إعـــــــلان

Collapse

.

,
See more
See less

كيف تفكر قبل شراء سيارة

Collapse
X
 
  • Filter
  • الوقت
  • Show
Clear All
new posts

  • كيف تفكر قبل شراء سيارة

    عاوز اعلق تعليق بسيط فى موضوع تفكيرك فى شراء السيارة

    فى مصر ولو كل تحركاتك داخل القاهرة مثلا وبتسافر مرة او مرتين فى الاسبوع تصبح فئة اللانوس وما شابهها عربية ممتازة وتتفوق على الالمانى والاسكودا فى الناحية الاقتصادية
    لانك داخل القاهرة كبيرك فى السرعة 80 الى 90 كم وبتبقى تخاطيف مش كل الطريق
    او حتى لو هتعمل مشاوير على الطريق الدائري اخرك فى السرعة 100 الى 120 كم وايضا بتكون تخاطيف من الطريق وليس كل الطريق ده طبعا لو مش هيفرق معاك موضوع مخالفات السرعة 90 كم-ساعة
    يعنى اى عربية تقدر تجيب السرعة دى بمنتهل سهولة ويسر وامان
    ومش محتاج بقى كل اوبشنز الامان لانك ببساطة نادرا ما تسمع حادث على الطريق الدائرى نتيجة ال اى بى اس او الايرباج وخلافة

    - من ناحية الاعتمادية : عطل السيارة اللانوس لو حدث لك صباحا او فى طريقك للعمل تقدر بكل سهولة تلاقى اقرب ميكانيكى يصلح اى عطل وتقدر بكل سكهولة تتحرك فى محيط منطقة تواجدك مسافة قصيرة لتحصل على قطعة الغيار بكل سهولة وبسعر بسيط وتقدر تكمل يومك وتذهب للعملز بينما فى حالة الاوكتافيا كمثال لازم تجيب ونش اكيد يرفع السيارة وتذهب لها الى التوكيل او مركز صيانة معتمد وتروح مشاوير طويلة للحصول على قطع الغيار وتدفع مبالغ كبيرة وطبعا الموضوع ممكن يعدى اليوم
    فمن هنا الاعتمادية تصبح افضل للانوس

    - ومن الناحية الاقتصادية تلاقى حضرتك متوسط مصاريف السيارة سنويا (صيانة فقط) تلاقية فى حدود 10% من مصاريف صيانة سيارة اوكتافيا كمثال
    يعنى مصروف السيارة الشهرى بيكون فى حدود مثلا 200 الى 300 جنية للانوس كمثال بينكا فى الاوكتافيه بيكوم من 800 الى 1000 جنية (متوسط شهرى)
    يبقى من الناحية الاقتصادية والاعتمادية داخل القاهرة اللانوس افضل

    الموضوع ده طبعا فى حالة شخص بيسافر كتير غردقة وشارم وعين سخنة وساحل شمالى والصعيد بمعدل 4 الى 6 مرات شهريا يبقى المعادلة تصبح لصالح الاكتافيا لانه طبعا فى هذه الحالة السرعة ستتحول متوسط من 120 الى 160 كم بالاضافة الى ضرورة توافر عامل الامان على هذه الطرق السريعة

    للاسف نحن فى مصر بنبص اكتر للشكليات والبرستيج بعيدا عن المضمون
    تلاقى شخص عمال بزنق نفسة عشان يركب سيارة ب 200 الف جنية ويخمل نفسة اعباء مالية وفى الاخر تلاقى استخدامه لهذه السيارة محدود وبسيط ولا يستفيد من كم الاوبشنز وعوامل الامان قى المقابل كان ممكن سيارة اقتصادية بسيطة تحقق له نفس المعادلة الاحتياجية مع السعر المناسب الغير مرهق له
    يجب ان تتحول ثقافة النظر الى السيارة انها تحقق المطلوب منها بكفائة
    المطلوب من السيارة تتحرك من نقطة الف الى نقطة ب بدون مشاكل وباقل تكاليف
    فلو انت تستخدمها للذهاب للعمل يوميا فتكون اقل تكلفة واقل اعطالا هى الافضل فى الاختيار
    ولو انت شغلك كله سفر فى طرقات الصجراء الطويلة وبمعدل كبير فتصبح الاكثر سرعة والاكثر ثباتا وامانا هى الافضل فى الاختيار

    فيه ناس معاها فلوس تقدر تشترى سيارة بى ام اعلى فئة ولكنها تركب سيارة اقتصادية وذلك بتفكير اقتصادى وليس بتفكير برستيج وشكل وخلافة

    دى وجهه نظر قد تكون صائبة او خاطئة
    ------ اشهد ان لا اله الا الله - وان سيدنا محمد رسول الله --------
    [SIGPIC][/SIGPIC]

  • #2
    كلام جيد وبيغير وجهة نظر ناس كتيير بس انا شايف ان الامان لا تنازل عنه لانه لا يساوى اى شء اخر
    "ذلك من فضل الله عليناوعلى الناس ولكن اكثر الناس لا يشكرون"

    الحمد لله

    Comment


    • #3
      كلام سليم و فعلا علي حسب استخدام العربية تقدر تجيب الانسب و الاوفر في المصاريف
      [mshosh2]http://www.4shared.com/photo/lCkSz74F/morsee.html[/mshosh2]

      Comment


      • #4
        لا اهم حاجه هنا المنظره و الفشخره الفارغه

        Comment

        Working...
        X