كيفية شراء سيارة من مرور الاسكندرية

[egyplan]

السلام عليكم
شفت اعلان فى مواقع بيع السيارات عن سيارة اوبل كورسا المكان فى القاهرة
السيارة كانت معروضة بسعر كويس فى احد المواقع 48 الف
ونفس السيارة فى موقع اخر معروضة ب 50 الف
المهم اتصلت برقم البائع وذهبت لمعاينة السيارة وذلك قبل الساعة الخامسة
الشخص الذى قابلنى فى الشارع فى مكان السيارة ليس المالك ولكنه ذهب الى احد العقارات وجاء بمفتاح السيارة وقال ان السيارة ملك لسيدة
بعد قليل جاء رجل وقال انه زوج صاحبة السيارة واعطى المفتاح الى الشخص الاخر وقال لى ان هذه الشخص مسؤل عن السيارة وعن تحديد مبلغ البيع وانه فى مشغوليات وان زوجته تريد بيع السياره لشراء سيارة احدث والسيارة كانت مرفوعه 3 سنوات لانها كانت بامريكا وهى الان فى الاسكندرية وهى عملت خبطة بسيطة بالسيارة فى الاكصدام والكابوت
واستأذن وانصرف وقال للشخص الاخر انه يحضر له السيارة فى النادى اخر اليوم

المهم اتفرجت على السيارة كشكل وكعداد وشنطة فالسيارة فى مجملها كويسة والسعر مناسب
وبعد قليل جاء شخص اخر يعاين السيارة وبعد قليل شخص ثالث

المهم وجدت بعض ترشيح الزيت على الموتور فطلبت ان يتم الكشف على السيارة
فجاء شخص كبير فى المكان وقال فيه ميكانيكى فى اخر هذ الشارع
ركبنا نحن الثلاثة وذهبنا للميكانيكى فنظر وقال ده عادى تعريق زيت
المهم رجعنا الى مكان السيارة الاصلى مرة اخرى والمشترين مازالوا واقفين ينتظرون دورهم للفرجة على السيارة
سالت البائع السيارة بكام قال ب 50 الف
قلتله انا شوفتها ب 48 الف
قال انه واحد الاشخاص الاخرين وضعوا الاعلان وهو غلط وحط الرقم 48 الف
انا قلتله ان الرقم 48 هو المناسب
واتصل بزوج صاحبة السيارة وفى الاخر الرجل وافق على بيع السيارة ب 48 الف
المهم الشاب قال انه ليه سمسرة 500 جنية واما هيبعها لشخص اخر
المهم اعطية مبلغ 250 ربط كلام عشان الناس اللى كانت واقفة ومرضيش يكتب وصل بيهم
اللى عرفت اهده منه صورة البطاقة وصورة رخصة السيارة
وعرفت ابص على رقم الشاسية وطلع مظبوط ورقم موتور الكورسا مش عارف هو فين؟

بعدها بقليل لقيت الراحل الى واقف فى الشارع الكبير بتاع المنطقة بيقول ابقى اعطي صاحب السيارة المبلغ الا 3 الاف لحين عمل التوكيل
انا قلتله التوكيل والفلوس فى نفس الوقت ولابد من احضار شهادة المخالفات
المهم مش عارف اتصرف وازاى اعرف اشترى السيارة بدون مايكون هناك مشاكل

لانه غالبا زوج السيدة هيسافر الاسكندرية وهيعملوا التوكيل من هناك !!!

عاوز اعرف ازاى تعرف ان التوكيل مزور او سليم لانه تقريبا ميعاد تسليم التوكيل الخميس مساءا

[elgohary10]

لاتدفع اى مليم الاادا
اولا تكشف على اعربيه كويس وسيبك من الميكانيكى اللى على اخر الشارع
ثانيا تكون موجود اثناء عمل شهاده المخالفات وتستعلم عن السياره استعلام امنى فى المرور
ثالثا تكون موجود اثناء عمل التوكيل فى الشهر العقارى وتتم كل الامور امام ناظريك
مش عارف وربنا يسامحنى حاسس باحساس غير مريح من تواجد اكثر من مشترى فى نفس الوقت وحكايه ادفع الفلوس الا ثلاثه الاف جنيه واختلاف سعر السياره وانك لم ترى مالكه السياره حتى الان والميكانيكى اللى على الناصيه وارجو انى اكون مخطىء

