شراء سيارة بموتور غير مثبوت على الرخصة

[ACC.Eslam Arif]

السلام عليكم
دلوقتى انا هشترى عربية بتوكيل والعربية تمام مشكلتها الوحيدة انها مغيرة موتور قريب جدا والمالك معه الفاتورة باسمه وعلى ضهرها رقم الصادر بسورق الافراج لسه موصلش المرور من بورسعيد ومالك العربية هيسافر خلاص
فدلوقتى هو عرض عليا يعملى مبيعة بالموتور واثبته انا بالتوكيل فى المرور
هل الكلام ده مظبوط ولا فى كلام تانى ؟

[lada2010]

لا طبعا لازم هو يثبت الموتور الاول على الرخصة بنفسة علشان هتدخل فى حوارت انت مش قدها ابعد عن الشر وغنى لة

[hugan]

عادي انا اشتريت عربيه واشتريت ليها موتور استير اد
والعربيه مش باسمي
بتروح الدراسه وتتطلب نقل اﻻفراج علي اداره المرورالتابع انت ليها
بالتوكيل اللي معاك
وزياده في اﻻحتياط ممكن تخليه يعمل لك تنازل عن الموتور او مبايعه في الشهر العقاري

[Bassem Youssef]

من الافضل ان المالك السابق يثبت الموتور الجديد علي الرخصه بنفسه عشان محدش في المرور يتلكك

دول ما بيصدقوا يعملوا اي حوار عشان يقلبوا الزبون في اي فلوس

[Abo_Mazen]

طيب وإنت هتجري على إثبات الموتور ؟؟؟..هو إنت لحقت تستخدم العربيه عشان تجري إنت على إثبات الموتور؟؟؟ ..يتكسر في سعرها بقى عشان خاطر الحته دي

[Anaslbda]

عادي جداً لو واثق في صاحبها لكن المشكلة الوحيدة في مشوار المرور نفسه مقرف.