا واخد عهد علي نفسي من وقتها الحمد لله لما استقر في مصر
مش حفرط في حقي لاي حد وحكون اول واحد لتزم بكده
ل خبطت عربية حد
مش حديله فرصه يقلي خلاص انا مسامحك
لاني حصلحهاله قبل ما حتي يفكر ينزل من العربيه يبص عالخبطه
مجازا يعني
والفقير يتادب قبل الغني الا لو في حالة واحده بس لو كان محترم وفعلا معهوش وخطا كده قدري
لكن مش سواق ميكروباص ولا تكتك ولا عيال من اصيع اللي ماشيه تغرز وتحدف بوظ عربيتها وماشيه تكسر وتحك في عربيات الناس
حتي لو معهوش فلوس وحيستلف
بس حيتادب لو عمل كده
والا ميبقاش حد بقي يتعاقب لو غلط وكل حاجه تبقي ماشيه بالحب
بصراحة راجل محترم ياريت كل الناس تعمل كدة لى يفسد شئ عليه اصلحه وانتا مش تزعل نفسك ده حق ليك ممكن تسامح فيه او لاء
لكن فى اشكل مش محترمة تعمل الغلط وكمان تقولك انك غلطان ومش هدفع ليك حاجة او حتى مش يقف يشوف حصل ايه ويجرى ودول معظمهم بتوع المكروباص
Comment