[egyplan]

اخى الكريم
عندى سؤال
كيفية عمل الاستعلام الامنى ده؟ وهل لا بد من عمله بالاسكندرية؟
انا كتبت رقم الرخصة (لانى صورتها ) على النت وعرفت ان السيارة ليست بها مخالفات
هل فيه وسيلة على النت اعرف بيها بيانات صاحب السيارة من خلال رقم الرخصة؟

هو يمكن انا قلقان شوية لانى اول مرة اشترى سيارة بنفسى اخر مرة اشتريت سيارة كانت عام 2007 وكان صديقى هو اللى ماسك الموضوع لانه كان عنده معرض تاحير سيارات ولكن للاسف هو الان سافر للعمل بالسعودية

الموضوع ان فيه سيدة مقيمة بالاسكندرية وزوجها عنده شركة صغيرة فى العجوزة ومخلى شاب شغال فى محل تاجير سيارات (مون واقع صورة بطاقته مكتوب المهنه) هو اللى بيسوق لبيع السيارة

[elgohary10]

اعتقد والله اعلم ان الاستعلام الامنى يمكن عمله من اى وحده مرور لان شبكه الحاسب الالى مرتبطه ببعضها
وافضل عمل الاستعلام الامنى من وحده المرور التابع لهاالسياره وفى وجودك وكل المطلوب انه اثناء استخراج شهاده المخالفات تطلب من الموظف المسؤل عمل استعلام امنى بموجب نمودج موجود فى جميع ادارات المرور
وارجو انك تكون متواجد اثناء عمل كل من شهاده المخالفات وكدلك التوكيل وانا باؤكد على دلك وده بعد ماتكون كشفت على السياره بواسطه سمكرى سيارت او مركز صيانه تثق انت فيه ومحدش من اصحاب السياره يوجهك اليه وانا من اسكندريه لو اقدر اخدمك فى اى حاجه لوجه الله فانا تحت امرك وياريت تبعت لى تليفونك او ترسله الى على الخاص للحديث معاك وربنا يوفقك ويبعد عنك ولاد الحرام

[egyplan]

الاستاذ الجوهرى
الف شكر على رد حضرتك وعلى المعلومات المفيدة
انا الى الان فى انتظار مكالمة من زوج صاحبة السيارة لمعرفة كيف ستتم عملية البيع والشراء
واللى فهمتك كده من كلام حضرتك انى لازم اعمل 3 خطوات تامينية لانى بصراحة بدءت اقلق
1- سوف اقوم بالبجث عن سمكرى كويس ياتى معى الى مكان السيارة للاطمئنان على اساسيات السيارة فى الوقت الذى سوف احدده مع زوج صاحبة السيارة اول ما هيتصل لانى فعلا لم استطع المعاينة الكافية بسبب ان الوقت كان قبل الفطار وبسبب الروشه اللى اتعملت من الناس اللى كانت ملمومه

2- ساحاول البحث على طريقة للكشف على الموضوع الامنى لهذه السيارة

3- ساقوم بابلاغ زوج صاحبة السيارة عند الاتصال بي (لان لم احصل على رقمة والشخص اللى كان بيفرج الناس على السيارة رفض ان يعطنى رقمة وقالى انه هيتصل بى) بانى سوف احضر معه اجراءات الشهر العقارى والمرور وان كانت صاحبة السيارة لن تستطيع ان تاتى الى القاهرة فانا ساذهب معه الى الاسكندرية ومعى النقود

انا خايف لان طريقة البيع والشراء حاسس انها مريبة شوية ومش مقتنع انى استلم توكيل السيارة فى القاهرة ولا ارى البائع ولن استطيع معرفة صحة التوكيل الا بعدها بيومين لانه غالبا سيتم يوم الخميس مساء
فوارد ان التوكيل يتزور او يتعمل توكيلين لاكثر من شخص او يتعمل مثلا ان البائع يستطيع عمل الغاء للتوكيل

كون انى الى الان لم استطع المحادثة مع زوج صاحبة السيارة والولد اللى كان بيعرض السيارة مش عاوز يدينى موبيله برضة شئ يقلق

معلومات عن السيارة وفقا لصورة الرخصة :
مرور ابيس بالاسكندندرية والرخصة الى 3 -2016 والفحص فى 2017
وعنوان السيدة فى (خلف 3 ش لافيزون بولكلي)

