اشمعنه بتوع الالماني .. احنا حراميه ؟

[Mohamed_Ibiza]

يا جماعة انا بجد مش عارف ابدأ كلامي ازاي

بس الواقع اللي انا شايفه ان الصنايعية عموما بيعاملو اصحاب السيارة الالماني معاملة خاصة في كل حاجة حتى السعر

يعني مثلا امبارح كنت بعمل جلبة للمارش عند الخراط المهم اتكلفت 25 جنيه

كان واحد صاحبي عاملها قبل كده لسيارة ريجاتا كانت ب 12 جنيه

فالمهم بكلم الراجل الخراط في الموضوع ده وكان رده

" بتوع الجولف والبولو والابيزا والحاجات دي مبعملهمش حاجة اقل من 25 جنيه "

يعني يا جماعة مش كفاية ان قطع الغيار غالية مقارنة بالسيارات الاخرى كمان يبقو الصنايعية علينا

هل احنا غلطنا لما حبينا نشتري سيارة ذات كفاءة عالية وامان وثبات ومكونات ممتازة

وهل يكون تمتعنا بالسيارة الالمانية على حساب اموالنا والفروق الرهيبة في اسعار الصيانة وقطع الغيار مقارنة بالسيارات الاخرى ؟

وكان ردي على الخراط " ليه يعني هما حراميه "

قالي الشغل في تلك السيارات صعب ومقرف

!!!!!!!!!!!!!!!!!!!!!!

لا تعليق

[mada121977]

ياباشا ده طبيعى عند الصنايعيه يعنى انت روح لاى واحد صنايعى سواء ميكانيكى او عفشجى او كهربائى او سمكرى بعربيه مثلا اوبل 2002 و خلى واحد صاحبك يروح معاك يعمل نفس الشغل بعربيه شاهين مثلا ومتعرفوش ان انتم مع بعض هتلاقيه ياخد منك ضعف اللى بياخده من صاحبك

فئه الصنايعيه دى بتبقى طماعه جدااا وبيشتغلوا على موديل العربيه مش على المشكله اللى فيها

[Islam_galal]

أنا كان معايا 127 و بعدين بولو
الأسعار اتغيرت تماما مع تغيير العربية و بالتالي غيرت طقم الصنايعيه اللي بتعامل معاه كله

الناس بتبص لبعضها و كل واحد نفسه ياكل التاني بالذات في وسط الصنايعيه

[elassar2010]

الموضوع دة مش بس فى العربيات وحتى العمال الى بتحتجهم لتظبيط الشقة مثلا بيحط عامل المنطقة ومستوى الشقة فى حسابة وهو بيطلب اجرة يعنى نفس المشكلة موجودة عند حضرتك وعند زميل لك بس فى منطقة شعبية بيطلب من حضرتك ضعف الاجر الى طلبة من زميلك
دة الطبيعى هنا

[Nour_Peugeot]

لجشع ده موجود في اغلب المصريين و دي سلوكيات صعب جدا تتغير

[ehab_mansour]

حسبي الله ونعم الوكيل في الناس دي ربنا يهديهم

[Sameh]

إنت بتروح التوفيقية تجيب دواسات أو عراقة أو شماسة ، حاجة مالهاش علاقة بالموديل ، أول سؤال لازم تتسأله (عربية إيه؟) وبناء عليه يتحدد السعر

[sab3aawy]

الحل لتلك المشلكة سهل جدا، وقف اى تاكسى شاهين واعرض عليه انك تبدل علامى الVW اللى على عربيتك بعلامة الصقر اللى على عربيته، هو هيفرح جدا، وانت حط علامة الصقر مكان الVW واكتب عليها من ورا Tofas Golf ولما تروح للميكانيكى قول له ده الموديل الجديد من الشاهين :)

بصراحة مالقيتش غير الهزار لأن الكلام الجد للأسف ان الجشع مع الجهل دى خلطة مصرية مالهاش حل غير اننا نرمى الشعب ده ونجيب شعب على بعضه استعمال الخارج هيكون انضف ميت مرة من اننا نحاول نعمل عمرة لمخ الشعب ده او تفكيره

[sab3aawy]

إنت بتروح التوفيقية تجيب دواسات أو عراقة أو شماسة ، حاجة مالهاش علاقة بالموديل ، أول سؤال لازم تتسأله (عربية إيه؟) وبناء عليه يتحدد السعر

انا لما بتسأل السؤال ده فى حاجة انا عارف ان مالهاش علاقة بموديل العربية بجاوب : 128

[Lord of the flies]

الحل لتلك المشلكة سهل جدا، وقف اى تاكسى شاهين واعرض عليه انك تبدل علامى الVW اللى على عربيتك بعلامة الصقر اللى على عربيته، هو هيفرح جدا، وانت حط علامة الصقر مكان الVW واكتب عليها من ورا Tofas Golf ولما تروح للميكانيكى قول له ده الموديل الجديد من الشاهين :)

بصراحة مالقيتش غير الهزار لأن الكلام الجد للأسف ان الجشع مع الجهل دى خلطة مصرية مالهاش حل غير اننا نرمى الشعب ده ونجيب شعب على بعضه استعمال الخارج هيكون انضف ميت مرة من اننا نحاول نعمل عمرة لمخ الشعب ده او تفكيره

هاهاهاهاهاهاهاهاهاه
اقتراح جامد جدا يا بشمهندس سبعاوى:k18:

[Mohamed_Ibiza]

ياباشا ده طبيعى عند الصنايعيه يعنى انت روح لاى واحد صنايعى سواء ميكانيكى او عفشجى او كهربائى او سمكرى بعربيه مثلا اوبل 2002 و خلى واحد صاحبك يروح معاك يعمل نفس الشغل بعربيه شاهين مثلا ومتعرفوش ان انتم مع بعض هتلاقيه ياخد منك ضعف اللى بياخده من صاحبك

فئه الصنايعيه دى بتبقى طماعه جدااا وبيشتغلوا على موديل العربيه مش على المشكله اللى فيها

حسبي الله ونعم الوكيل

وشكرا لمرورك ياباشا

[Mohamed_Ibiza]

أنا كان معايا 127 و بعدين بولو
الأسعار اتغيرت تماما مع تغيير العربية و بالتالي غيرت طقم الصنايعيه اللي بتعامل معاه كله

الناس بتبص لبعضها و كل واحد نفسه ياكل التاني بالذات في وسط الصنايعيه

اكيد احساس مختلف تماما بين التعامل نع الصنايعة ايام ال 127 والبولو

الله يكون في عونك

[Mohamed_Ibiza]

الموضوع دة مش بس فى العربيات وحتى العمال الى بتحتجهم لتظبيط الشقة مثلا بيحط عامل المنطقة ومستوى الشقة فى حسابة وهو بيطلب اجرة يعنى نفس المشكلة موجودة عند حضرتك وعند زميل لك بس فى منطقة شعبية بيطلب من حضرتك ضعف الاجر الى طلبة من زميلك
دة الطبيعى هنا

يبقى انت اكيد في مصر

يارب الطف بينا

شكرا لمرورك ياباشا

[Mohamed_Ibiza]

لجشع ده موجود في اغلب المصريين و دي سلوكيات صعب جدا تتغير

ارحمنا يارب

شكرا يا باشا ع المرور

[Mohamed_Ibiza]

حسبي الله ونعم الوكيل في الناس دي ربنا يهديهم

فعلا حسبي الله ونعم الوكيل