الاسعار دى بجد ولا هزار ؟؟؟ اسعار العربيات فى كندا بتمن علبه سجاير فى مصر

[EgyArmy]

نفسى اعرف الموقع ده الاسعار فيه بجد ولا لا
New & Used Cars for Sale – Auto Classifieds – autoTRADER.ca
يعنى فيه هيونداى سانتافى 2006 ب 700 دولار
كرايسلر 2004 بس مش عارف الموديل بالظبط و ب 800 دولار
Gmc envoy 2002ب 1000 دولار
نيسان ماكسيما 2004 ب1000 دولار
مازدا 3 2004 ب1200 دولار

انا عارف ان العربيات دى برضه بتاعة الناس الكحيانه هناك
بس بالنسبه لواحد مصرى مسافر هناك هتبقى عنب العنب و يمكن عمر رجله ما لمستهم
يعنى الكلام ده بجد ولا ايه ؟

و السؤال الاهم
العربيات دى ايجار ولا بيع ؟
اصل بجد السعر كوميدى
ده لو بيع انا ممكن يجيلى صدمه نفسيه و عصبيه لمدة لا تقل عن 4 سنين
طيب التأمين و الضريبه بره كام فى السنه ؟

[MOSHAKS]

انا عامل زيك بالظبط هتجنن من الموقع ده فى المانيا


BMW 316i as Saloon in München

العربية البى ام ديه 199 يورو ونفسى اعرف تكلفة الشحن لمصر كام لو حد اعرفه هناك هيبعتهالى ؟؟؟ وتكلفة التريبتيك كام فى مصر علشان تخش 6 شهور؟؟؟

[HishamShafai]

علشان تعرفوا المكاسب إللى بالعبيط لبتوع قطع غيار الإستيراد

[ibrahim sallam]

انا عامل زيك بالظبط هتجنن من الموقع ده فى المانيا


bmw 316i as saloon in münchen

العربية البى ام ديه 199 يورو ونفسى اعرف تكلفة الشحن لمصر كام لو حد اعرفه هناك هيبعتهالى ؟؟؟ وتكلفة التريبتيك كام فى مصر علشان تخش 6 شهور؟؟؟

متابع

انا اعرف من خلال الجمارك ان اغلى الجمارك بتكون على المرسيدس والبي ام ( ده بالنسبه حتى للمعوقين) فما بالك بالسليم!.

على العموم انا كنت لسه هعمل موضوع مشابه.

لآن (( خطيبتي)) (( خطوبه مرتقبه يعني ::)))

مركبه مفصل في الحوض فهي ممكن لها سياره معوقين

ربنا يسهل ونجيب حاجه كويسه ياريت اللي عنده خلفيه عن الشحن من دول اوروبا وتحديدا المانيا

يخبرنا وياريت لو فيه شخص ثقه في المانيا يهتم بهذا الموضوع ويشوف لنا الاسعار هناك ويقولنا

على كيفية الشحن والاجراءات المطلوبه.

[ENG.MaRk]

سعر ال C class الجديدة في ألمانيا بيبدأ من 27000 Euro و الجولف بيبدأ من 19000 Euro و بالنسبة للعربيات المستعملة ممكن تلاقي عربيات موديل 2009 Mercedes C class بتبدأ من 11000 Euro و علي فكرة كلها حالات نضيفة لأن الطرق هناك فعلاً حرير حتي لو الmileage عالي و السعر هناك بالنسبالهم مش حوار لأن المهندس اللي لسة متخرج بياخد 3000-3500 Euro في الشهر ده الnet salary بعد خصم الtaxes بس للأسف العيشة هناك غالية لأن أغلي حاجتين هناك هم السكن و المواصلات و دول أكتر حاجتين انت محتاجهم و لكن في خلال سنة علي الأكثر ممكن تلاقي نفسك ممتلك مرسيدس C class لو قرصت علي نفسك شوية و حوشت 1000 في الشهر و الباقي يعيشك برضه ... للأسف في مصرنا الحبيبة الجمارك بتظبط التجار و التجار بيقلبوا الزبون و الزبون حابب يتقلب بمزاجه لأنه لاقي إن سعر العربيات غالي جداً و برضه بيدفع و كلها سياسة عرض و طلب ... إن شاء الله مصر هينصلح حالها و تبقي أحسن مكان في العالم

[م أحمد]

بعد ما نتحاسب على البنزين بالسعر العالمى إن شاء الله الخطوة اللى بعدها لازم نتحاسب على السيارات بالسعر العالمى