كنت عاوز اعرف ايضا هل فعلا موضوع ان سيارات الاسكندرية تصاب بالبرومة بسرعة ام هذه اشاعة الناس تقولها؟

[Abo_Mazen]

حضرتك ممكن تصمم على إن التوكيل يتعمل في حضورك ..سواء بقى يتعمل في إسكندرية يبقى إن هتسافر ..أو يتعمل في القاهرة وتبقى إنت موجود ..ثانيا لا تنازل عن شهادة المخالفات وشهادة البيانات ..ثالثا ..الدفع خالص التمن وقت تسليم المستندات

[egyplan]

هل شهادة البيانات هذه ضرورية اذا كانت الرخصة سارية؟

[SHERBINII]

دي مش أصول بيع وشراء , أنا من رأيي تخلع منهم عشان هم يا اما نصابين يا اما معوجين بزيادة وفالحالتين مش حتاخد من وراهم حاجة عدلة

[Abo_Mazen]

هل شهادة البيانات هذه ضرورية اذا كانت الرخصة سارية؟

ما هي شهادة البيانات دي على الأقل هتضمن ليك سلامة البيانات اللي في الرخصه وبالتبعيه سلامة التوكيل ..لإن لازم البيانات اللي في شهادة البيانات تكون نفسها البيانات اللي الرخصه تكون هي نفسها اللي في التوكيل ..وخلي بالك ..شهادة البيانات أصلا عشان تطلع بيتعمل إستعلام أمني

[egyplan]

ما هي شهادة البيانات دي على الأقل هتضمن ليك سلامة البيانات اللي في الرخصه وبالتبعيه سلامة التوكيل ..لإن لازم البيانات اللي في شهادة البيانات تكون نفسها البيانات اللي الرخصه تكون هي نفسها اللي في التوكيل ..وخلي بالك ..شهادة البيانات أصلا عشان تطلع بيتعمل إستعلام أمني

الله يكرمك علي المعلومه دي
شهاده بيانات واضح انها مهمه فعلا.
لو تعرف يامازن حد سمكري يبص علي السيارة في منطقه العجوزه

انا منتظر الراجل ده يتصل عشان اعرف افهم منه اكتر موضوع التوكيل وهل سيكون في الاسكندريه او القاهرة

[Abo_Mazen]

الله يكرمك علي المعلومه دي
شهاده بيانات واضح انها مهمه فعلا.
لو تعرف يامازن حد سمكري يبص علي السيارة في منطقه العجوزه

انا منتظر الراجل ده يتصل عشان اعرف افهم منه اكتر موضوع التوكيل وهل سيكون في الاسكندريه او القاهرة

باشا أنا من إسكندرية

[egyplan]

هههههههههه
طلعوا قرايبك يعنى هههههههههههههه
يعنى لو حصل نصب فى الموضوع هتبقى انت المسؤول انك تظبطهم

طب ايه موضوع البارومة ده بتاع الاسكندرية؟ فيه ناس عماله تقول سيارات الاسكندرية بتكون معرضة للبارومة جامد

[Abo_Mazen]

هههههههههه
طلعوا قرايبك يعنى هههههههههههههه
يعنى لو حصل نصب فى الموضوع هتبقى انت المسؤول انك تظبطهم

طب ايه موضوع البارومة ده بتاع الاسكندرية؟ فيه ناس عماله تقول سيارات الاسكندرية بتكون معرضة للبارومة جامد

إحنا فصل الشتا عندنا في إسكندرية ..شتا بجد ..الشتا بتاعنا ممطر قوي ..ده غير نسبة الملوحة المرتفعه ..يعني مثلا لو العربية دي بتركن نواحي البحر ..في شارع بورسعيد مثلا أو في أي شارع قريب من البحر ..فتكون حالتها صعبة فعلا ..لكن على كلام حضرتك الموضوع فيه جراج ومحافظه على العربية ..لكن عموما الشتا بتاعنا صعب عن أي محافظة تانيه في الجمهورية ..عشان زي ما قلت لحضرتك الشتا بتاعنا ممطر قوي ..لكن عموما ..الفحص الكويس ممكن يحل لحضرتك المشكلة دي ..ما إحنا الإسكندرانية بنبيع ونشتري عادي يعني ..بنفحص ونبص كويس ونتوكل على الله وناخد بالأسباب ..

