محتاج المساعده ومحتار بين شيفورليه لانوس وهيونداي فيرنا

[sherif_sur]

السلام عليكم
اخواني الكرام بجد انا محتار جدا دماغي حتنفجر عايز اخد قرار في اختيار اول سياره لي خاصه واني ركبة موديلات عاليه خارج مصر ومحتار بين شيفورليه لانوس وهيونداي فيرنا ارجوا النصيحه

[Bassem Youssef]

طالما ركبت عربيات فخمه خارج مصر يبقي العربيتين دول مش هيمشوا معاك

[sherif_sur]

مشكور للرد
بره مصر العربيات رخيصه جوه مصر الاسعار مولعه والمتاح واحدهمن الاتنين

[Bassem Youssef]

يبقي الفيرنا

علي الاقل موتورها 1600 و خاماتها الداخليه و تقفيلها افضل من اللانوس شويه

[abokoko]

لا دى و لادى

هات بي واى دى -
byd-f3

[ahmedazabreno]

انا راى الفرنا احلى وعن تجربة 3 سنين

[AymanEF]

فيرنا , بى واى دى , لانوس بالترتيب

بس انا برشح ال بى واى دى عشان اوسع مش اكتر و فيها اوبشنز اكتر انما الفيرنا متقلش عنها كعربيه

بس لو سعر اعاده البيع فيرنا طبعا و انتشار و رخص قطع الغيار

[sherif_sur]

مشكورين للرد
حد يعرف فني كويس يتقي الله ويجيد فن الشراء

[AymanEF]

انتا عايزها زيرو و لا مستعمل

[sherif_sur]

مستعمل

[AymanEF]

ادام مستعمل يبقى فيرنا من غير تفكيييير و شوف على قد امكانياتك هتلاقى الموديل و مش هتخسر فى البيع كتير

[MaZaGAngeE]

لو اسعارهم ستينات كنت هقولك لانوس لانها اوسع و افخم و اجمل شوية من الفيرنا ..
لكن في السعر ده قدامك بي واي دي او انفي و الاتنبن احسن بكتير من لانوس و فيرنا…

لكن لو مستعمل في حدود ال 40 او 50 يبقي دور علي لانسر او كرورلا او سيفيك حتي لو اقدم شوية بس هتكون احسن و افضل منهم ..

[John Silver]

فيـــــــرنا وانت مغمض
موتور 1600 - 16 صمام
قطع غيار بالهبل وسعر اعادة بيع ممتازه واي ميكانيكي يعرف لها
فتيسها الاوتوماتيك هو هو فتيس الماتريكس والالنترا 1
تكييفها القطب الشمالي فالصيف
عيبها ان جنوطها صغيرها لازم تركب جنوط 15 عشان تعلا وتكون ثابته بعد ال 120

[swimmer25]

الكيزانية كام عشان الناس تفيدك!