امتى الواحد بيجيب مخالفات على النمر القديمة

[mody112]

دلوقتى انا عربيتى كانت مرور السويس وانا لما اشترتها نقلت ملكية لمرورى وفحصت وخلصت كل حاجة .
ودلوقتى انا عاوز ابيع العربية وطبعا عاوز اجيب مخالفات فهل فى المرور بتاعى هيطلبوا منى انى اجيب مخالفات من السويس مع ان علاقتى بيه اتقطعت خاالص ولا هيطلعوا بيفهموا ومش هيطلبوا حاجة من السويس وانا ناقل ملكية بقالى سنتين .
واللى مقلقنى انى لما روحت اجيب مخالفات واديتلهم الرخصة عملولى شهادة بيانات لمرور العجوزة لان المرور بتاعى مفيهوش نيابة وكتبوا اللوحات القديمة بتاعت السويس ؟

[Abo_Mazen]

باشا ..إيه اللخبطه دي ...؟؟...حضرتك إنسى موضوع السويس ده خالص ..السويس دي كانت مرحلة في حياة السيارة وإتقفلت ...وبعدين إيه اللي دخل مرور العجوزه في الموضوع..كل ما هنالك إن المرور اللي حضرتك موجود فيه دلوقتي مفيهوش نيابه ..فعشان كده تبعية مرور حضرتك الحالي لنيابة مرور العجوزه ..والنمر القديمة دي بيستعلموا بيها عن المخالفات بس مش أكتر

[mody112]

ايوة يعنى طالما هما كتبوها فى شهادة البيانات يبقوا هيطلبوا ليها استعلام مخالفات ولا لا
وانا بقول كده ليه لان العربية لما نقلتها باسمى اخدت تصريح لحين وورد الملف وبعد مدة التصريح روحت للمرور طلبوا منى مخالفات تانى من السويس مع انى كنت نقلت خلاص ؟

[Abo_Mazen]

ايوة يعنى طالما هما كتبوها فى شهادة البيانات يبقوا هيطلبوا ليها استعلام مخالفات ولا لا
وانا بقول كده ليه لان العربية لما نقلتها باسمى اخدت تصريح لحين وورد الملف وبعد مدة التصريح روحت للمرور طلبوا منى مخالفات تانى من السويس مع انى كنت نقلت خلاص ؟

شهادة بيانات إيه اللي كتبوا فيها ؟؟؟؟؟

[mody112]

لما روحت المرور بتاعى عشان اجيب شهادة مخالفات وبما ان المرور مفيهوش نيابة فبيدوك شهادة بيانات لمرور العجوزة اللى فى النيابة تبعنا فبيتكتب فيها شهادة بيانات موجهه لمرور العجوزة وبيانات الرخصة وارقام اللوحات القديمة اللى هى كانت مرور السويس

[Abo_Mazen]

لما روحت المرور بتاعى عشان اجيب شهادة مخالفات وبما ان المرور مفيهوش نيابة فبيدوك شهادة بيانات لمرور العجوزة اللى فى النيابة تبعنا فبيتكتب فيها شهادة بيانات موجهه لمرور العجوزة وبيانات الرخصة وارقام اللوحات القديمة اللى هى كانت مرور السويس

أيوه ..شهادة البيانات دي عشان حضرتك ما معاكش رخصه ..وماشي بتصريح مؤقت ..فشهادة البيانات دي زي الرخصه كده ..وحضرتك عاوز تطلع شهادة مخالفات ..وفي المرة الأولى حضرتك طلعت شهادة المخالفات من السويس ..رغم إن الملف كان لسه برضه ما وصلش القاهرة ..وكان طلع من السويس ..يبقى المره دي زي المره اللي فاتت

[mody112]

لا شهادة البيانات دى علشان اروح بيها المرور التانى اللى مش تبعى بمعنى اخر ان المرور بتاعى بيخاطب نيابة الهجوزة فى انهم يصدروا شهادة المخالفات على الرخصة بتاعت العربية بتاعتى لكن انا معايا الرخصة .