[egyplan]

الحمد لله رب العالمين وقدر الله ومشاء فعل

احكى لكم بقية القصة وبصراحة انا زعلان جدا وقرفان جدا

انتظرت يوم كامل ولم اتلقى اى اتصال من زوج صاحبة السيارة فقلت لا اتصل بهم كى لا يحسوا انى ملهوف على السيارة

فى اليوم التالى (الاربعاء مساءا الساعة 11) تلقيت اتصال من خالد وهو المسؤل عن بيع السيارة وقال لى ان الاستاذ احمد (زوج صاحبة السيارة) يريد الان بياناتك عشان يعمل توكيل السيارة لانه الان بالاسكندرية.

رديت عليه وقلتله ازاى هيعملوا التوكيل وانا لم ارى صاحبة السيارة وهو اساسا لم يتسلم الفلوس؟!

فقلت له هات رقمه اتصل بيه. فاعطانى رقمه واتصلت باستاذ احمد وقلتله
انى كنت فى انتظار مكالمتك وان استاذ خالد مكنش عاوز يدينى رقمك فقال لى انه سوف يقوم بعمل التوكيل
وان الفلوس مضمونه وتزيد.

وانى اريد شهادة المخالفات والبيانات للسيارة من مرور الاسكندرية
فقال لى انه يريد ان يبيع السيارة بسرعة لانه فى استعجال عشان زوجته تريد شراء السيارة الجديدة
وانه قادم للقاهرة صبح الغد فليس لدية وقت لعمل تلك الاجراءات
وان السيارة لسا مرخصة من شهر وانه سوف يكتب تعهد لو ظهرت مخالفات سيقوم بدفعها
وقال لى ان هناك جار له كان يريد شراء السيارة ولكنه قال له ان شخص اخر دفع العربون (250 جنية)

فقلت له موضوع شهاد المخالفات ده مش مشكلة وايضا شهادة البيانات
ولكنى ولو انت كنت اتصلت بى امس كنت جيت معاك الاسكندرية

فقلت له انى اريد رفع السيارة فى البنزينه عشان اكشف على رقم الموتور لانى لم استطع ان ارى السيارة بوضوح لان وقت المعاينه كان قبل الفطاروبعدها نعمل الاجراءات
فقل لى انه سوف ياتى الى القاهرة على ظهر الخميس وسيترك المفتاح مع خالد فى المكتب وانى استطيع ان اكشف على السيارة فى اى بنزينه ولكنه يحتاج السيارة الى يوم الجمعة مساءا لانه معزوم على الفطار

فالميعاد المناسب لعمل التوكيل للسيارة سيكون يوم السبت فى نادى الجزيرة وستكون زوجته معه

فقلت له انى ساذهب غدا الى البنك لاقوم بسحب المبلغ

وشكرته واغلقت التليفون معه وكلمت خالد فخالد لقيته عرف المكالمه وانى ساذهب معه اليوم الخميس للبنزينه وقالى لى متقعدش تشد مع الناس دى عشان خلقهم ضيق وان العربية زى الفل ولقطة والعربية عدادها 60 الف كيلو ومرفوعة 3 سنوات واوبل كورسا موديل 2005 لقطة بملبغ 48 الف

المهم تانى يوم الصبح صحيت قعدت ادور على المحفظة ولم اجدها فى المنزل واندهشت لاختفاء المحفظة من المنزل بصورة غريبة رغم ان كل يوم بتكون موضوعه على المكتب

وفى الاخر وجدت المحفظة فى مكان غريب فاستغربت
المهم رحت البنك واخذت المبلغ وطبعا اخذت اذن من الشغل ووضعت المبلغ فى المنزل وانتظرت مكالمه خالد
اتصل خالد الساعة 11:30 ظهرا
سالنى انت عامل ايه قلتله كويس
قالى : مش عارف اقولك ايه يا استاذ محمد بس المدام امبارح كانت ماشية بالسيارة وخبطتها فاللاسف مش هيبيعوا السيارة
قلتله : مش مشكلة ابص على الخبطة لو صغيرة مش مشكلة اشتري السيارة

قالى : بس للاسف السيارة اتباعت لقريب المدام وبصراحة م احمد فالى وانا محرج منك جدا وخاصة انى كنت هاخد 500 جنية مصلحة من السيارة
وقالى شوف هتيجى امتى العجوزة تاخد ال 250 جنية لانهم معايا