تقريبا احنا الدولة الوحيدة فى العالم اللى ممكن تلاقى فيها فيات قردة موديل ستينات احنا و الهند اللى عددهم مليار نسمة

[EgyArmy]

قريت كل الردود بتمعن و دقه جدا و كان نفسى ارد على كل واحد اشكرة بس انا بتكلم من الموبايل
يا جماعة انا فى مصر مش قادر ب35 الف اجيب حاجه مستعمله نضيفه
انا لو فى كندا بالرقم ده
كان زمانى جيبت حوالى 4 عربيات كل واحدة هنا بتتباع ب80 و ب90 الف ده اذا كانوا موجودين اصلا فى مصر

[Bassem Youssef]

و احنا بنشتري الفيرنا باكتر من 10 الاف دولار

حسبي الله و نعم الوكيل

[unl0veable]

قريت كل الردود بتمعن و دقه جدا و كان نفسى ارد على كل واحد اشكرة بس انا بتكلم من الموبايل
يا جماعة انا فى مصر مش قادر ب35 الف اجيب حاجه مستعمله نضيفه
انا لو فى كندا بالرقم ده
كان زمانى جيبت حوالى 4 عربيات كل واحدة هنا بتتباع ب80 و ب90 الف ده اذا كانوا موجودين اصلا فى مصر

+11111111111111111111111

[رامي مصطفى]

بلاش تعقيد
زوج اختي مرشد سياحي وكان اتعرف ع ساءح فرنسي قالوا عندي ميجان 2006 باين لو عايزها خدها بس بشحنها وجماركها عندكوا فسألوا (زوج اختي) هتبيعهالي بكام قالوا والله مجانا دا انتا هتشيل عني رسوم التخلص منها في بلدي

[EgyArmy]

هوا السكن فى كندا بكام ؟
و طبعا محدش يقولى فندق او شقه اوضتين حتى
انا عايز اعرف تمن الشقه الاوضه واحدة و الصاله
و مش تشطيب فندقى يعنى انا من النهايه عايزها زى عيشة الطبقه المتوسطة الى اختفت من مصر دى
و فى شوارع جانبيه كدة متطرفه عشان الواحد لما يتثبت من زمايله المصريين ميبقاش شكله وحش ادام الكنديين

[شاهين - بنز]

طب خد عندك دي
بي إم ٧٤٥ موديل ٢٠٠٢ ٨ سلندر الشكل قبل الجديد ب ١٧٩٠ دينار يعني ب ٤٤ ألف جنيه وفي أرخص من كده كمان

وده أكبر دليل إن أسعار المستعمل في مصر إستهبال رسمي يعني البي إم دي تمنها زيرو في مصر أد تمنها بره ونص بره فالمنطقي إن يكون سعرها ٦٦ ألف جنيه بعد الجمارك لكن د بنفس الحالة في مصر تعملها ١٨٠ ألف جنيه يعني ٣ أضعاف سعرها الحقيقي

سيارات - الكويت. - Q8Car - بي ام دبليو 745 i 2002

[EgyArmy]

طب خد عندك دي
بي إم ٧٤٥ موديل ٢٠٠٢ ٨ سلندر الشكل قبل الجديد ب ١٧٩٠ دينار يعني ب ٤٤ ألف جنيه وفي أرخص من كده كمان

وده أكبر دليل إن أسعار المستعمل في مصر إستهبال رسمي يعني البي إم دي تمنها زيرو في مصر أد تمنها بره ونص بره فالمنطقي إن يكون سعرها ٦٦ ألف جنيه بعد الجمارك لكن د بنفس الحالة في مصر تعملها ١٨٠ ألف جنيه يعني ٣ أضعاف سعرها الحقيقي

سيارات - الكويت. - q8car - بي ام دبليو 745 i 2002

يعنى دى ام 44 الف جنيه تتقارن باللوجان و النوبيرا و الجوليت
بلد صحيح معندهاش غير حجر و بتقولك ده اثار

[A3SAR]

انا اتعقدت وانا عمال اصرف علي اللادا بالالوفات .. يا خسارة فلوسي

[EgyArmy]

انا اتعقدت وانا عمال اصرف علي اللادا بالالوفات .. يا خسارة فلوسي

كان زمانك راكب فورد ولا بى ام ولا كرايسلر
و بسعر ارخص من اللادا فى مصر
و توكيلها هناك فاتح 24 ساعة و قطع غيارها معمرة


اه بالنسبه لدعم البنزين مش شرط يبقى بالسعر العالمى عشان العربيات سعرها يقل
و الدليل على كدة السعودية