صيانه لامبورجيني في مصر

[rrchico]

[overline]يا جماعه الخير عايز اسال علي صيانه اللامبورجيني في مصر
في صديق ليا نازل من الامارات و عايز ينزل عربيته معاه .. مين في مصر بيعملها السيرفيس الكامل او لاقدر الله في حاله عطل او حادث بسيط .
. هو معاه لامبورجيني افينتادور ٢٠١٥ .. و شكرا
ارجو الرد للاهميه القصوي عشان قدامه اسبوع و مش عارف يعمل ايه و شكرا .
مع العلم ان في لامبورجيني كتير في مصر سياحه و هيئه و تريبتك بيعملولها صيانه فين [/overline]

[Hossam_Zaky]

السلام عليكم
اعتقد تسأل في ام ام جروب لأتي اعرف انه توكيل لاند روفر و فيراري فممكن يكون طرف خيط توصل عن طريقه

[eng.m7md.ali]

في مركز جمب حمدي لادا اللي عند كوبري الحرفيين بيعمل صيانة العربيات الغريبة دي

[دكتور خالد]

صيانة افنتادور فى مصر - طيب

[rrchico]

السلام عليكم
اعتقد تسأل في ام ام جروب لأتي اعرف انه توكيل لاند روفر و فيراري فممكن يكون طرف خيط توصل عن طريقه

كنت بفكر في نفس الموضوع يا كبير بس مش عارف حينفع ولا لا بس فعلا اهو خيط ،،، اشكرك للرد

[rrchico]

في مركز جمب حمدي لادا اللي عند كوبري الحرفيين بيعمل صيانة العربيات الغريبة دي

اشكرك لاهتمامك يا باشا تسلملي

[rrchico]

صيانة افنتادور فى مصر - طيب

حسيت بشويه احباط بس للاسف دي الحقيقه افينتدور في مصر .... هههههه ذي الختم في الدرج كده ههههه

[rotanamasoud]

اى واحد شغال فى ال128 واللادا يشتغل فيها ههههههههههه
اعتقد افضل حاجه لو حصلها حاجه تتشحن على الامارات تتصين وترجع بدل يدمروهالك

[HeRo_LaNCeR]

وياتري العربيه دي هتمشي ازاي في شوارعنا الجميله
اللي أعرفوا عن العربيه ارتفاعها قصير جدا ه يطلع بيها ازاي المطبات

[minicooper20]

مفيش حد بيفهم فيها هنا و هتبقا بالنسبلهم كاءن فضاءى
و ده عن تجربه و مكنتش لمبورجينى
كانت حاجه اقل
كانت داخله بتجيب واحد ايرور
طالعه فيها ٢٤ ايرور و صفاره فى الفرامل

[Mohamed_Rashad]

VW Group/Audi Authorized Dealer

[overline]يا جماعه الخير عايز اسال علي صيانه اللامبورجيني في مصر
في صديق ليا نازل من الامارات و عايز ينزل عربيته معاه .. مين في مصر بيعملها السيرفيس الكامل او لاقدر الله في حاله عطل او حادث بسيط .
. هو معاه لامبورجيني افينتادور ٢٠١٥ .. و شكرا
ارجو الرد للاهميه القصوي عشان قدامه اسبوع و مش عارف يعمل ايه و شكرا .
مع العلم ان في لامبورجيني كتير في مصر سياحه و هيئه و تريبتك بيعملولها صيانه فين [/overline]

Lamborghini is owned by the VW Group through its subsidiary brand division Audi. So you should ask either VW Group authorized dealer or Audi to guide you.

[egytamer]

كنت في الحرفين ورايح اجيب زيت وهوب ببص جمبي لقيت لامبورجيني لونها اصفر في ورشة مفككة بصراحة مصدقتش عيني والفضول زقني علي الورشة قلتلو معلش ممكن اتفرج علي العربية دي وبصراحة الناس كانو زوق جدا قالولي اتفضل براحتك والصراحة كانت تحفة فنية بس كانو فاكين المتور و مطلعين عين العربية وبصراحة معتقدشي انهم ممكن يكونو عرفو يظبطوها تاني.

[rrchico]

اى واحد شغال فى ال128 واللادا يشتغل فيها ههههههههههه
اعتقد افضل حاجه لو حصلها حاجه تتشحن على الامارات تتصين وترجع بدل يدمروهالك

لو ده ينفع حبعمل كده فل جدا و اشكرك علي معلومه ال ١٢٨ و يا ريت يا باشا تنساني و اننا اتكلمنا ... هههههههه بهرج طبعا علي راسي و الله

[rrchico]

وياتري العربيه دي هتمشي ازاي في شوارعنا الجميله
اللي أعرفوا عن العربيه ارتفاعها قصير جدا ه يطلع بيها ازاي المطبات

ال ground clearance 15 cm بس فيها ميزه وحيده عن كل العربيات الاسبور و هي ان فيها زرار في الطابلوه بيعلي العربيه من قدام هيدروليك حوالي ١٠ سم او اكتر تاني و تمشي بيه ٥٠ كيلو مرفوع ... و بعدين تكبسها تاني ع الارض لو ماشي في طريق كويس و بعدين العربيات دي مش بيتمشي بيها في اي حته بيمشي بيها شوارع رئيسيه و بالراحه مش هري في مصر و شكرا يا باشا ردك في محله و شكرا

[rrchico]

مفيش حد بيفهم فيها هنا و هتبقا بالنسبلهم كاءن فضاءى
و ده عن تجربه و مكنتش لمبورجينى
كانت حاجه اقل
كانت داخله بتجيب واحد ايرور
طالعه فيها ٢٤ ايرور و صفاره فى الفرامل

انا سمعت ان كار بويز شغالين في اللامبو لغايه الجلاردو و كتير عندهم حوالي ١٠ عربيات في مصر ف اعتقد حينفع و برضه لسه بدور ،، و شكرا يا باشا لردك