قلتله : طب انا هكلم ا احمد افهم منه

اتصلت باستاذ احمد من رقم موبيلى فلم يرد
اتصلت بيه بعدها بعشر دقائق من رقم اخر فرد عليا

وقلتله انا اللى كنت هشترى السيارة الكورسا قالى للاسف امس احد اقرباء المدام اشترى السيارة خلاص وحتى اشتراها اقل من تمنها ب 2000 جنية (يعنى ب 46 الف) وانه باعها ليه لانه كان عاوز يشتريها من فترة وانه مش فاضى لوجع الدماغ؟!!!

فقلتله هو انا عملت ايه يضايق حضرتك؟

قالى مش قصدة هو عاوز يبيع السيارة بسرعة وان قريبهم ده عارف السيارة واشترى السيارة على طول

وقالى ان بيع وشراء السيارات نصيب وعتذر لى
قلتله ده انا رحت البنك واتاذنت من الشغل واخذت الفلوس

قالى على العموم السيارة اتباعت واعتذر لى

شكرته وقفلت معاه

واتصلت بخالد عشان اعدى عليه اليوم الرابعة عصرا فى العجوزة اخذ ال 250 جنية
وقتله تخيل ان ا احمد باع السيارة اقل من الرقم اللى كنت هشتريها بيه ب 2000 جنية يعنى ب 46 الف
فقالى الناس دى مبتفرقش معاها الفلوس قوى قد ما تفرق معاها وجع الدماغ والمشاوير
فقالى تلاقى واحد معرفته قاله هيشتريها وقتى ودفع الفلوس واشترى بلا وجع دماغ لانه رجل بيزنس مان ومش فاضى لوجع الدماغ

-------------------------------------------------------------------------------------------------------
ودى كانت قصة محاولة شراء سيارة اوبل

ياريت تحاولوا توضحولى ايه الغلط فى اللى بيحصل ده
وهل انا غلطان فى شئ؟

[Abo_Mazen]

الحمد لله رب العالمين وقدر الله ومشاء فعل

احكى لكم بقية القصة وبصراحة انا زعلان جدا وقرفان جدا

انتظرت يوم كامل ولم اتلقى اى اتصال من زوج صاحبة السيارة فقلت لا اتصل بهم كى لا يحسوا انى ملهوف على السيارة

فى اليوم التالى (الاربعاء مساءا الساعة 11) تلقيت اتصال من خالد وهو المسؤل عن بيع السيارة وقال لى ان الاستاذ احمد (زوج صاحبة السيارة) يريد الان بياناتك عشان يعمل توكيل السيارة لانه الان بالاسكندرية.

رديت عليه وقلتله ازاى هيعملوا التوكيل وانا لم ارى صاحبة السيارة وهو اساسا لم يتسلم الفلوس؟!

فقلت له هات رقمه اتصل بيه. فاعطانى رقمه واتصلت باستاذ احمد وقلتله
انى كنت فى انتظار مكالمتك وان استاذ خالد مكنش عاوز يدينى رقمك فقال لى انه سوف يقوم بعمل التوكيل
وان الفلوس مضمونه وتزيد.

وانى اريد شهادة المخالفات والبيانات للسيارة من مرور الاسكندرية
فقال لى انه يريد ان يبيع السيارة بسرعة لانه فى استعجال عشان زوجته تريد شراء السيارة الجديدة
وانه قادم للقاهرة صبح الغد فليس لدية وقت لعمل تلك الاجراءات
وان السيارة لسا مرخصة من شهر وانه سوف يكتب تعهد لو ظهرت مخالفات سيقوم بدفعها
وقال لى ان هناك جار له كان يريد شراء السيارة ولكنه قال له ان شخص اخر دفع العربون (250 جنية)

فقلت له موضوع شهاد المخالفات ده مش مشكلة وايضا شهادة البيانات
ولكنى ولو انت كنت اتصلت بى امس كنت جيت معاك الاسكندرية

فقلت له انى اريد رفع السيارة فى البنزينه عشان اكشف على رقم الموتور لانى لم استطع ان ارى السيارة بوضوح لان وقت المعاينه كان قبل الفطاروبعدها نعمل الاجراءات
فقل لى انه سوف ياتى الى القاهرة على ظهر الخميس وسيترك المفتاح مع خالد فى المكتب وانى استطيع ان اكشف على السيارة فى اى بنزينه ولكنه يحتاج السيارة الى يوم الجمعة مساءا لانه معزوم على الفطار

فالميعاد المناسب لعمل التوكيل للسيارة سيكون يوم السبت فى نادى الجزيرة وستكون زوجته معه

فقلت له انى ساذهب غدا الى البنك لاقوم بسحب المبلغ

وشكرته واغلقت التليفون معه وكلمت خالد فخالد لقيته عرف المكالمه وانى ساذهب معه اليوم الخميس للبنزينه وقالى لى متقعدش تشد مع الناس دى عشان خلقهم ضيق وان العربية زى الفل ولقطة والعربية عدادها 60 الف كيلو ومرفوعة 3 سنوات واوبل كورسا موديل 2005 لقطة بملبغ 48 الف

المهم تانى يوم الصبح صحيت قعدت ادور على المحفظة ولم اجدها فى المنزل واندهشت لاختفاء المحفظة من المنزل بصورة غريبة رغم ان كل يوم بتكون موضوعه على المكتب

وفى الاخر وجدت المحفظة فى مكان غريب فاستغربت
المهم رحت البنك واخذت المبلغ وطبعا اخذت اذن من الشغل ووضعت المبلغ فى المنزل وانتظرت مكالمه خالد
اتصل خالد الساعة 11:30 ظهرا
سالنى انت عامل ايه قلتله كويس
قالى : مش عارف اقولك ايه يا استاذ محمد بس المدام امبارح كانت ماشية بالسيارة وخبطتها فاللاسف مش هيبيعوا السيارة
قلتله : مش مشكلة ابص على الخبطة لو صغيرة مش مشكلة اشتري السيارة

قالى : بس للاسف السيارة اتباعت لقريب المدام وبصراحة م احمد فالى وانا محرج منك جدا وخاصة انى كنت هاخد 500 جنية مصلحة من السيارة
وقالى شوف هتيجى امتى العجوزة تاخد ال 250 جنية لانهم معايا

قلتله : طب انا هكلم ا احمد افهم منه

اتصلت باستاذ احمد من رقم موبيلى فلم يرد
اتصلت بيه بعدها بعشر دقائق من رقم اخر فرد عليا

وقلتله انا اللى كنت هشترى السيارة الكورسا قالى للاسف امس احد اقرباء المدام اشترى السيارة خلاص وحتى اشتراها اقل من تمنها ب 2000 جنية (يعنى ب 46 الف) وانه باعها ليه لانه كان عاوز يشتريها من فترة وانه مش فاضى لوجع الدماغ؟!!!

فقلتله هو انا عملت ايه يضايق حضرتك؟

قالى مش قصدة هو عاوز يبيع السيارة بسرعة وان قريبهم ده عارف السيارة واشترى السيارة على طول

وقالى ان بيع وشراء السيارات نصيب وعتذر لى
قلتله ده انا رحت البنك واتاذنت من الشغل واخذت الفلوس

قالى على العموم السيارة اتباعت واعتذر لى

شكرته وقفلت معاه

واتصلت بخالد عشان اعدى عليه اليوم الرابعة عصرا فى العجوزة اخذ ال 250 جنية
وقتله تخيل ان ا احمد باع السيارة اقل من الرقم اللى كنت هشتريها بيه ب 2000 جنية يعنى ب 46 الف
فقالى الناس دى مبتفرقش معاها الفلوس قوى قد ما تفرق معاها وجع الدماغ والمشاوير
فقالى تلاقى واحد معرفته قاله هيشتريها وقتى ودفع الفلوس واشترى بلا وجع دماغ لانه رجل بيزنس مان ومش فاضى لوجع الدماغ

-------------------------------------------------------------------------------------------------------
ودى كانت قصة محاولة شراء سيارة اوبل

ياريت تحاولوا توضحولى ايه الغلط فى اللى بيحصل ده
وهل انا غلطان فى شئ؟

كنت بدور على عربيه ..زوجتي وهي بتقلب على النت قالتلي شفت عربيه إكسل جميلة ..تكييف وسنتر بس 1300 سي سي مش 1500 ..العربية موجوده فين ياباشا ..موجوده في سابا باشا ..يعني حاجه كده نواحي سيدي بشر ..وأنا من العجمي..يعني مشوار غلس عشان تروحه ..المهم روحت يوميها من شغلي وكانت الساعة تقريبا أربعه ونص العصر ..وروحت لغاية مكان العربية وده طبعا بالتواصل مع صاحب العربية بالتليفون لغاية ما وصلت ..وأول ما وصلت لقيت صاحب العربية بيقولي أنا مش موجود وعندك السايس بتاع الجراج اللي العربية بتركن فيه إتفاهم معاه..طبعا أنا إتفاجئت بموضوع أنا مش موجود ده بعد ما وصلت ..يعني طول ما هو كان معايا على التليفون مقاليش خالص إنه مش موجود وكان بيتكلم كأنه واقف جنب العربية منتظرني ..المهم أنا رحت إتفرجت ولقيت العربية فيها تكييف تلاجه فعلا ..وكان فيها إكصدام خلفي مكسور وواقع وفانوس خلفي مكسور وباب الشنطة من ورا في تقفيعه كده غير معلومة السبب ..المهم الكلام اللي كان في الإعلان كان 30 الف وأنا من خلال التليفون نزلت السعر لغاية 29 ..وبصراحه العربية الصاج بتاعها مكانش فيه كلمة ..وخصوصا إن صاحب العربية كان من ضمن كلامه إن هو عمره ما عمل شغل سمكره في العربية ..هو أي حاجه عنده تتخبط أو باروما تظهر فيها بيغير علطول ..وقالي حتى إنه مغير رفرف كامل عشان خبطه صغيره ..وعشان كده كنت لما تقف وتخبط على أي حتة صاج في العربية ترن معاك كأنها عربيه زيرو ..وإتفقنا إني هيجب ميكانيكي تاني يوم عشان يشوف العربية ..روحت إتفقت مع الميكانيكي وكل حاجه إني هعدي على الميكانيكي تاني يوم بعد ما أرجع من الشغل عشان آخده وأروح أوريله العربية ..يعني نقول مثلا إني رحت شفت العربية لوحدي يوم الأربع بليل وإتفقت مع الميكانيكي إننا نروح سوا نيشوف العربية يوم الخميس العصر على ما أكون رجعت من الشغل أعدي على الميكانيكي آخده وننزل نشوف العربية وخصوصا إن الميكانيكي من العجمي برضه زي ..المهم بقى يوم الخميس الضهر بتصل بصاحب العربية عشان أئكد عليه إني جاي أنا والميكانيكي عشان نشوف العربية على العصر كده ..لقيت صاحب العربية بيقولي .آسف ..أنا في الشهر العقاري دلوقتي بعمل توكيل لواحد عشان العربية إتباعت ..كده دي واحده ..يعني أنا لولا إتصلت بيه للتأكيد بس ..مع إني كنت مأكد عليه من يوم الأربع بليل إن فيه ميكانيكي هيكون معايا الخميس العصر ..يعني لولا أنا إتصلت بيه على الخميس الضهر كان زماني رحت ولقيت العربية إتباعت ..

المهم بقى ..صاحب العربية يتبط ويسيبني ..لأ ..لقيته بيتصل بيا يوم السبت بيقولي أنا صاحب العربية اللي حضرتك كنت ناوي تشتريها ..قلتله أيوه يا فندم معاك ..قالي العربية ما إتباعتش بسبب إني كنت عاوز أبيعها بتوكيل مقفول عشان هي بتاعة المدام ..حضرتك لو عايز تيجي تاخدها بتوكيل مقفول برضه أهلا وسهلا ..قلتله آخدها بتوكيل مقفول مش مشكلة ..خلاص أنا هكون عندك النهاردة العصر ..ما هو بيكلمني الظهر وأنا كنت في الشغل ..المهم يوميها إستأذنت ومشيت بدري من شغلي وروحت أخدت الميكانيكي في عربية مخصوص من العجمي لغاية سابا باشا ..وطبعا كنت أكدت على الميكانيكي الميعاد بعد صاحب العربية ما قفل معايا ..ونروح بقى عشان نشوف العربية أنا والميكانيكي ..المهم لما وصلنا ملقيناش العربية في الجراج ..بنسأل السايس فين العربية الإكسيل .قالي صاحبها طلع بيها مشوار ..قمت متصل بالراجل ..ياعم الحاج أنا وصلت ..إنت فين؟؟ ..قالي أنا في مشوار وجاي أهو عشر دقائق بالكتير قوي هكون عندك ..المهم قعدت مستني بتاع نص ساعة أنا والميكانيكي والعربية المخصوص ..فيييييين لقيت البيه داخل علينا الجراج ومعاه المدام بتاعته ...المهم المدام نزلت ومشيت وصاحب العربية وقف معانا ودي كانت أول مره أشوفه وجه لوجه ..لإن كل التعامل ده بينا بالتليفون ..المهم الميكانيكي شاف العربية ..كانت لسه الشمس في السما مكانتش لسه غربت .وعشان كده كان فيه تفاصيل واضحه شوية في العربية عن المره اللي فاتت ..المهم لقينا شرخ في الفخده من فوق من عند البطاحه ..ودي كانت جديده حكاية الشرخ ده..معرفش يمكن أنا ما أخدتش بالي منه عشان لما شفت العربية المره اللي قبليها كانت الدنيا ضلمه ولا الشرخ ده جديد فعلا ..و المكنه بتاعة العربية كانت خفيفة شوية ..والميكانيكي وراني دخنه بيضا خفيفه قوي طالعه من الشكمان ..المهم من هنا لهنا لهنا مع صاحب العربية والميكانيكي دخل معايا في الكلام ..الليلة رسيت على سبعة وعشرين الف سعر العربية .قلت لصاحب العربية أعربن ونجيب عقد ..وخصوصا إن بصراحه صاحب العربية شكله كان محترم وقالي أنا شغال قبضان في الأكاديمية والحته أصلا اللي هو ساكن فيها حتى محترمه فأنا كنت مديله الأمان يعني ..المهم قلت لصاحب العربية أعربن ..قالي لأ ..أنا مش هاخد قرش غير لما أعملك التوكيل وأجيبلك شهادة المخالفات كمان ..قلتله ماشي ..إيه الكلام بكره ..قالي بكره سيبني هروح المرور أجيب شهادة مخالفات ونتقابل بعد بكره في الشهر العقاري الساعه 12 الضهر عشان أعملك توكيلك وتديني فلوسي ..وعموما ..والكلام على لسان زوج صاحبة العربية أو صاحب العربية مش فارقه يعني .قالي وعموما إتصل بيا بكره عشان تأكد عليا وأنا أصلا هكون بكره في المرور عشان أجيبلك شهادة مخالفات ..المهم ..الميكانيكي أخد في اليوم ده 100 جنيه ..عشان طلع من ورشته ونص اليوم كان معيا وطبعا المشوار أخد بتاع 5 ساعات رايح جاي ..والعربية أخدت 75 جنيه أجره ..وآجي أنا أتصل بصاحب العربية تاني يوم ..ميردش عليا ..قعدت أتصل بيه اليوم كله ..جرس ومحدش يرد ..طبعا أن كده قلت مفيش شهر عقاري اليوم اللي بعديه ..ما أنا هروح الشهر العقاري على أساس إيه ..اللي هو المفروض يوم الإثنين ..لإن صاحب العربية قالي سيبني يوم الأحد أجيب شهادة المخالفات وهو اليوم اللي أنا قعدت أتصل بيه مردش عليا ..طبعا يوم الإثنين لا رحت شهر عقاري ولا عملت حاجه ..بس قعدت أتصل بيه برضه وفييييين رد عليا يوم الإثنين المغرب تقريبا ..طبعا أول ما رد قلتله إيه يا قبطان ..ينفع كده برضه؟؟ ..لقيته بيقولي مين معايا ؟؟..مع إن نمرتي معاه ومسجلها قدامي ..المهم بيقولي مين معايا ؟؟..عرفته بنفسي ..المهم لقيته بيقولي معلش أصل إحنا متكعبلين عشان حمايا اللي هو والد المدام توفي وعشان كده إحنا لغينا ..خلي بالك من الكلام .لغينا مش أجلنا ..لغينا موضوع البيع ...

طبعا أنا كبرت دماغي ..ولا زعلت على 170 جنيه ..ولا زعلت على الوقت والجري ..وقلت قدر الله وما شاء فعل ...

معلش رغيت كتير ..بس حاسس إن موضوعك زي موضوعي بالضبط ..وعموما ما دمت حضرتك في نطاق البحث ..يبقى تعمل حسابك إنك هتشوف حاجات من كده كتير ..